華府台語學校中年級
                                                            賴思涵 (十一歲)

Taioaan-Cy-Ia
台 灣 之 夜

      Taixkef hør! Goar si Loa Suhaam.  Citmar goar bøeq korng  ee si Taioaan-cy-ia
      大家    好 !  我   是  賴  思涵 。  這碼   我   要    講    的 是  台灣   之 夜
hit'cidaxm, goar ee kenggiam.
彼  一 暗 ， 我  的   經驗 。
    
    
     Itgøeh jixpøeq  hitjit, twhør løh toaxseq.  Goarn cinzar tiøh zhutmngg, in'ui 
     一月   二 八     彼 日   抵好  落   大 雪 。  阮    真早   得   出 門 ，  因為  
goar kab goar ee siøfti  tiøqaix liexnsip  piawiern.  Goarn jixncyn liexnsip liawau,
我   與   我   的  小弟    得  愛  練 習     表  演。    阮    認真     練習     了後 ，
ciah tiøh  cyn-chvezhaw ee armtngx.  Taxnsi goar ciog-kyntviw, in'ui goar  mafsiong   
食  著     真  腥操     的 晚頓  。   但是    我   足   緊張  ，  因為   我   馬  上
aix piawiern nngxee cietbok. 
愛   表  演    兩個    節目 。


     Bøo-joaxkuo, armhoe  khaisie.   Taixsefng si panciorng,  køex`laai si
      無 外久，    暗會    開始 。      代先     是   頒獎   ，   過  來    是
piawiern. Uxlaang tvoaa kngrkhiim, uxlaang chviuokoaf, thiaobuo. Ciab`løqkhix
表演 。   有 人    彈    鋼琴    ，  有  人    唱歌   ，   跳舞 。  接    落去 
si larn Taiguo Haghau ee cietbok.  Goarn kawee laang piawiern   ee  cietbok  si
是  咱   台語   學校   的  節目 。   阮    九 個   人    表演       的   節目    是
"Kw kab Peqthox ee Pysaix". Goarn taixkef cyn-phahpviax, sofie goar tiøh bøe
"龜 和   白兔    的 比賽"。   阮     大家   真  打 拚 ，     所以   我   就   未
kieteq kyntviw.   Piawiern oaan, taixkef ka goarn phahphog'ar, goarn cyn-hvoahie.
記得   緊張 。      表演     完  , 大家    甲  阮    打拍  仔,     阮    真   歡喜 。
    
    
     Soax`løqkhix,  goar  voaxsvaf zwnpi thiaobuo.   Goar zhoarn cide toaxkhuix,
      續    落 去，  我     換衫    準備   跳舞  。     我    喘    一下   大氣
ciu  kaki cid'ee laang cviuxtai khix kaesiau goarn ee cietbok, "Cidky Siør-Hoxsvoax". 
就   家己  一個   人     上  台   去   介 紹    阮    的  節目，   "一技  小   雨傘" 。   
Suijieen goar ciog sviuxbøeq biq`leq  khaartiern    ee auxpiaq.  Taxnsi, goar zaiviar 
雖  然    我   足   想   要    匿 哩    布幕(curtain)  的 後壁  ，   但是    我   知影  
goar bøextaxng afnny zøx.   Goar korng bøe zhutlaai goar hitzun ee  kafmkag.  Goar
我    未  當    安呢  做。    我   講   未    出來     我   彼陣   的   感覺 。   我
cyn-siøfsym ka goarn thiaobuo ee cietbok kaesiau ho taixkef.  Korng oaan liawau
真  小 心    甲   阮   跳舞     的  節目    介紹   給   大家 。   講    完   了後
goar  cyn-khinsafng.  Goarn chit'ee  zabor-gyn'ar ti  imgak-tiofng ka buo
我      真   輕鬆  。   阮    七  個   查 某  囝仔   在   音樂  中     甲 舞 
thiaux oaan. Taixkef ho  goarn ciog toa ee phahphog'ar sviaf. Goar zaiviar goar
跳    完 。   大家   給    阮    足   大  的  打拍    仔   聲 。 我    知影    我  
efng'oarn lorng øe kieteq Taioaan-cy-ia hit'cidaxm.
永   遠    攏    會  記得   台灣   之 夜  彼   一暗 。
    

     Zef tiøh si hit'axm goar ee kafmsiorng.     Tøsia!
     這  就 是   彼  暗   我   的  感  想 。      多謝!