Goxhoe

Uxcidjit, goarn-afng saychiaf khix New York.  Khiofngkviaf twtiQh oktoo, suxsiefn ka chiaf ee thang’afmngg lorng kvoay-an’aan.  Phienphiefn sae kaux pvoarlo, chiaf bQe tyntang, theeng ti loxpvy.  LQqchiaf cide khvoax, goanlaai si cidee liefn’ar phoax`khix.  Y tuy au-chiasviw theqzhud kangkhu, khaisie voa liern. Tuo zQx cidpvoax, hoat’hien lexnggoa hitpeeng uxlaang teq pafng y pag lexnggoa cidliern.  Goarn-afng khia`khylaai, ka cit’ee pangbaang ee laang hoaq korng, “Oea, lawtoa`ee, lie teq zhoxng symmih?”

Hit’ee laang giaqthaau korng, “Lie cidliern, goar cidliern.”  Goanlaai si cidee thaw khiechiaf lengkvia ee khasiaux.

“Korng siawoe, zef si goar-kaki ee chiaf neq.”

“Lie ee chiaf?” Hit’ee laang bagciw giin-vorvox, m siongsixn.

Goarn-afng kvoafkirn theq hengchiaf-cipciaux ho y khvoax.

“Goanlaai juzhuo, tuieputzu, goar goxhoe laq.”

Korng-soaq, ka chiuo`nih ee thosoaf poefpoea teq, zQx y khix.