Khvoax mxtiQh Loxphiaw

                                                                                      Tengtefng

 

    Cidtaai zaix kuitaai siuluo ee lwhengchiaf khix ho kauthofng-kefngzhad zah`lQqlaai.  Kefngzhad citbun khuichiaf ee siuluo, "Lie si arnzvoar khuy 20?  Ciaf ee sok'han si 65.  Lie khuy ciahban, thaix-guihiarm laq!"

     Siuluo korng, "Mxkuo goar ittit khvoartiQh 22, 22, lorng bQo khvoartiQh 65 aq?"

     Kefngzhad cvia'u naixsym, kaysQeq korng, "Lie khvoax`tiQh ee 22 si konglo ee phiaukix, mxsi sok'han.  Tarn`leq, mxthafng kQq sae-mxtiQh, zaiviar`bQo?"

     Siuluo tirmthaau, korng zaiviar laq.  Kefngzhad twbQeq lixkhuy, hutjieen "Ii" cidsviaf, mng-korng, "Citkuyee ze ti auxbin ee siuluo nar e bixnseg chvy-swnsurn? Si-mxsi bQo twhQr?  U su'iaux goar pangbaang ee sofzai`bQo?"

     Khuichiaf ee siuluo korng, "Mxsi laq,... goarn twciaq tuy hit'ee u cviazQe 159-hQ ee konglo khuy`lQqlaai."