早安台灣(A New Day)
作詞：楊大正作曲：楊大正台語拼音：關德樂

早起五點外開門的早頓店
chái-khí gō͘ tiám gōa khui-mn̂g ê chá tǹg tiàm

無人的街仔路抾紙坯的歐吉桑
bô-lâng ke-á-lō͘ khioh chóa-phoe ê o͘-jí-sáng

傳統的市場準備開市的菜擔
thoân-thóng ê chhī-tiûⁿ chún-pī khui-chhī ê chhài-tàⁿ

全新的一工這是全新的一工
choân-sin ê chi̍t kang chit sī choân-sin ê chi̍t kang

冬天的日頭出現佇咧六點外
tang-thiⁿ ê ji̍t-thâu chhut-hiān tī-leh la̍k tiám gōa

城市的大路邊學生排隊等公車
siâⁿ-chhī tōa-lō͘ piⁿ ha̍k-seng pâi-tūi tán kong-chhia

平凡的日子做著無平凡的夢
pêng-hoân ê ji̍t-chí chòe-tio̍h bô pêng-hoân ê bāng

全新的一工這是全新的一工
choân-sin ê chi̍t kang chit sī choân-sin ê chi̍t kang

咱行佇無仝的路唱著仝一條歌
lán kiâⁿ tī bô kāng ê lō͘ chhiùⁿ tio̍h kāng chi̍t tiâu koa

認真過著咱的每一工
līn-chin kòe tio̍h lán ê múi chi̍t kang

海上的島嶼蹛著毋願認輸的人
hái-siōng ê tó sū tòa tio̍h m̄-goān jīn-su ê lâng

發出家己的光線
hoat-chhut ka-kī ê kng-sòaⁿ

日出到天暗一工過一工
ji̍t-chhut kàu thiⁿ-àm chi̍t kang kòe chi̍t kang

懷抱著希望等待彼一工
hoâi-phō tio̍h hi-bāng tán-thāi hit chi̍t kang

咱行佇無仝無的路唱著仝一條歌
lán kiâⁿ tī bô kāng ê lō͘ chhiùⁿ tio̍h kāng chi̍t tiâu koa

認真過著咱的每一工
līn-chin kòe tio̍h lán ê múi chi̍t kang

海上的島嶼蹛著毋願認輸的人
hái-siōng ê tó sū tòa tio̍h m̄-goān jīn-su ê lâng

發出家己的光線
hoat-chhut ka-kī ê kng-sòaⁿ

海上的島嶼蹛著毋願認輸的人
hái-siōng ê tó sū tòa tio̍h m̄-goān jīn-su ê lâng

發出迷人的光線
hoat-chhut bê-lâng ê kng-sòaⁿ