Voaxliern

   U cidee liuhagsefng ee pexbuo tuy Taioaan laai Bykog khvoax y.  Uxcidjit, cit'ee liuhagsefng khuichiaf zhoa yn zhutkhix seh.

   Ti kQsog-konglo-terng,  liuhagsefng bQeq voa padee chiatQ.  Y tQ ka y ee pexbuo korng, "Goar bQeq voa ‘Lane’ aq, lirn ze-hof hQfsex."  Y ee pexbuo cide thviaf-korng bQeq voaxliern, kvoafkirn ciu ze hQfsex.

     Mxkuo kQex cviakuo lorng bQo khvoartiQh symmih toxngzeng. Yn-kviar ia bQo ka chiaf theeng`lQqlaai.  Y ee pexbuo kafmkag kikoaix, ciu mng-korng,"Lie karm mxsi  korng bQeq voaxliern, nar e bQo khvoartiQh lie voa?"

     Yn-kviar hoetab korng, "Goar zar tQ voa-hQr`aq."

     Y ee pexbuo cidthviaf, sviuxkorng Bykog ee khQky sidzai uxkaux cirnpo, lieen voaxliern tQ mxbiern thengchiaf.