華 府 台 語 學 校

Bwchyn-cied Liie Suixhong

母 親 節 李 瑞 鳳

Zhunhofng bibii zhøef-jibthafng 春 風 微 微 吹 入 窗

Phvixtiøh abuo thauhoef-phafng 嗅 著 阿 母 頭 花 香

Haxjit iaxm'iam zøexzøe barng 夏 日 炎 炎 多 多 蚊

Sviuxtiøh abuo simthaau-safng 想 著 阿 母 心 頭 鬆

Chiugøeh kngkngf ciøx loxhang 秋 月 光 光 照 路 巷

Baxngtiøh abuo por-phoarbang 夢 著 阿 母 補 破 網

Tangseq bangbaang khaxm chiuxzaang 冬 雪 茫 茫 蓋 樹 叢
Chinchviu abuo peh-thauzafng 親 像 阿 母 白 頭 鬃

Go`gøeh zhunkaux pahhoef-aang 五 月 春 到 百 花 紅

Kafmsia abuo cidsielaang 感 謝 阿 母 一 世 人