Goar u 2-luie bagciw. Goar ee bagciw viievivii køq kofzuy-kofzuy. Mxkuo mamaf korng goar si toaxluie-bagciw, zhoe miqkvia lorng mxzay teq khvoax tøfui. Zhoe lorng bøo.Muyjit goar ee bagciw lorng ciog jixncyn. Thaozar pehkhuy, kaux armsii, bøo eeng teq khvoax tiexnsi. Goar siong bøo aix laang ka goar kimkym khvoax. Køq khaq bøo aix laang ka goar giin. Papaf korng goar khvoax chiwky ee sii, mxthafng ittit ciin. Goar aekhuxn ee sii, bagciw tiøh kaki oe kheq`khylaai. Naxsi khuxn bøo par, bagciw tiøh buibuy. Siongsym ee sii, ma oe laau bagsae. Goar ee bagciw cyn hikii.
Goar u cidee phvi. Goar ee phvi tiie'tidtit køq toktoktog. Phvi u 2-ee khafng. Toaxpoxhun ee sikafn, teq zhoafnkhuix. Siuzuie ee sii, zhuix oe taux khachiuo. Kafmmo ee sii, oe laau phvixzuie, køq phahkhachviux. Na bøo zherngphvi, tøh bøo hoatto suq khongkhix.
Goar u cidtuix hvi. Svy ti thaukhag ee 2-peeng. Muyjit goar khøx hittuix hvix'ar thviaf sviaym. Goar aix thviaf koaf kab thviaf laang kofngkor. Thviaf tiøh kikikiøx ee sviaf, tiøh cyn kankhor. Koex toaxlo ee sii, hvix'ar oe phoeahap bagciw, thviaf khvoax u chiaf laai`bøo. Bøo yn, goar ee jidjit oe cyn phvae koex.
Goar u cidsiafng chiuo. Muyjit yn lorng ciog bøo eeng. Papaf korng goar kuijit lorng teq bofng tiexn'nao. Mamaf korng goar bøo taixcix zøx, mxthafng ti zaokhaf o'peh bofng. Sea sengkhw ee sii, goar lorng oe sefng iong chiuo bofng khvoax zuie u kaux siøf`bøo. U tangsii, zuie zun sviw siøf. Goar tiøh thngx kaq aiay kiøx.
Goar u cidee zhuiecih. Y aix ciah tvy`ee. Bøo aix ciah hiafm`ee. Y cyn bynkarm. Ciah tiøh sngf`ee, paktor oe sviu beq thox. Sofie y lorng oe sefng tafm`cide, chix ciah khvoax si symmih zubi. Y boe o'peh ciah.kofzuikofzuy ittid Sviuzuie tøhNa thaukhaq hittuix jidjie Mafmaf