Lwsia

A'Kii, goar køhzaix cidlefpaix tiøh bøeq zhutmngg aq! 

Mxzay lie karm u ka goar teng lwsia`bøo?

A'Efng, u laq.  Chviar lie horngsym.  

Goar lorng thøex lie anpaai høfsex laq.

Oo?  Goar aix bøeq toax oar opvy ee pangkefng.  

Mxzay lie karm u ciaux goar ee iesux khix teng`bøo?

Thaukeniuu, lie karm zaiviar citmar ee hangzeeng?  

Lie karm zaiviar oar opvy ee thørpaang, 1-axm tiøqaix

joaxzøe-cvii`bøo? Hef si 1-axm tiøqaix svapaq-khof ee Bykym neq, 

mxsi syn-Taiphiøx.  Lie si zaiviar afsi teq tviechvy?

Chviar lie sngx khvoarmai, lie phahsngx bøeq khix

5-jit, afnny, ciu cviaa zhengkhof khix aq!

A'Kii, mxsi goar mxzaiviar citmar ee hangzeeng. "Bush" zofngthorng 

ma u korng`køex, y kiøx larn-taixkef tiøqaix iong siauhuix laai 

chiokcixn kokkaf ee kengzex.  Goar sviu afnny ma si u tøxlie. 

Sofie ciaq sviuxbøeq kekiarm eng cidsut'ar, hibang tuix larn ee

kengzex u pangzo.  Afnny, Bykog ee kengzex ciaq bøextør`khix.

A'Efng, zef si lie korng`ee.  Afnny, goar ma bøeq

laai`khix bøea cidtaai 52-zhuxn ee tiexnsi.

A'Kii, baxnchviar`cide.  Lie kuxnii ciaq bøea cidtaai

46-zhuxn ee tiexnsi.  Bølun-juhøo, goar lorng

putzurn lie ka cvii afnny opeh-khay.

A'Efng, hef si bøeq khngx`teq tøexhaxseg ho langkheq golok iong`ee.  

Mxsi bøeq khngx`teq goar ee zupaang ho goar-kaki iong`ee. Mxbiern-korng aq.

Tiøh laq, hitkefng lwsia ee kauthofng u hongpien`bøo? Lie khvoax, 

goar karm tiøqaix kiøx a'Gii laai ciab goar?

A'Efng, hitkefng lwsia si goxliap-chvy`ee. Mxna kauthofng hongpien, 

hongkerng suie, jichviar ma u lie siong-aeciah ee Haypar'oong zhanthviaf.

Nngxciaq 2-pong ee lionghee ciaq bøe jixzap-khof naxnia.

A'Kii, goar tiøqaix laikhix kheeng henglie aq. Lie sviuxbøeq bøea 

cidtaai toaxtaai tiexnsi ee hit'hang taixcix, larn lexngjit 

ciaq køq korng. Hør`bøo?