Lorng BQeq

                                                                                           Tengtefng

   U cidee sarnkuie koatsym bQeq zhQe cidee uxcvii-bor.  Y zao-khix hun'yn kaesiauxsor zhQe laang pangbaang.  Kaesiauxsor ee huxzeg-laang ka zuliau-pho theh-zhutlaai hienhiefn`teq, korng, "Ciaf u cidee cidkhaf paykhaf`ee, keazngf si cidpahban."  Sarnkuie mng, "Iao u padee`bQo?"  Hit'ee laang kQq hiefn`cide, korng, "U laq, cit'ui efkao kQq zhaohvixlaang, keazngf si goxpahban."  Sarnkuie loxzhud bQcviaa moafix ee piawzeeng!  Huxzeg-laang keasiok hiefn zuliau, korng, "Iao u cidee sinkefng sitsioong`ee, keazngf si pQehpahban."  Sarnkuie thviaf soaq, iawsi bQextaxng zQx koatteng.  Huxzeg-laang thofkhuix korng, "Siaolieen`ee, bQeq suie`ee tQ bQo keazngf; bQeq keazngf ciu tQ khaq-hisefng teq, bQo, lie si bQeq arnzvoar?"  Sarnkuie tiQqkib, kvoafkirn hunpien korng, "Mxsi laq,.... goar si teq sviu,... mxzay u hit'hQ pae cidky khaf, kQq efkao-zhaohvixlaang, jichviar sinkefng sitsioong`ee bQo?"