Goar kab Hoahuo-Taiguo-Haghau       華府台語學校
                      我  與   華府  台 語  學 校          陳慧玲(十六歲)


          Goar ee miaa kiørzøx Taan Huixleeng. Svanii-zeeng goar iawkøq si
          我   的 名    叫 做  陳   慧  玲 。    三年  前    我   猶 復 是
     Hoahuo-Taiguo-Haghau ee hagsefng, taxnsi citmar goar si Taiguo haghau
      華 府  台 語 學 校   的  學 生 ，   但是   這碼   我  是  台語   學校
     siøfpafn ee Taiguo lauxsw.
      小  班  的 台 語  老  師。

          Kawnii-zeeng, goar khaisie laai Taiguo Haghau thagzheq ee sii,
           九 年  前 ，  我   開  始   來   台 語  學 校   讀  冊  的  時，
     goar cyn-bøaix øh Taiguo,  mxkuo citmar goar cyn-kafmkeg  goar ee
     我   真  無 愛 學 台 語，    不過   這碼   我　真  感  激    我  的
     pexbuo hitzun kiøx goar laai thak Taiguo.   In'ui ti cit'kawnii ee
     父 母   彼陣   叫   我   來   讀   台 語。     因為  在  這 九 年  的
     tiongkafn goar øh ciokzøe ee miqkvia,  køq kaw cinzøe syn ee peng'iuo,
     中   間   我   學 足  多   的   物件,    復 交  真 多  新  的 朋   友，
     kab tittiøh cinzøe simseg ee kenggiam.
     與  得 著   真 多  心 適  的 經  驗。

          Goar ti Taiguo Haghau ee  kenggiam  efnghiorng-tiøh goar ee
           我  在  台語   學校  的   經  驗    影  響     著   我  的
     cionglaai.  Goar menii ciu bøeq khix thak taixhak.  Goar ti zhotiofng
      將 來 。    我   明年  就   要   去   讀   大 學。    我  在   初中
     ee sii, mxbad sviuxkøex cionglaai bøeq zoex lauxsw, in'ui ti Bykog
     的 時，  不曾   想  過    將來     要    做    老 師， 因 為 在 美國
     lauxsw ee siaxhoe-tøexui kab sinsuie lorng cinke.  Taxnsi ti svanii
      老師  的  社  會  地  位  與  薪 水    攏    真 低。 但  是 在  三 年
     ee kaohak-tiofng, ho goar thefgiam-tiøh cinzøe hylok. Goar hoat'hien
     的  教 學  中，    互  我   體  驗   著   真 多   喜樂。  我   發   現
     karzheq si cidhang cyn-tioxng'iaux køq cyn-u iegi ee taixcix, sofie
     教 冊   是 一 項    真  重      要   復  真  有意義 的  代誌 ， 所 以
     goar koatteng cionglaai bøeq zoex cidee lauxsw.
     我   決  定   將   來    要   做   一 個  老  師。

          Goar bøeq tøsia Taiguo Haghau ee Paang Ciaukhefng hauxtviuo ho
          我   要   多謝   台 語  學 校   的 馮    昭  卿     校  長    給
     goar cit'ee kihoe laai kax Taiguo.  Goar ma bøeq tøsia goar ee
     我   這  個  機會  來    教  台 語。  我   亦 要   多謝  我   的
     hagsefng, in'ui yn   ho goar cinzøe simseg kab khoaelok ee køeakhix.
      學生，    因為 他們  給 我    真 多  心 適  與   快   樂   的 過  去。