Zhuopvy -3

                                                                     Liie Lamheeng  TBTS 48, 7

    Cidee toax ti laukhaf ee laang, tag'axm khuxn-kaux pvoarmii, lorng ho toax ti lauterng ee laang zhar`khylaai, in'ui y thngx Qe'ar liawau lorng tuix thokhaf taxngtang taxn nngxe.

    KengkQex cidlefpaix-goa, laukhaf ee laang sidzai bQhoatto kQq jymnai, ciu bQo khehkhix zao-khix lauterng hioxng lauterng hit'ee laang khornggi.  Cit'ui zhuokhaf si cyn korng tQxlie ee laang, hQee sitlea liawau ciu pQfzexng auxpae bQexkQq hoatsefng citkhoarn taixcix.

    Soax`lQqlaai hit'kuymii, y lorng cyn-siQfsym thngrQee, ar khinkhin'ar khngx.

    U cidaxm, lauterng ee zhuokhaf ciah ciwzuix tngr`laai, thngrQee liawau, tuix thokhaf phiang`cidsviaf, ciaq sviuxkhie tah'exng ee oe.  Ciu khinkhin'ar ka lexnggoa hitkhaf khngx-hQfsex.  

   Y khuxn bQjoaxkuo, hutjieen uxlaang laai teq lorngmngg.  Phahkhuy mngg, cidkhvoax, si laukhaf hit'ee laang kui ti mngkhao, ngx y korng "ZQrkoar hQftai, chviar lie ka lexnggoa hitkhaf Qee thngx`khylaai, taxn-khix thokhaf, goar sidzai tarn-gaq toxng-bQextiaau aq."