Goxg0eh Jixzap Jit                      Lefpaix-jit
         五 月    二 十  日                        禮 拜   日
                                                 Thvikhix: H0fthvy
                                                  天  氣：  好 天

            Zafkhie, goar kab ahviaf si0zhoa, khix goaxmar taw thitth0o.
            早 起，   我   與  阿兄    相 導，  去    外  媽   兜  玩  耍。

            Goaxmar ee zhux cyn-toaxkefng, mngkhao u tviaa, tviab0ea u
            外  媽   的 厝   真  大  間，    門 口   有 埕，   埕  尾   有

         cidkhw zhaehngg.   Zhaekoef-tiin soafn ti teg-lipaf;
         一 區   菜  園。     菜  瓜   藤   旋    在  竹  籬笆；

         zhvezhvef ee hi0h, ngseg ee hoef, tngtngg ee zhaekoef, khvoarti0h
         青  青     的 葉，  黃色   的 花，  長 長    的 菜  瓜，   看    著

         cinsuie.   Zhaehngg laixt0ea u zexng hoanbeh, hancii, ki0'ar,
         真 美。     菜  園    內  底  有 種    番  麥 ， 蕃 薯， 茄  仔，

         erngzhaix, thoo-peqzhaix...   Zhuoau u zexng bogkoef  kab pad'ar
         應  菜，    土   白菜 ... 。    厝  後 有 種    木 瓜    與  巴  仔

         k0q  u chi k0e'ar, ah'ar.
         又   有 飼  雞  仔， 鴨 仔。

            Goaxmar korng: "toax zngkhaf cincviax lixpien, aix ciah zhaix,
            外  媽  講：    "住   莊 腳   真 正     利 便，   愛  食   菜，

         zhaehngg khaw; aix ciah k0efcie, chiuxterng barn; aix ciah nng,
         菜  園    割；  愛  食   果  子，  樹   頂    挽；   愛   食   卵，

         k0etiaau khi0q; aix ciah baq, kaki chi laai thaai."
         雞       拾；    愛  食   肉,  家己  飼   來    殺。"

            Goaxkofng korng: "toax zngkhaf cincviax h0r, sofzai khuikhoaq,
            外  公    講   ： "住   莊 腳    真 正    好，  所 在  開  闊，

         siek0ex zhvezhuix, tuix bagciw  u lixeg; khongkhix sinsiefn b0o
         四 界   青  翠，     對   目 睭  有 利 益； 空   氣   新 鮮     無

         uojiarm, 0e ho laang tngg-h0easiu."
         污染，    會 給 人    長   歲  壽。"

            Bogkoaix, akofng, amar ykefng chitzap goa h0ex aq, sinthea
            莫 怪，    阿公，   阿媽 已經   七  十   外  歲   aq, 身 體

         iawk0q ciaq iofngkvia.
         猶 復  即   勇   健。