Lieen Ciexn

    Cidtaai chiaukib-hQhoaa ee khehky sitsu, pixpeg karnglQh ti cidee mxzay miaa ee simliim-poxlok`nih.

    Huiky-terng kantvaf zhwn sva'ee lwkheq, cidee si seakaix ee laam-koanym - Tobefngkoq, cidee si khakiuu-oong - Billy. Lexnggoa cidee ciuxsi larn ee Hux-Zofngthorng kiafm Hengzexng-vi ee vixtviuo - Lieen Ciexn.

    Poxlok ee siutviuo uixtiQh bQeq pQfho yn-zngsia ee anzoaan, uxhoong putlioong-huxnzuo ee jiawloan, ciu tuix citsva'ee kuiepyn ee sinhun giaxmzexng.

   "Lie korng lie ciuxsi Tobefngkoq, u symmih zerngkux?"

   Citsii, Tobefngkoq ciu tiern y ee na'aau.  Y ee koasviaf ka huiky-terng ee pQlee cynzhuix`khix.

   "Hngx, bQzhQx, lie si Tobefngkoq."

   "Aq, lie si sviaflaang ?"  Siutviuo soax-lQqkhix mng. Billy theqzhud khakiuu, hioxng 50 kongchiQq-goa ee ki'mngg thad`khix.  Hit'ee ki'mngg cide tQ  tQr`lQqkhix.

    Zernglaang lorng ka y QlQr, phaq-phog'ar.

    "BQzhQx, bQzhQx, chviar goanliong goar iwgarn putseg Thaesafn, mxzay kiu'oong zai zhuo."

    "Oea, lie korng lie si Tionghoaa-Binkog ee Hux-Zofngthorng, kiafm Hengzexng-vixtviuo, lie u symmih zerngkux?"  Siutviuo kQq mng.

    Citsii Lieen Ciexn ittit jiaux thaukhag-phQee, tarn cviakuo, ciaq phvaysex,  hoetab korng, "Goar,... goar symmih tQ bQexhiao,..."

    "Haf, kionghie-kionghie, goarn khakjim lie ciuxsi Lieen Ciexn, bQo mxtiQh."  Siutviuo cviaa-kegtong afnny korng.