Cym ti bagciw-boea ee bagciw

EYES THAT KISS IN THE CORNERS

Johanna Ho NYT Best Selling Author

Ux'ee laang ee bagciw chinchviu napøfciøh-oo.
Tngtngg ee bagciw-mngg chinchviu lefhok ee leasuq.
Bagciw køo-laai køo-khix ee sii, bagciw-mngg tiøh
ti bixnphoee terng sud-laai sud-khix.
Vikurnkuxn ee bagciw, tngtngg ee bagciw-mngg.

Mxsi goar.

Goar ee bagciw cym ti bagciw-boea. Kimkym chinchviu lalun'afsiøf-tee.
Goar ee bagciw kab mamaf kaxngkhoarn.
Mamaf ee bagciw cym ti bagciw-boea. Kimkym chinchviu lalun'afsiøf-tee.
Bibii ee bagciw kaix-seeng ciamciafm ee goeqniuu.

Mamaf haxpafn tngr`laai ee sii, e ka goar siøq.
Bagciw kym-sihsiq chinchviu chvy ee kngf, 
ittit ka goar gviaw kaq phag teq thokhaf chiøx.

Armsii mamaf zhoa goar khix khuxn ee sii, 
y ee bagciw ka goar korng goar si u kaux ørmiau.
Ti hit'ee sizun, y lorng si goar ee.
Thiaotong ee kimphvie'ar ka goar korng goar ma si mamaf ee.

Goar ee mamaf si goar ee thvy kab jidthaau.
Ar y ee bagciw kab amar kaxngkhoarn.

Amar ee bagciw cym ti bagciw-boea. Kimkym chinchviu lalun'afsiøf-tee.
Kab kofzar ee uxnzog ykefng bøo kaang`aq.
Mxkuo y lorng e khvoax tiøh goar ee simlai.
Sixmcix zaiviar goar teq sviu symmih.

Goar u khvoax tiøh Koan'ym kab Kaau-ciøqthiefn ze ti lienhoef-terng.
Soeasoex-liap ee naixcy ti chiu'ar-terng.
Ar ciog zoe svoaf liaam kaux hae.

Goar ee amar lorng boe lau.
Ar y ee bagciw kab memef kaxngkhoarn.

Memef ee bagciw cym ti bagciw-boea. Kimkym chinchviu lalun'afsiøf-tee.
Ti thang'ar niq`cide-niq`cide, ittit tarn goar tuy haghau tngr`laai.
Goar na lip kaux zhuolai, y 2-khie ee chiørioong khaxm koex y ee bagciw.

Y toex goar auxpiaq hiern`cide-hiern`cide.
Ka goar kimkym khvoax. Kaix chinchviu goar si y sioxng'aix ee lefbut.
Goar hibang y efng'oarn afnny ka goar khvoax.
In'ui y afnny khvoax goar ee sii, goar kafmkag goar teq poef. 

Memef ee bagciw cym ti bagciw-boea. Kimkym chinchviu lalun'afsiøf-tee, 
kab goar kaxngkhoarn.

Goar bibii ee bagciw kaix-seeng ciamciafm ee goeqniuu.
Ma chinchviu chvy kimsihsiq.
Kimphvie'ar ti hiaf cirntong ee sii, ciog zoe korsu ti olioong-tii safnsefng.
Laixbin u koeakhix hoatsefng ee ciofngciorng taixcix. 
Tuix bixlaai ee ngrbang.

Amar ee bagciw e khvoax tiøh koankoaan ee svoaf.
Padlaang ee bagciw khoehkhoeq ee sii, goar hioxng cieen khvoax.

Goar ee bagciw-mngg oan'oafn chinchviu ciernsu ee kiaxm.
E ho goar khvoax tiøh huun`niq ee ongtiaau.

Amar ee bagciw cym ti bagciw-boea. Kimkym chinchviu lalun'afsiøf-tee.
Hef si cidciorng cirnpiexn.
Yn si mamaf kab amar kab memef.

Yn si goar, ar yn lorng ciog suie`ee.
Palo Alto City Event