Kaohak Koanmoo

       U cidee siQfhak bQeq kwpan kaohak ee koanmoo.  UixtiQh zokgiap-siong ee suxnli, thaau-cidjit lauxsw tQ siefn kab hagsefng liexnsip`cidpiexn.  

       In'ui bQeq siong`ee Zuxjieen-khQx iwkoafn sikoef, lauxsw ciu korng, "Kok'ui tong'Qh, min'afzaix goar e siefn kiQx taixkef kwle khvoax Taioaan ee joaqthvy u symmih zuykQr, ar lirn tQ khaisie hoetab.

       Soax`lQqkhix, y kie cidee hagsefng, korng, "HQr, lie korng sikoef hQr`laq."

       TQe-2 jit, kaohak-koanmoo zerngseg khaisie laq.

       Itzhex lorng ciaux thaau-cidjit ee liexnsip suxnli teq cirnheeng.

       Kaux Zuxjieen-khQx,...

       Lauxsw mng, "Kok'ui tong'Qh, lirn zaiviar Taioaan ee joaqthvy u symmih zuykQr`bQo ?"

       Sofu ee hagsefng lorng cviaa-habzog, giaqchiuo chviwtab, svoaixar, kinciQf, lai'ar,...

      Joaqthvy ee zuykQr tQ korng bQeq liao aq, mxkuo lorng bQo sikoef zhut'hien.

      Lauxsw khaisie kyntviw,... Zoea'au u cidee hagsefng giaqchiuo, korng, "Lauxsw, sikoef kin'afjit phoarpvi, bQlaai."