Thaai KQef Kax Ciao

                                                                                           Tengtefng

    LawLiie`ee svijit, peng'iuo hapzQee saxng y cidciaq engkQf zQx lefbut.  KhQfsiQq citciaq engkQf thiensexng bae, hQr`ee mxQh, bae`ee khogkhog'Qh.  BQjoaxkuo khuizhuix tQ lorng zho'oe, sisioong tekzoe-tiQh jibmngg ee langkheq.

    LawLiie`ee uixtiQh afnny, cviaa thaukhag thviax.  Khngx`y, kiuu`y, me`y, zhwhoat`y, paxng koftiern-imgak kafmhoax`y, liam sy ho y thviaf,... zabpQeq-pafn ee bwge lorng eng liawliao, khiog bQo cidsi'ar kaysien.

    Uxcidjit, engkQf kQq teq opeqkorng, ka LawLiie`ee sinkaw ee luo-peng'iuo khiezao`khix.  LawLiie`ee ti huisioong siuxkhix-cy-ha, koatteng bQeq taxnghoat`y.  Ka y he-jibkhix lefngtorngsviw ee laixbin.  Taixkhysefng ee kuyhunzefng y iawteq  gvi-zhuiecih, korng bQexsoaq.  Soax`lQqkhix, sviaym soax hutjieen theeng`tiau.  LawLiie`ee kviaf y siu tarngsiofng, ka lefngtorngsviw khuy`khuy, bQeq khvoax si-mxsi u tengtvaa.  Cidkhvoax, engkQf khiog iao hQfhQr.  

    Y ka engkQf tuy lefngtorngsiw liah`zhutlaai.  TQ iawbQe khuizhuix`teq, engkQf soax zuxtong ka y hoee sitlea, kQq ciuozoa korng yau bQe kQhzaix korng zho'oe laq.

    LawLiie`ee hvoahie kQq tiQqkviaf, mxzay engkQf nar Qe cidsikafn  zoafnpiexn ciahtoa.  EngkQf hoethaau khvoax lefngtorngsviw cidgarn, sQea'ar sviaf mng LawLiie`ee korng, "Chviafmng, laixbin hit'nngxciaq kQef taotQea si zQx symmih phvaytai?"