早安台灣 (A New Day)
作詞：楊大正   作曲：楊大正  台語拼音：關德樂

早起五點外開門的早頓店
tsái-khí gōo tiám guā khui-mn̂g ê tsá tǹg tiàm

無人的街仔路抾紙坯的歐吉桑
bô-lâng ke-á-lōo khioh tsuá-phue ê oo-jí-sáng

傳統的市場準備開市的菜擔
thuân-thóng ê tshī-tiûnn tsún-pī khui-tshī ê tshài-tànn

全新的一工 這是全新的一工
tsuân-sin ê tsi̍t kang  tsit sī tsuân-sin ê tsi̍t kang

冬天的日頭出現佇咧六點外
tang-thinn ê ji̍t-thâu tshut-hiān tī-leh la̍k tiám guā

城市的大路邊學生排隊等公車
siânn-tshī tuā-lōo pinn ha̍k-sing pâi-tuī tán kong-tshia

平凡的日子做著無平凡的夢
pîng-huân ê ji̍t-tsí tsuè-tio̍h bô pîng-huân ê bāng

全新的一工 這是全新的一工
tsuân-sin ê tsi̍t kang  tsit sī tsuân-sin ê tsi̍t kang

咱行佇無仝的路 唱著仝一條歌
lán kiânn tī bô kāng ê lōo  tshiùnn tio̍h kāng tsi̍t tiâu kua

認真過著咱的每一工
līn-tsin kuè tio̍h lán ê muí tsi̍t kang

海上的島嶼蹛著毋願認輸的人
hái-siōng ê tó sū tuà tio̍h m̄-guān jīn-su ê lâng

發出家己的光線
huat-tshut ka-kī ê kng-suànn

日出到天暗 一工過一工
ji̍t-tshut kàu thinn-àm tsi̍t kang kuè tsi̍t kang

懷抱著希望 等待彼一工
huâi-phō tio̍h hi-bāng  tán-thāi hit tsi̍t kang

咱行佇無仝無的路 唱著仝一條歌
lán kiânn tī bô kāng ê lōo  tshiùnn tio̍h kāng tsi̍t tiâu kua

認真過著咱的每一工
līn-tsin kuè tio̍h lán ê muí tsi̍t kang

海上的島嶼蹛著毋願認輸的人
hái-siōng ê tó sū tuà tio̍h m̄-guān jīn-su ê lâng

發出家己的光線
huat-tshut ka-kī ê kng-suànn

海上的島嶼蹛著毋願認輸的人
hái-siōng ê tó sū tuà tio̍h m̄-guān jīn-su ê lâng

發出迷人的光線
huat-tshut bê-lâng ê kng-suànn