Taioaan Sinsy

Ngg Oadsuy (Oadsuii)

Koanke-Tiau

Chviux koa'ar-hix mxsi chitjixar tiøqsi tomar-tiau.
Zhutsvoaf ee gagtui thongsioong (pengsioong) si zaux khaotiau.
Kharlaf-OK sii ABCD kai'ie-tiau(kaki tiaau?),
Do Re Mi Fa korsu korng bøexliao.

U cidhang gurn khaq sviu ia sviu-bøexhiao.
Zernghuo-kvoa'oaan,
Uixhøo bøo-taixcix uxeeng chviux køtiau?
Ittaxn zhud-buxntøee bø'eeng paxng kextiau.

Ax!
Mxsi gurn cincviax sviu-bøexhiao,
Si zhuo-guu-hor-thox tongkym zaixtiaau.

Bøe-zabsex

Linglofng-linglofng bøe-zabsex
Hoeaseg u iency hoehurn kiafm zutien.

Koniuu`aq kaukoafn mxbiern-szø,
Ngrbang lie si gurn ee zwkorkheq.
Linglofng-linglofng bøe-zabsex
Tøex jidthaau-gøeqniuu khogkhogsøe.
Zawphiexn køethaau kab haxngbøea,
Lorng maxsi uixtiøh zhuolai cidkef ee toaxsøex.

Linglofng-linglofng bøe-zabsex
Suijieen larn bøo chincviaa ee koanhe,
Uxeeng tiøh laikhix gurn-taw ze.

Thøfhae-laang

Apaf si iofngkarm ee thøfhae-laang.
Bangbaang toaxhae pøee y'ee cyu hii kab bang.
Liaqtiøh toaxhii mxkafm paxng,
Twtiøh bøhii liah hebie laai phvixphafng.
Høfthvy sayzhud suxnhofng-phaang,
Phvayun zhuolai bykngf bøo-pvoarnhang.
Svapaq-lagzabgo haang,
Khørthvy ciah ee pngxvoar siong-phvayphaang.
Hizun'ar høsii ciaq øe pengafn laai jibkarng?
Si gurn kuikef zoeatoa ee ngrbang.
Apaf si gurn sofaix ee laang.

Thiethaupeq

Thiethaupeq,
Bøo-sengli,
Khor kaq thaumngg-zhuiechiw peh.
Khvaortiøh siaolienkef,
Putkoarn samchid-jixzab'id giuo y tiarmlai ze.
Pøfzexng thiethaau-kanghw bøo-buxntøee.
Langkheq na bøo boafn'ix øextaxng pøee kaotøea.
Thiethaupeq,
Gurn bø'eeng pøee lie lien siaw'oe.
Lie ia mxbiern hoanlør svazhefng-sy tngtøea ee buxntøee.
Suijieen gurn iaxsi siaolienkef,
Phvaysex!
Koniuu goar ee thaumngg si bøeq laau leq kex.

Pngf Iauxkhieen

Abuo Si Thaekhofng-Laang

1969-nii chitgøeh jixzap-jit,
Amfswzorng ("Armstrong") zheng thaekhofng-svaf,
Phvai iongkhix-tharng,
Kviaa ti gøeqniuu tefngbin.
Kofngzhud kengthiefn-toxngtøe (kviathvy-taxngtøe) ee oe: ee oe:
"Suijieen si goar ee cidsiøfpo,
Mxkuo, si jinlui`ee cidtoaxpo."

Zu hitzun khaisie,
Goar tiøh arm'axm zexng cidee bang,
Ngrbang zoex cidee thaekhofng-laang.

Jixzabpøeq-tafng au,
Goar ee bang,
Bøo-puh'vie, Bøo-terngkyn.
Gurn Abuo soaq pierncviaa thaekhofng-laang.
Ma zheng thaekhofng-svaf,
Ma phvai iongkhix-tharng,
Gøeqniuu piernzoex pvixpaang.
Y cidsiøfpo ma bøo-pvoarpo,
Biefnkorng si cidtoaxpo.

Citzun, goar køhzaix zexng cidee bang,
Ngrbang gurn Abuo maix zoex thaekhofng-laang

Abuo ee Phøepaw

Søeahaxn ee sii,
Abuo ee phøepau'ar si cidkhaf pøfsviw.
U thng'ar kab pviafar.
U iency maxu zuyhurn.

Toaxhaxn ee sii,
Abuo ee phøepau'ar si cidkhaf iøqsviw.
U uixsarn kab baxnkym-iuu.
U køf-hiet'ab ee iøqar maxu kiuosym.

Citmar,
Abuo ee phøepar'ar si cidtviw pvixzhngg.
Khngx y o'tasarn ee sengkhw,
Ma khngx gurn timtang ee simzeeng.

Zhunthvy Tøfui Khix?

Sioxng mxaix'ee si Zhawsvoaf ee toxkoafn.
Gurn kviaf khvoartiøh y angkøf-chiahchi ee heng'viar.

Siong-mxaix'ee si Peqhøo ee lienhoef.
Gurn kviaf khvoartiøh y hwnzofng-tvafpan ee kiau'ioong.

Siong-mxaix'ee si Zhawniar ee kvoabafng.
Gurn kviaf khvoartiøh y bwtong-chiuhofng ee zusex.

Siong-mxaix'ee si Lamsay ee muihoef.
Gurn kviaf khvoartiøh y bøuix(mxkviaf)-sngseq ee hoeluie.

Toxkoafn u y ee zhunthvy.
Lienhoef u y ee haxthvy.
Kvoabafng u y ee chiuthvy.
Muihoef u y ee tangthvy.

Abuo, goar mng lie,
Lie ee zhunthvy tøfui khix?

Abuo, Lie Bøkoay

Abuo, lie bøkoay.
Zu søeahaxn, lie kiøx gurn tiøqaix koay.

"Png aix ciah khahzøe`ee,
Toaxhaxn thafng zoex toa-taixcix."
"Sinthea tiøqaix tyntang,
Khachiuo iofngkvia ciaq øe kviazhut lie ee zhunthvy."
"Iecix tiøqaix kienkioong,
Phahpviax lie ee kongbeeng cientheeng."

Abuo, lie bøkoay.
Lie, png ciah cidzhokzhok'ar,
Lie, khachiuo bøaix tyntang,
Lie, iecix ma bøo kienkioong.
Gurn, bøeq ho lie kab gurn zørhoea zoex toa-taixcix.
Gurn, bøeq ho lie kab gurn taotin kviazhut larn ee zhunthvy.
Gurn, bøeq ho lie khvoartiøh larn ee kongbeeng cientheeng.

Mxkuo,
Abuo, Lie bøkoay.

Bøeq`khix Khvoax Abuo

Na si toa-høfthvy,
Goar tiøh øe khix Alysafn khvoax svoa'efng long zhunthvy.
Mxkuo, kin'afjit
Goar bøehkhix khvoax Abuo.

Na si løqhoxthvy,
Goar tiøh øe khix Osvoathaau khvoax hoxzuie giim koasy.
Mxkuo, kin'afjit
Goar bøehkhix khvoax Abuo.

Na si jidthaau høesiøpof,
Goar tiøh øe khix Gøloanphvi kab hayiorng thiaux marnbøg.
Mxkuo, kin'afjit
Goar bøehkhix khvoax Abuo.

Na si tarngsngf ee kvoathvy,
Goar tiøh øe tiaxm zhuolai kab khanchiuo taam loan'aix.
Mxkuo, kin'afjit
Goar bøehkhix khvoax Abuo.

Citmar Abuo toarti pvixvi.

Pvixvi ee Lo Nar øe Hiahniq'hng?

Ze ti kiuoho-chiaf,
Simlai ee huiq moafkøef zao.

Zu søeahaxn,
Abuo tiøh laai karsi gurn:
Zørlaang tiøqaix ui padllaang sietsiorng.
Hit tongsii,
Uixtiøh kox svatngx,
Tagkaf lorng aix gvi kaxkexng,
Punzao ti khamkhafm-kiedkiet ee ciøqthau'ar-lo.
Ma lorng zaiviar:
Goar niu lie,
Lie niu goar.

1997-nii ee Taioaan-lo,
Tiit'tidtit, pviie'pvipvii.
BMW laixtøea ee laang zheng kaq chviie'chvichvy.
BENZ laixtøea ee laang ciah kaq puiie'puipuii.
Cincviax si cidee høfgiah ee siaxhoe.

Kiuoho-chiaf liaxtøea ee Abuo,
Kab Giamløo-oong teq ad chiqpea.
Zuylee tankaq moafkøef-khao.
Tiit'tidtit, Pviie'pvipvii ee lo,
Gurn soaq bøextid-køex.
BMW kab gurn pysaix zao pahbie,
BENZ kab gurn pysiax chviuo tøxlo.
Ciahniq høfgiah ee siaxhoe,
Nar øe afnny?