Kimkabban

Saychiaf sae khaq-ban leq,  Tharncvii thaxn khaq-kirn leq

                                                                                                          TBTS 2, p4

       Gurn-kviar sQeahaxn teq Qh kofng'oe ee sii sidzai cyn-kofzuy.  Citmar y ee Taiguo ykefng korng-gaq cyn-hQfsex laq, taxnsi hoesiorng-tiQh hitzun ee zengheeng ma iawkQq kafmkag cyn-simseg.

       Goar exkietid y sQeahaxn ee sii cin'aix tQex goarn kofng'oe.  Goarn na korng cidkux, y mxkoarn u liawkae iar bQo, lorng e ti cidkoar ho goarn sviu-bQexkaux ee tviuhap ka goarn korng`kQex ee korng`zhutlaai.

       Y sQeahaxn ee sii, goar na bQeq zhud`khix, yn-mamaf siongsioong e zhoa y khia ti mngkhao saxng goar zhutmngg, hitsii yn-mamaf ofng'orng e kautaix goar korng, "Chiaf sae khaq-ban leq hvox!"  Y zaiviar goar bQeq zhud`khix, uxsii e hao bQeq tQealo.  Goar ciu ka y korng, "Papaf bQeq zhutkhix tharncvii, bQea thng'ar tngflaai ho a'Ti ciah!"

       Uxcidkafng, y zaiviar goar bQeq zhutmngg ee sii soax korng, "Papaf, lie aix saychiaf sae khaq-ban leq, tharncvii thaxn khaq-kirn leq oo!"