ZhawtQe-laang


Paang Ciaukhefng 1972
Goar si cidee zhawtQe-laang.
Qexkietid hit'tongsii goar iao cyn-sQeahaxn.

UixtiQh aeciah tauxhu tauxthaau paitui paai kuikafng.
Goar mng abuo :  UixhQo yn ciaqhii-ciaqbaq,
Larn lieen tauxthaau tQ bQextaxng phvixphafng?

Abuo korng :  In'ui larn si zhawtQe-laang.
Qx! Larn si zhawtQe-laang.

Sidzai korng ia cyn-hQfkhafng.
TQexji-zhux seakaix-taixciexn yn ia Qe tauhaang.

Larn ciaq teq hvoahie, hvoahie thvitQe tihbQeq siok larn.
BQgii kao voa ty iaxsi siQkaang.

Larn taotQea iawsi zhawtQe-laang.
Qx !    ZhawtQe-laang !
Larn kafmsi miaxtQea zuoteng ee zhawtQe-laang?

Hoatsefng Jixjixpad, tongsii goar iao mxbad.
Gaor mngxkQex taotQea symmih kiQrzQx Jixjixpad ?

BQlun y si a'kao a'niaw bQlaang kvar hoetab.
Kehpiaq ee apeq korng :  Hef si cidciorng ee pogsad.

Lie na aix sveamia iawsi mxthafng khix bad.
In'ui larn zhawtQe-laang bQo-sealat.

U ti'ar chiQx larn bQo-kutkhix.
Ho kawar khihu kuyzap-nii.

Iawsi lanbiern bQeq korng kawar-gie.
Kisit korng kawar-gie, ti'ar-gie, u symmih hQr-siuxkhix.

HQfkhix`ee si larn zhawtQe-oe mxbad seng'ui kvoagie.
Larn zhawtQe-laang mxbad zexkQex kimkau'ie.

Larn pixlaang pek'hai kuynaxtai.
Na hoafnkhoxng tiQh hoong thaai.

Taixkef sviuxkhvoarmai.  Zef karm erngkay ?
UixtiQh sveamia cy'u kea-mxzay.

Kisit muycidlaang zar`tiQh teq kithai.
Kithai zuxiuu ee jidcie kvoafkirn laai.

Tafnthai u cidjit Taioaan siok larn ee.
Kisit Taioaan pwntQea tQxsi larn ee.

Si laang eng bwlek ka larn theqkhix bQe.
Ho larn kuynaxtai lun'ui lole.

Bang goaxn'ix zQx Taioaan-laang ee taixkef.
Khie`laai kiernlip cincviax siok larn ee thvitQe.