Korng Peqzhat

     U cidee simlyhak ee kaosiu moq cidtuy kafnggi khix-kaux kaoseg.  Y thwn cidzhuix zhuienoa, liawau ciu korng, "Kin'afjit, larn sioxngkhQx ee zwtQee si khQrpurn ee tQe-10 cviw.  Lirn-taixkef lorng u ti zhux'nih siefn unsip`kQex bQo?"

    "Lorng unsip`kQex laq!"  ZQexzQe tong'Qh tangzQee afnny hoetab y.

    "Cyn`ee, lorng unsip`kQex aq?" Kaosiu kQhzaix mng cidpiexn.

    "Cyn`ee !"

    Kaosiu bibi'ar chiQx, ma bibi'ar tirmthaau, korng, "Hngx, cviahQr, lirn cincviax si iusiux ee hagsefng, maxsi goar zoex-tit'ix ee hagsefng!  Suxsit-siong, khQrpurn laixbin kunpurn tQ bQo tQe-10 cviw, kantvaf kaux tQe-9 cviw naxtvia.  Kin'afjit larn bQeq thQflun ee zwtQee si "Taam peqzhat", citmar goar ka pofchiofng ee "TQe-10 cviw" ee kafnggi hoad ho lirn...."