Zhawtøe-laang

Goar si cidee zhawtøe-laang.
Øexkietid hit'tongsii goar iao cyn-søeahaxn.

Uixtiøh aeciah tauxhu tauxthaau paitui paai kuikafng.
Goar mng abuo :  Uixhøo yn ciaqhii-ciaqbaq,
Larn lieen tauxthaau tø bøextaxng phvixphafng?

Abuo korng :  In'ui larn si zhawtøe-laang.
Øx! Larn si zhawtøe-laang.

Sidzai korng ia cyn-høfkhafng.
Tøexji-zhux seakaix-taixciexn yn ia øe tauhaang.

Larn ciaq teq hvoahie, hvoahie thvitøe tihbøeq siok larn.
Bøgii kao voa ty iaxsi siøkaang.

Larn taotøea iawsi zhawtøe-laang.
Øx !    Zhawtøe-laang !
Larn kafmsi miaxtøea zuoteng ee zhawtøe-laang?

Hoatsefng Jixjixpad, tongsii goar iao mxbad.
Gaor mngxkøex taotøea symmih kiørzøx Jixjixpad ?

Bølun y si a'kao a'niaw bølaang kvar hoetab.
Kehpiaq ee apeq korng :  Hef si cidciorng ee pogsad.

Lie na aix sveamia iawsi mxthafng khix bad.
In'ui larn zhawtøe-laang bøo-sealat.

U ti'ar chiøx larn bøo-kutkhix.
Ho kawar khihu kuyzap-nii.

Iawsi lanbiern bøeq korng kawar-gie.
Kisit korng kawar-gie, ti'ar-gie, u symmih hør-siuxkhix.

Høfkhix`ee si larn zhawtøe-oe mxbad seng'ui kvoagie.
Larn zhawtøe-laang mxbad zexkøex kimkau'ie.

Larn pixlaang pek'hai kuynaxtai.
Na hoafnkhoxng tiøh hoong thaai.

Taixkef sviuxkhvoarmai.  Zef karm erngkay ?
Uixtiøh sveamia cy'u kea-mxzay.

Kisit muycidlaang zar`tiøh teq kithai.
Kithai zuxiuu ee jidcie kvoafkirn laai.

Tafnthai u cidjit Taioaan siok larn ee.
Kisit Taioaan pwntøea tøxsi larn ee.

Si laang eng bwlek ka larn theqkhix bøe.
Ho larn kuynaxtai lun'ui lole.

Bang goaxn'ix zøx Taioaan-laang ee taixkef.
Khie`laai kiernlip cincviax siok larn ee thvitøe.