A'Gi,  kin'afjit chixlai kauthofng cyn loan.

A'Kii, si`aq, cyn kikoaix. Zahngf iao bøo ciaq thad.

A'Gi,  lo`niq laang-khoex-laang, tørzhux lorng si chiaf.

A'Kii, si chiuthvy kaux`aq. Taixkef lorng zhutlaai boea suysvaf.

A'Gi,  tochi juo-laai juo-zhar. Goar cyn hoailiam kofzar ee svaliefnchiaf. 

A'Kii, oexkixtid soexhaxn ee sii zexguchiaf. Cyn zhuobi.

A'Gi,  larn kofzar thagzheq ee sii khiaa thihbea. Liawau khiaa otofbae.

A'Kii, tiøqhlag texhaxthiq bat ciuociux. Khoeq boe libkhix.
       Hoefchiaf-thaau ma lorng si laang.  
       Lieen keatheeng-chiaf tiøh kiøx bøo.

A'Gi,  bafsuq ma si baat'badbat. Goar khvoax 
       lie mxthafng saychiaf zhutmngg. 

A'Kii, zexbafsuq tiøqaix køq pvoachiaf. 
       Cyn liao sikafn.

A'Gi,  tochi ee kauthofng lixpien si lixpien. 
       Mxkuo laang juo-laai juo-zoe.
       Khiaa khataqchiaf khaq hongpien.

A'Kii, tiøh`laq lie hiøhjoah 
       kafmsi kea'oe beq khix chitthø油?

A'Gi,  si gurn beq khix Alaska.

A'Kii, lie si beq zexzuun iafsi beq poef khix hiaf.

A'Gi,  lorng u. Cidzoa poef`ee. Cidzoa zexzuun. 

A'Kii, afnny ze huilengky khix sehvoa aix 6-tiafmzefng.
       Lirn phahsngx beq khix joaxkuo?

A'Gi,  gurn beq khix 3-lefpaix.
       Beq ze iaxchiaf ti kiterng koex cidmii. Serng sikafn.
       Texji-jit thaozar tiøh cviuxzuun.

A'Kii, lirn zexzuun aix kuyjit?

A'Gi,  zexzuun aix 14-jit. Liawau gurn beq zochiaf kaki kviaa.

A'Kii, hiaf sisioong oe løqho. Lo cyn kut. Khaq soeaji`ee.

A'Gi,  Goar zay. U khaq lau`aq. Kef cyn siøhmia.
       Goar oe baxnbaxn'ar sae. Bøo beq kvoaflo.

A'Kii, lie zexzuun karm oe hinzuun?

A'Gi,  Goar boe. Mxkuo gurn thaethaix oe hinchiaf.

A'Kii, oexkixtid zexzuun aix soarn cviarpeeng toax.
       Afnny khvoax penghøo khaq hongpien.

A'Gi,  Goar zay, pangkefng ykefng teng hør`aq.
       
A'Kii, ciog lirn cidlo-suxnhofng.