Goar ee Lauxpe, a'Samkøf

Siar ti Y 80-høex ee Huxchyn-cied

Liie, Suixhong

Langlaang kiøx y a'Samkøf
Liie`kaf hauxsvy tøexsvaf-køo
Jixncyn phahpviax ma cyn-hongsøf
Taghang suxgiap cyn-gauzøx

Bøexpefng bøexzng'ar bøo-khinkhør
khatah sidtøe biern hoanlør

"LAE-TøQ" kangtviuu tøe-id-hø
Soaxnciøh paizuo si lawjixhø

Sam'oat sechviuo phyncid hør
kongsy miasviaf cyn-khøfkhøx

Bykog senglie bøo-høfzøx
"MO-TE-LUD" keng'eeng y si goanlør

Thøeahiw seng'oah saix iafhøh
Voarvoax khyzhngg bølaang løsøf
Høfiuo siekhaf machiog cidtøq
"BENZ" pøechiaf loglog'søo

Itsefng hurntox u hokpøx
Suybor siøpøee zøx lauxpøo
Uxkviar thafng-zhef swn thafng-phø
Citciorng hokkhix bøteathør