Za'axm haghau soanpox mxbiern sioxngkhøx, taixkef u kaux hvoahie. 

In'ui, liensoax ciog zoe jit ee oaqtong lorng theeng`khylaai.

Sofie goar tiøh khaisie kea'oe cit 3-jit si beq zøx symmih.

Te-id, goar beq khuxn hof miie'mimii, ciah hof pafpafpar.

Te-ji, thaxn løqseq ee sii, kirn ka sioktee siar hof oaan.

Te-svaf, ka goar siong aix ee bøq'ar, chiwthøx, kab toaxy zwnpi hof hør.

Tarn seq løh khaq soex`ee, tiøh zoong`zhutkhix.

Mamaf korng aix khaq soeazji`ee. Papaf korng mxthafng sngr sviw kuo.

In'ui citpae ee seq u kaux toa, chiaw koex 28-zhuxn, cyn kvialaang.

Goar kab zhuopvy-kehpiaq ee gyn'ar, or 1-ee tngngr'tngtngg ee poxngkhafng.

Taixkef  zngx-laai zngx-khix sngr kaq mxzay thafng hiøhkhuxn.

Goar u zwix tiøh papaf pviarmia teq thuhseq, mamaf teq zwciah.

Papaf suijieen hiahniq iorng, mxkuo ma ykefng lau`aq.

Mamaf cyn mxkafm, kiøx papaf aix khaq ciab hiøhkhuxn. Mxthafng ittit thuq.

Papaf tuy paix-5 thuq kaux lefpaix. Lofngzorng zhud khix 6-pae.  

Mamaf khad 2-voar siøorsiøsiøf ee hanzuu thngf ho goar kab papaf.

Goar sefng phaang ho papaf ciah. In'ui y si ciah hanzuu thngf toaxhaxn`ee.

Y korng y si cidee hangzu'ar.