Iefnkarng

   U cidee phoksu, cvia'u hagbun, tviaxtvia siekQex khix iefnkarng.  UixtiQh lixpien, y chviar cidee suky ka y saychiaf.  Y teq iefnkarng ee sii, phofthofng ee suky lorng e ti chiaterng hiQhkhuxn. Mxkuo cit'ee suky huisioong hvorhak, phoksu ti taiterng iefnkarng, y tQ ti taikhaf cimciog thviaf.

   KengkQex pvoarnii, uxcidjit suky ka phoksu korng, "Lie korng`ee hitthQx, goar lorng Qhexhiao laq."

   Phoksu toaxchiQx, korng, "Goar korng`ee lorng si zoangiap ee tieseg, lie nar u khQfleeng Qh-exhiao?  BQo, lie korng ho goar thviaf khvoarmai."

   Suky ciu zuxthaau-kaobQea korng cidpiexn ho phoksu thviaf, korng-gaq huisioong hQr.

   Phoksu simlai afnny sviu, goar tuy sQeahaxn thagzheq, thak jixzabkuynii ciaq theqtiQh phoksu hag'ui.  Lie thQex goar khuy pvoarnii ee chiaf tQ ka goar Qh-liawliao. Y-simlai kafmkag cviabQe pengheeng.  Y korng, "Lie korng-gaq cviahQr, auxjit lie zheng goar ee svaf khylix iefnkarng, ar goar zheng lie ee svaf, zQx suky, hQr`bQo?"

   Suky korng, "HQr aq, chiekhvoax`teq."

   Afnny uxcidjit suky ciu zheng phoksu ee svaf khylix tai’ar-terng iefnkarng.  Y zuxthaau-kaobQea korng cidpiexn, korng-gaq huisioong hQr.  Thviacioxng ti tai’ar-khaf lorng ittit ka y phaq-phog’ar.

   Jien'au u cidee thviacioxng mng cidee cviaa-chimjip, cviaa-zoangiap ee buxntQee,...

   BQsviuxtiQh suky hoetab korng, "Lie cit'ee buxntQee mng-gaq cviahQr, cviaa-chimjip, cvia'u zuyzurn.  Mxkuo, mxbiern goar hoetab, goar kiQx goar ee suky ka lie hoetab tQ hQr,..."