Thiaux nngxpiexn

Cidee Irnto-laang kab cidee Tiongkog-laang ze ti ciwpaf teq khvoax tiexnsi-sinbuun. Tiexnsi ee oexbin si cidee zabor-laang khia ti lauterng, ar teq ka kefngzhad uihiap, korng yi bQeq thiaolaau-zuxsad.

Cit’ee Irnto-laang ciu tuix Tiongkog-laang korng, “Goar kab lie siQsw.  Yi naxsi thiaux`lQqkhix, lie sw goar 20-khof.  Ar naxsi bQo thiaux, goar sw lie 20-khof.  HQr`bQo?”

Cit’ee Tiongkog-laang korng, “Qexsae`tid.”

Kuyhunzefng yau, cit’ee zabor-laang ciu thiaolaau laq.  Tiongkog-laang ciu theh 20-khof ho Irnto-laang.

KengkQex zabgoa hunzefng, cit’ee Irnto-laang korng, “Goar bQexsae theh lie ee cvii.  Goar lawsit ka lie korng, citkvia sinbuun tiongtaux tQ pQx`kQex laq, zef si tionghok kQq pQx ee sinbuun.”

Cit’ee Tiongkog-laang tuix y korng, “BQo mxtiQh, cvii si lie ee.  Lie viaa-kaq cviaa-zerngtofng, pexngbQo thauciaqpo.  In’ui tiongtaux goar ma u khvoartiQh cittiaau sinbuun.”

Irnto-laang korng, “Na afnny, lie nar Qe kab goar siQsw cit’ee zabor-laang bQe thiaolaau leq?”

Tiongkog-laang korng, “Goar bQo gigo cit’ee zabor-laang Qe gong-kaq Qe khix thiaux nngxpiexn laau.”