LoexkQq ee Tiehui

           

   Tngf Lieen Ciexn pi themiaa zQx loexkQq-zofnglie ee sii, y cien'orng zofngthorng-huo paehoe Liie Zofngthorng, sunsoax zhefngkaux afnzvoar ciaq e zaiviar loexkQq-kvoa'oaan ee lenglek kab tiehui.  Liie Zofngthorng korng "Zef kafntafn."  Y chviar Liie Goanzhog Hux-Zofngthorng kQex`laai, mng-korng, "U cidee laang, si lirn-lauxpe ee kviar, khiog mxsi lie ee hviati, cit'ee laang si sviaflaang?"

   Liie Hux-Zofngthorng sviu`cide, korng, "Ciuxsi goar Liie Goanzhog aq."

   Liie Zofngthorng cviaa-boafn'ix, tuix Lieen Zofnglie korng, "Khvoax`tiQh bQo, ciuxsi afnny aq."

   Lieen Zofnglie tngfkhix paxnkongseg liawau, ciu sviuxbQeq chix chixtviuo ee lenglek.  Y kiQx laang chviar Ngg Taixciw Chixtviuo kQex`laai.  Mng-korng, "U cidee laang si lirn-lauxpe ee kviar, khiog mxsi lie ee hviati, cit'ee laang si sviaflaang?"

   Ngg Chixtviuo cidsii sviu-bQexzhud`laai, tQ korng min'afzaix ciaq ka lie tap'hok.  Tngr-khix zhux`nih cviakuo iawsi sviu-bQexzhud, ciu paethog laang chviar zerngtek Taan Zuypvie laai, zhefngkaux y korng, "U cidee laang si lirn-lauxpe ee kviar, khiog mxsi lie ee hviati, cit'ee laang si sviaflaang?"              

   A'Pvie thvialiao ciu korng, "Ciuxsi goar Taan Zuypvie aq."

   TQe-2 jit Ngg Chixtviuo tap'hok Lieen Zofnglie, "Lie zaxjit ee buxntQee laixbin hit'ee laang ciuxsi Taan Zuypvie."

    Liien Zofnglie thor cidee toaxkhuix korng, "Aiq, Ngg Chixtviuo aq, goar sidzai e ho lie khix`sie, tap'axn erngkay si Liie Goanzhog aq."