Zexngthor Samkefng

淨土三經

黃美雲  翻譯

“Mytøo pwngoaxnlek” ciuxsi “Zexngthor Hoatbuun”.

“彌陀本願” 就是 “淨土法門”.

“Zexngthor buun” ciuxsi “Ofngsefng zexngthor seeng hut” cy kaohoad.

“淨土門” 就是 “往生淨土成佛” 之教法.

Lofngzorng u nngxpaq goa purn ee kengtien u tamtiøh zexngthor ee susiorng..

攏總有兩百外本的經典有談著淨土的思想.

Ti hiahniq’zøe ee zexngthor kengtiern tiofng, ie “Bulioxngsiu Kefng”,

在彼呢多的淨土經典中, 以 “無量壽經”,

“Koafn Bulioxngsiu Kefng” ykip “Amytøo Kefng” ui zerng’y kengtiern.

“觀無量壽經” 以及 “阿彌陀經” 為正依經典.

Sofie, cid samkefng tø pi zheng’ui “zexngthor samkefng”.

所以, 這三經就被稱為 “淨土三經”.

Zexngthor samkefng ee itkoaxn zengsiin si :

淨土三經的一貫精神是:

“Ti buun zeg sixn ee itliam cy tiofng, ie buun kab sixn laai siuxchii Mytøo pwngoan ee kiuoto.”

“在聞即信的一念之中, 以聞和信來受持彌陀本願的救度”.

Ia ciuxsi khngx larn iong “Zarnthaxn thvalek liaxmhut ee sirnsyn” khix sirnsiu.

也就是勸咱用 “讚嘆他力念佛的信心” 去信受.

Ti Zexngthor samkefng`nih, u siongsex soatbeeng Mytøo kiuoto ciorngsefng,

在淨土三經裡, 有詳細說明彌陀救度眾生,

ciorngsefng pi kiux ee yn kør ykip Keglok seakaix ee susexng zonggiaam.

眾生被救的因果以及極樂世界的殊勝莊嚴.

Samkefng si ie “taixkefng”, ia ciux si “Bulioxngsiu Kefng” ui tiongsym.

三經是以 “大經”, 也就是 “無量壽經” 為中心.

Ar “Taixkefng” si ie “Tøe 18 goan” ui kunpurn.

而“大經” 是以 “第 18 願” 為根本.

“Tøe 18 goan” si ie “goan sengciu buun” ui sym iaux.

“第 18 願” 是以 “願成就文” 為心要.

Ar “Sengciu buun” ee kimkofng garn zeg si “buun kii bengh ee itliam cy sixn”.

而 “成就文” 的金剛眼則是 “聞其名號的一念之信”.

Sekzwn sofie ti cit’ee sapøo seakaix sixhien seeng hut,

釋尊所以在這個娑婆世界示現成佛,

Y zwiaux ee bogteg tø si bøeq “kiuoto ciorngsefng”.

伊主要的目的就是欲 “救度眾生”.

Sekzwn taotøea si iong sviafmih paxnhoad laai tadtiøh cit’ee bogteg neq?

釋尊到底是用甚麼辦法來達著這個目的呢?

Y si ie “cinsit cy li”, ia tø si “Mytøo pwngoxnlek”, 48 goan tiofng ee tøe 18 goan;

伊是以 “真實之利”, 也就是 “彌陀本願”, 48 願中的 18 願;

ui honghoad laai tadtiøh “kiuoto ciorngsefng” ee bogteg`ee.

為方法來達著 “救度眾生” 的目的的.

“Bulioxngsiu Kefng” zwiaux si teq cionghiern Sekzwn ee “tøe 18 goan”;

“無量壽經” 主要是在彰顯釋尊的 “第 18 願”;

si tidsoad cinsit suun thvalek ee kaohoad.

是直說真實純他力的教法.

“Koafn Bulioxngsiu Kefng” iuxzhefng “Koankefng”, 

“觀無量壽經, 又稱 “觀經”,

si teq soatbeeng Sekzwn “tøe 19 goan” ee cyzhux;

是在說明釋尊 “第19願” 的旨趣;

Zef si siw texngsien kab sarnsien, hoehioxng ofngsefng zexngthor.

這是修定善和散善, 迴向往生淨土.

Ar “Amytøo Kefng”, iuxzhefng “Siawkefng”,

而 “阿彌陀經” , 又稱 “小經”,

si teq kofngsoad Sekzwn “tøe 20 goan”ee loexhaam;

是在講說釋尊 “第 20 願” 的內涵;

zwiaux si teq soatbeeng ka thvalek sofsux ee benghø, torngzøx kaki ee sofiuo,

主要是在說明把他力所賜的名號, 當做家己的所有,

ar id jit naycix chid jit, itsym putloan liaxmhut, kiuu sefng zexngthor. 

而一日乃至七日, 一心不亂念佛, 求生淨土.

Inzhuo, hoansi sviuxbøeq ti kimsefng hek teg “Mytøo pwngoan” ee kiuoto`ciar,

因此, 凡是想要在今生獲得 “彌陀本願” 的救度者,

engkay taixsefng zerngkhag liawkae “Zexngthor samkefng” ee taixix.

應該代先正確了解 “淨土三經” 的大意.

Afnny, ciaq u hoatto niafsiu hit’ee “cinsit cy li”.

按呢, 才有法度領受那個 “真實之利.”

本頁首次上網日期﹕2005年10月15日