Taiwanese-English dictionary full-text search

all

Copy and paste ø or Ø for searching, if needed. Number zero (0) may be used in place of them in the autocomplete.
Searched Htb for m:si m:korng, found 0,
DFT_lk
🗣u: Y si cit ee thor'laang, korng'oe khaq chixn'zhae, lie m'thafng kaq y kex'kaux. 伊是一个土人，講話較凊彩，你毋通佮伊計較。 [wt] [HTB] [wiki] [[...]]  [d#]
他是一個粗人，說話比較隨便，你不要跟他計較。
🗣u: Sngx'mia`ee korng y svef`laai si khid'ciah'mia, m'køq y jin'cyn phaq'pviax, cid'mar ie'kefng si toa thaau'kef`aq. 算命的講伊生來是乞食命，毋過伊認真拍拚，這馬已經是大頭家矣。 [wt] [HTB] [wiki] [[...]]  [d#]
算命的說他生來就是乞丐命，但他認真努力，現在已經是大老闆了。
🗣u: Lie korng arn'nef si`m? 你講按呢是毋？ [wt] [HTB] [wiki] [[...]]  [d#]
你是不是這樣說？
🗣u: Y si hør'giah'laang, ciaf'ee laan'safn'cvii tuix y laai korng si m'cviaa'mih. 伊是好額人，遮的零星錢對伊來講是毋成物。 [wt] [HTB] [wiki] [[...]]  [d#]
他是有錢人，這些零錢對他來說是微不足道的。
🗣u: Y korng'oe arn'nef perng'laai'perng'khix, m zay y taux'tea si beq arn'zvoar. 伊講話按呢反來反去，毋知伊到底是欲按怎。 [wt] [HTB] [wiki] [[...]]  [d#]
他講話總是這樣翻來覆去，不知道他究竟想怎樣。
🗣u: M'koarn si sviar'laang ka lie mng, lie lorng be'sae korng. 毋管是啥人共你問，你攏袂使講。 [wt] [HTB] [wiki] [[...]]  [d#]
不論是誰問你，你都不可以說。
🗣u: AF'ii m si goa'laang, lie korng, bøo iaux'kirn. 阿姨毋是外人，你講，無要緊。 [wt] [HTB] [wiki] [[...]]  [d#]
阿姨不是外人，你說，沒有關係。
🗣u: Lie na'si u uie'khud tø aix korng`zhud'laai, chiefn'ban m'thafng thwn'lurn. 你若是有委屈就愛講出來，千萬毋通吞忍。 [wt] [HTB] [wiki] [[...]]  [d#]
你如果受了委屈就得說出來，千萬不要隱忍不說。
🗣u: Y korng ee oe zeeng'au tiefn'tøx'perng, m zay'viar tør cit kux ciaq'si cyn`ee. 伊講的話前後顛倒反，毋知影佗一句才是真的。 [wt] [HTB] [wiki] [[...]]  [d#]
他說的話前後相牴觸，不知道哪一句才是真的。
🗣u: Lie m'thafng korng laang ee si'huy. 你毋通講人的是非。 [wt] [HTB] [wiki] [[...]]  [d#]
你不要去說人閒話。
🗣u: Goar si chixn'zhae korng`ee, lie m'thafng khngx ti sym'kvoaf'lai. 我是凊彩講的，你毋通囥佇心肝內。 [wt] [HTB] [wiki] [[...]]  [d#]
我是隨便說說的，你不要放在心裡。
🗣u: Lie arn'nef korng, be'sw'korng si goar zøx m'tiøh. 你按呢講，袂輸講是我做毋著。 [wt] [HTB] [wiki] [[...]]  [d#]
你這樣講，好像說是我做錯了。
🗣u: Cid kvia tai'cix larn m si terng'jit tø korng'hør`aq? 這件代誌咱毋是頂日就講好矣？ [wt] [HTB] [wiki] [[...]]  [d#]
這件事我們不是前幾天就說好了嗎？
🗣u: Cid zaan si sit iah'si hy iao m zay, lie m'thafng toex laang of'peh korng. 這層是實抑是虛猶毋知，你毋通綴人烏白講。 [wt] [HTB] [wiki] [[...]]  [d#]
這件事是真是假還不知道，你不要跟著別人亂說。
🗣u: Y ka lie niq'bak, tø si axm'si lie m'thafng kef korng'oe. 伊共你𥍉目，就是暗示你毋通加講話。 [wt] [HTB] [wiki] [[...]]  [d#]
他向你眨眼，就是暗示你不要多話。
🗣u: Y si m si e toong'ix iao cyn øq korng. 伊是毋是會同意猶真僫講。 [wt] [HTB] [wiki] [[...]]  [d#]
他是不是會同意還很難說。
🗣u: Yn nng ee si m si e kied'hwn iao cyn øq korng. 𪜶兩个是毋是會結婚猶真僫講。 [wt] [HTB] [wiki] [[...]]  [d#]
他們兩個是不是會結婚還很難說。
🗣u: Cid kvia tai'cix si sit'zai`ee, m si of'peh korng`ee. 這件代誌是實在的，毋是烏白講的。 [wt] [HTB] [wiki] [[...]]  [d#]
這件事情是真的，不是亂騙人的。
🗣u: Y aix korng phof'paai'oe, m si cyn'cviax beq ka laang taux'khaf'chiuo. 伊愛講鋪排話，毋是真正欲共人鬥跤手。 [wt] [HTB] [wiki] [[...]]  [d#]
他喜歡說門面話，不是真的想幫助人家。
🗣u: Goar teq kaq lie korng'oe, lie si'arn'zvoar lorng m ixn'oe? 我咧佮你講話，你是按怎攏毋應話？ [wt] [HTB] [wiki] [[...]]  [d#]
我在跟你說話，你為什麼都不答話？
🗣u: Korng laai korng khix, zorng'korng`cit'kux si lie m'tiøh. 講來講去，總講一句是你毋著。 [wt] [HTB] [wiki] [[...]]  [d#]
說來說去，總歸一句，是你錯了。
🗣u: Bøo, lie si ti'leq korng'chiøx'khoef si`m? 無，你是佇咧講笑詼是毋？ [wt] [HTB] [wiki] [[...]]  [d#]
不然，你是在說笑是嗎？
🗣u: Cid kuie'kafng'ar y lorng m korng'oe, si u sviar'miq khy'khiaw`bøo? 這幾工仔伊攏毋講話，是有啥物蹊蹺無？ [wt] [HTB] [wiki] [[...]]  [d#]
這幾天他都不說話，是發生什麼奇怪的事嗎？
🗣u: Sym'kvoaf'lai hoaai'gii, tan'si m kvar korng. 心肝內懷疑，但是毋敢講。 [wt] [HTB] [wiki] [[...]]  [d#]
心裡懷疑，但是不敢講。
🗣u: Zorng'korng`cit'kux, si lie kaf'ki zøx'tid'laai`ee, m'biern khix koaix pat'laang. 總講一句，是你家己做得來的，毋免去怪別人。 [wt] [HTB] [wiki] [[...]]  [d#]
總歸一句，是你自己造成的後果，不用去怪別人。
🗣u: Cid'mar ee Taai'oaan girn'ar be'hiao korng buo'gie, m si yn hoarn'zerng`khix`aq, si yn ee pe'buo m kherng tuix yn korng buo'gie. 這馬的臺灣囡仔袂曉講母語，毋是𪜶反種去矣，是𪜶的爸母毋肯對𪜶講母語。 [wt] [HTB] [wiki] [[...]]  [d#]
現在臺灣的小孩子不會說母語，不是他們發生了突變，而是他們的父母不肯對他們說母語。
🗣u: Barng'ar e thoaan'pox cit'pve, m'thafng sviu'korng ho barng texng`tiøh, kek'kef si ciog cviu nia'nia. 蠓仔會傳播疾病，毋通想講予蠓叮著，極加是足癢爾爾。 [wt] [HTB] [wiki] [[...]]  [d#]
蚊子會傳播疾病，不要以為被蚊子叮到，大不了很癢而已。
🗣u: Goarn af'mar suy'jieen m bad'ji, m'køq y korng zhud'zhuix ee oe lorng si kym'gieen'giok'gie. 阮阿媽雖然毋捌字，毋過伊講出喙的話攏是金言玉語。 [wt] [HTB] [wiki] [[...]]  [d#]
我祖母雖然不識字，但是他說出口的話都是金玉良言。
🗣u: Goar tøf m si siefn korng e theeng'huun'kax'bu. 我都毋是仙講會騰雲駕霧。 [wt] [HTB] [wiki] [[...]]  [d#]
我又不是神仙，哪有辦法駕駁雲霧升空呢。
🗣u: Be mih'kvia ho toa tafn'ui siaux lorng tiøh sefng kiax`leq, goeh'tea ciaq zøx cit kae zhefng, si'korng “cit'zhefng siaf m'tat peq'paq hien”, hoex khix cvii bøo khvoax`kvix, zorng`si khaq be hoxng'sym. 賣物件予大單位數攏著先寄咧，月底才做一改清，是講「一千賒毋值八百現」，貨去錢無看見，總是較袂放心。 [wt] [HTB] [wiki] [[...]]  [d#]
賣東西給大單位帳都要先記著，月底才一次撥付，可是「一千元的賒帳不如八百元的現金」，貨搬走了錢卻還看不到，總是比較不放心。
🗣u: Siok'gie korng, “Cit liap bie, paq liap kvoa.” Larn cid'mar u thafng khvuix'oah ciah, lorng si zøq'sid'laang pviax`zhud'laai`ee, siefn tøf m'thafng ka thør'zex`khix. 俗語講：「一粒米，百粒汗。」咱這馬有通快活食，攏是作穡人拚出來的，仙都毋通共討債去。 [wt] [HTB] [wiki] [[...]]  [d#]
俗諺說「一粒米，百粒汗」，現在我們能吃得痛快，都是農民努力的成果，千萬不要輕易浪費掉。
🗣u: U laang zhud'six tø eeng'hoaa'hux'kuix, ma u laang kafn'laan khuxn'khor, m'ciaq korng “cit ee laang cit khoarn mia”. M'køq tø'sngx larn be'taxng kae'piexn larn ee zhud'syn, cie'iaux larn kherng phaq'pviax, iao'si e'taxng kae'piexn larn bi'laai ee jiin'sefng. 有人出世就榮華富貴，嘛有人艱難困苦，毋才講「一个人一款命」。毋過就算咱袂當改變咱的出身，只要咱肯拍拚，猶是會當改變咱未來的人生。 [wt] [HTB] [wiki] [[...]]  [d#]
有人出生就享盡富貴，也有人窮困不已，所以說「每個人的命運各不相同」。不過即使我們不能改變我們的出身，只要我們肯努力，依然可以改變我們未來的人生。
🗣u: Zu'jieen khoaan'kerng ee pai'hai, zay'eq m bad theeng'khuxn`koex, zef lorng si larn'laang zu'sw sor'tix, khaq'kef ma u laang korng zef tø si “laang bøo ciaux thvy'lie, thvy bøo ciaux kaq'cie” ee kied'kør. 自然環境的敗害，災厄毋捌停睏過，這攏是咱人自私所致，較加嘛有人講這就是「人無照天理，天無照甲子」的結果。 [wt] [HTB] [wiki] [[...]]  [d#]
自然環境的破壞、災情未曾停過，這都是我們人類有自私所導致，難怪有人說這是「人不照天理行事，天不照甲子運行」的結果。
🗣u: Laang korng, “Chiefn sngx ban sngx, m'tat thvy cit oeh.” Køq'khaq toa kefng ee zhux, na tuo'tiøh chid kib ee toa te'tang, ma si hoaq tør tø tør, cit'tiarm'ar tøf be'axn'sngx`tid. 人講：「千算萬算，毋值天一劃。」閣較大間的厝，若拄著七級的大地動，嘛是喝倒就倒，一點仔都袂按算得。 [wt] [HTB] [wiki] [[...]]  [d#]
人們說：「人算不如天算。」再大的房子，一遇到七級強震，仍然經不起侵襲而倒塌，完全無法防範。
🗣u: Zøx'laang tiøh'aix zay'viar kaf'ki u kuie niuo tang, m'thafng zhaux'iang køq aix puun'kef'kuy, na'bøo, tø e ho laang chiøx korng si “toa'aang'hoef m zay bae, vii'ar'hoef bae m zay”. 做人著愛知影家己有幾兩重，毋通臭煬閣愛歕雞胿，若無，就會予人笑講是「大紅花毋知䆀，圓仔花䆀毋知」。 [wt] [HTB] [wiki] [[...]]  [d#]
為人得明白自己的實力如何，不要太臭屁又喜歡說大話，否則，就會被人嘲笑「馬不知臉長」。
🗣u: Y beeng'kii'zay kaf'ki tøf øh bøo cit tafng, pvoax'tharng'say'ar nia'nia, soaq chiaxng korng kaf'ki u goa gaau, u'viar si “toa'aang hoef m zay bae, vii'ar'hoef bae m zay”. 伊明其知家己都學無一冬，半桶師仔爾爾，煞唱講家己有偌𠢕，有影是「大紅花毋知䆀，圓仔花䆀毋知」。 [wt] [HTB] [wiki] [[...]]  [d#]
他明知自己還學不到一年，只是個學徒，卻說自己有多厲害，實在是沒有「自知之明」。
🗣u: Pe'buo thviax kviar, tuix khaq u zhud'thoad`ee tø paxng khaq e løh'sym, aq na thaxn khaq bøo ciah`ee tø e khaq ciaux'kox, laang korng, “Go ky zerng'thaau'ar zhwn`zhud'laai bøo pvee tngg.” M'køq thviax kviar ee sym lorng si kang'khoarn`ee, zoat'tuix bøo toa'sex'sym ee tø'lie. 爸母疼囝，對較有出脫的就放較會落心，啊若趁較無食的就會較照顧，人講：「五肢指頭仔伸出來無平長。」毋過疼囝的心攏是仝款的，絕對無大細心的道理。 [wt] [HTB] [wiki] [[...]]  [d#]
父母疼愛子女，對有出息的就比較會放心，對於無力謀生的就會比較照顧，人家說：「手指頭伸出來也長短不一。」但疼愛小孩的心都一樣，絕無偏袒的道理。
🗣u: M'koarn lie si tiaw'tii`ee iah'si teq kurn'sngr'chiøx, laang korng “sym phvae bøo laang zay, zhuix phvae siong li'hai”, lie korng'oe hiaq chix'zhak, laang thviaf tiøh e bøo hvoaf'hie. 毋管你是刁持的抑是咧滾耍笑，人講「心歹無人知，喙歹上厲害」，你講話遐刺鑿，人聽著會無歡喜。 [wt] [HTB] [wiki] [[...]]  [d#]
不管你是故意的還是在開玩笑，人家說「心地不好沒人知道，口出惡言最嚴重」，你說話那麼刺耳，別人聽了會不高興。
🗣u: Cid kvia tai'cix na'kaq siafng'peeng lorng u m'tiøh, si'korng “chiuo'khiaw, khud'jip bøo khud'zhud”, køq'khaq arn'zvoar ma bøo hid'lø sefng thex goa'laang korng'oe ee tø'lie. 這件代誌若甲雙爿攏有毋著，是講「手曲，屈入無屈出」，閣較按怎嘛無彼號先替外人講話的道理。 [wt] [HTB] [wiki] [[...]]  [d#]
這件事情既然雙方都有錯，但是「胳臂向內彎，不會向外彎」，再怎麼樣也沒有先替外人說話的道理。
🗣u: Laang korng, “Svef`ee chviar cit pvy, iorng`ee wn'zeeng khaq toa thvy.” Suy'jieen m si chyn'kud'jiok, m'køq iorng'pe'buo ee iong'sym chviaa'iorng aix huix goa'ni ze khor'sym, zøx iorng'zuo`ee tiøh'aix liao'kae, tiøh'aix karm'wn. 人講：「生的請一邊，養的恩情較大天。」雖然毋是親骨肉，毋過養爸母的用心晟養愛費偌爾濟苦心，做養子的著愛了解、著愛感恩。 [wt] [HTB] [wiki] [[...]]  [d#]
人家說：「養育之恩大於生育之恩。」雖然不是親骨肉，但是養父母的用心栽培得花費多少苦心，做養子的得要了解、要懂得感恩。
🗣u: Y arn'nef zøx kaq kefng'lie`aq, kiexn'na tuo'tiøh khaq phvae'pharng ee khafng'khoex tø kiøx pat'laang khix zhuo'lie, na zhud'tai'cix lorng kaq y bøo'ti'tai, “iong pat'laang ee kuun'thaau'buo zefng ciøh'say” m zay thviax, boea'chiuo na u seeng'kør tø lorng phirn korng si kaf'ki ee kofng'løo, sit'zai ho laang cyn zheq'sym. 伊按呢做甲經理矣，見若拄著較歹紡的工課就叫別人去處理，若出代誌攏佮伊無底代，「用別人的拳頭拇舂石獅」毋知疼，尾手若有成果就攏品講是家己的功勞，實在予人真慼心。 [wt] [HTB] [wiki] [[...]]  [d#]
他都做到經理了，每次遇到比較難處理的工作就叫別人去處理，若出事了都與他無關，「犧牲別人來成就自己」都不會痛，最後如果有成果就都說是自己的功勞，實在讓人很憤懣。
🗣u: AF'kofng saxng kaux pve'vi ee sii suy'jieen iao zay laang, m'køq be korng'oe ma be tirn'tang, kafn'naf tiam'tiam khvoax pve'zhngg'pvy ee laang, cyn'cviax si “bak'ciw kym'kym laang siofng'tiong”. 阿公送到病院的時雖然猶知人，毋過袂講話嘛袂振動，干焦恬恬看病床邊的人，真正是「目睭金金人傷重」。 [wt] [HTB] [wiki] [[...]]  [d#]
爺爺送到醫院的時候雖然還有知覺，不過無法講話也無法移動，只靜靜的看著病床邊的人，真的是「眼睛睜大，病情嚴重」。
🗣u: Y hør'giah si hør'giah, cit'jit'kaux'axm lorng phoax'pve tør ti biin'zhngg'terng, køq be kviaa be soar, bok'koaix zhux'pvy e korng, “Hør'giah m'tat'tiøh e ciah, hør'mia m'tat'tiøh iorng'kvia.” 伊好額是好額，一日到暗攏破病倒佇眠床頂，閣袂行袂徙，莫怪厝邊會講：「好額毋值著會食，好命毋值著勇健。」 [wt] [HTB] [wiki] [[...]]  [d#]
他有錢是有錢，一天到晚都生病躺在床上，又不能走動，難怪鄰居會說：「富有不如能享口福，命好不如身體健康。」
🗣u: Larn ee hofng'siok korng, “Siw'noa siw'li'li, mee'nii ciøf siør'ti.” Suy'jieen si cyn sym'seg, m'køq tiong'laam'khyn'lie khaq bøo hah sii'tai. Na ka cid kux oe kae'zøx “Siw'noa siw'li'li, girn'ar hør iøf'chi.” Arn'nef karm m si khaq thøx'toxng`leq? 咱的風俗講：「收瀾收離離，明年招小弟。」雖然是真心適，毋過重男輕女較無合時代。若共這句話改做「收瀾收離離，囡仔好育飼。」按呢敢毋是較妥當咧？ [wt] [HTB] [wiki] [[...]]  [d#]
人家說：「收口水收乾淨，明年招個小弟弟來。」這是我們的風俗，風俗是很有趣，卻重男輕女較不合時宜。如果將這句話改為「收口水收乾淨，小孩子好養育。」這樣是不是比較妥當呢？
🗣u: Yn kied'hwn zap'goa tafng`aq, lorng bøo svef kaq pvoax ee, laang korng, “U kviar u kviar mia, bøo kviar thvy zux'tvia.” U kviar bøo kviar m si laang e'taxng koad'teng`ee. 𪜶結婚十外冬矣，攏無生甲半个，人講：「有囝有囝命，無囝天註定。」有囝無囝毋是人會當決定的。 [wt] [HTB] [wiki] [[...]]  [d#]
他們結婚十幾年了，都沒有生半個子女，人家說：「有孩子是命運的安排，沒孩子是天註定的。」有沒有孩子不是人能決定的。
🗣u: Y tø si teq zhaw'hoaan na cyn'cviax paq'hoex'nii'lau liao'au, kviar'jii si'sex ui'tiøh zaai'sarn seeng'siok pwn be pvee'pang soaq khie oafn'kef, cid'sviaf tø hai`aq, khaq'sw korng thaxn cid'zun laang iao kvia'kvia, sefng ka zaai'sarn pwn'pwn`leq, ciaq be sii kaux hai y “sie bak m goan kheq”. 伊就是咧操煩若真正百歲年老了後，囝兒序細為著財產承續分袂平棒煞起冤家，這聲就害矣，較輸講趁這陣人猶健健，先共財產分分咧，才袂時到害伊「死目毋願瞌」。 [wt] [HTB] [wiki] [[...]]  [d#]
他擔心等他過世後，那些兒孫為了要分財產搞得惡臉相向，這下子就糟了，倒不如趁現在人還健在，先將財產分一分，到時候才不會害他「死不瞑目」。
🗣u: Lie chiefn'ban m'thafng ui'tiøh cit'sii sid'pai laai kviaa'tea'lo, laang korng, “Sie hoong'tex m'tat'tid oah khid'ciah.” Phvae'un zorng`si e koex`khix, oah`leq bi'laai tø u hy'bang. 你千萬毋通為著一時失敗來行短路，人講：「死皇帝毋值得活乞食。」歹運總是會過去，活咧未來就有希望。 [wt] [HTB] [wiki] [[...]]  [d#]
你千萬不要為了一時的失敗而尋短，人們說：「好死不如賴活。」壞運氣總是會過去，活著未來就有希望。
🗣u: Thviaf af'kofng korng liao'au, goar ciaq zay'viar kym'kao'mof si iar'goa cie'hoeq cyn hør ee sit'but, cyn'cviax si “lau'laang m korng'kor, siaux'lieen m bad pør.” 聽阿公講了後，我才知影金狗毛是野外止血真好的植物，真正是「老人毋講古，少年毋捌寶。」 [wt] [HTB] [wiki] [[...]]  [d#]
聽爺爺說過後，我才知道金狗毛蕨是野外很好的止血植物，真的是「老人若不述說，年輕人不識貨。」
🗣u: Zøx'sefng'lie kef'kiarm e tuo'tiøh aux'kheq, siok'gie korng, “Lurn'khix kiuu zaai, keg'khix siøf'thaai.” Larn tuix'thai laang'kheq zorng`si m'thafng keg'bin'chviw iah'si phvae'sviaf'saux. 做生理加減會拄著漚客，俗語講：「忍氣求財，激氣相刣。」咱對待人客總是毋通激面腔抑是歹聲嗽。 [wt] [HTB] [wiki] [[...]]  [d#]
做生意多少會遇到惡客，俗話說：「和氣生財，生氣招災。」我們對待客人無論如何不能擺臉色或是口氣不好。
🗣u: Bøo laang aix sid'pai, m'køq sid'pai ee kefng'giam e ho larn tid'tiøh kaux'huxn, zhoe'zhud seeng'kofng ee hofng'hoad, laang tvia'tvia teq korng “phaq'tng chiuo'kud tiefn'tøx iorng”, tø si cid ee ix'sux. 無人愛失敗，毋過失敗的經驗會予咱得著教訓、揣出成功的方法，人定定咧講「拍斷手骨顛倒勇」，就是這个意思。 [wt] [HTB] [wiki] [[...]]  [d#]
沒有人喜歡失敗，不過失敗的經驗能讓我們得到教訓、找出成功的方法,人們常說「愈挫愈勇」，就是這個意思。
🗣u: Y tak'axm lorng zao kaq bøo khvoax'tiøh laang, køq chixn'zhae ixn korng ef'axm beq ka larn taux'svaf'kang, goar khvoax y si teq “paxng'phuix afn kao sym” nia'nia, larn m'thafng ngx'bang`y. 伊逐暗攏走甲無看著人，閣凊彩應講下暗欲共咱鬥相共，我看伊是咧「放屁安狗心」爾爾，咱毋通向望伊。 [wt] [HTB] [wiki] [[...]]  [d#]
他每晚都不見人影，還隨便回說今晚要幫忙我們，我看他只是「敷衍我們」而已，我們不該指望他。
🗣u: Pe'buo thviax kviar si thiefn'sexng, zu'jieen bøo'sii theeng'khuxn, si'sex iuo'haux pe'buo si kax`zhud'laai ee zeg'jim, khaq'kef ma u'sii'u'zun, siok'gie m'ciaq korng, “Pe'buo thviax kviar tngg laau'zuie, kviar thviax pe'buo chiu'boea hofng.” 爸母疼囝是天性，自然無時停睏，序細有孝爸母是教出來的責任，較加嘛有時有陣，俗語毋才講：「爸母疼囝長流水，囝疼爸母樹尾風。」 [wt] [HTB] [wiki] [[...]]  [d#]
父母疼愛子女是出於天性，自然是無時停歇，子女孝順父母是教育出來的責任，難怪時有時無，所以俗話說：「父母疼子長流水，子孝父母樹梢風。」
🗣u: Suy'jieen zhud'six ee kaf'teeng u hør'giah'saxn ee zhaf'piet, m'køq laang korng, “Kao bøo hiaam zuo'laang saxn.” Pe'buo zay'poee girn'ar ee sym'hied lorng si kang'khoarn`ee, m'na be'sae hiaam, køq'khaq aix pør'siøq. 雖然出世的家庭有好額散的差別，毋過人講：「狗無嫌主人散。」爸母栽培囡仔的心血攏是仝款的，毋但袂使嫌，閣較愛寶惜。 [wt] [HTB] [wiki] [[...]]  [d#]
雖然出生的家庭有貧富不同的家境，不過有道是「狗不會嫌棄主人貧窮」，父母栽培孩子的心血都是一樣的，不但不可以嫌棄，還更要珍惜。
🗣u: Jiin'sefng ee lo'too khie'khie'løh'løh, siok'gie korng, “Hoef bøo paq jit aang, laang bøo chiefn jit hør.” Larn'laang hør'khafng ee sii m'thafng sviw hofng'siin, phvae'khafng ee sii ma maix loea'cix, arn'nef ciaq'si kien'khofng ee sefng'oah thai'to. 人生的路途起起落落，俗語講：「花無百日紅，人無千日好。」咱人好空的時毋通傷風神，歹空的時嘛莫餒志，按呢才是健康的生活態度。 [wt] [HTB] [wiki] [[...]]  [d#]
人生之路總是起起伏伏，俗話說：「花無百日紅，人無千日好。」我們處順境時不要太得意，處逆境時也不要氣餒，這樣才是健康的生活態度。
🗣u: Lie m'thafng khøx'sex u chviax lau'sw laai zhux`lie ka lie kax, lie tø e'eng'tid chixn'chixn'zhae'zhae, laang korng, “Kin svoaf zhøx bøo zhaa, kin khef tvaf bøo zuie.” Na bøo jin'cyn phaq'pviax, sii kaux lie ee seeng'zeg iao'si be cixn'po. 你毋通靠勢有倩老師來厝裡共你教，你就會用得凊凊彩彩，人講：「近山剉無柴，近溪擔無水。」若無認真拍拚，時到你的成績猶是袂進步。 [wt] [HTB] [wiki] [[...]]  [d#]
你不可以仗著聘了老師來家裡教你，你就可以隨隨便便，人們說：「靠近山卻砍不到柴，靠近溪邊卻挑不到水。」如果不認真努力，到時你的成績依舊不會進步。
🗣u: Goarn ciaf svoaf'khaf cit kefng biø, pud'sii u laang tuix ciog hng ee sor'zai laai teq paix, tiefn'tør goarn ciaf ee laang lorng m bad khix ka paix, zef tø si laang korng`ee “kin biø khy siin”. 阮遮山跤一間廟，不時有人對足遠的所在來咧拜，顛倒阮遮的人攏毋捌去共拜，這就是人講的「近廟欺神」。 [wt] [HTB] [wiki] [[...]]  [d#]
我們這裡山腳下有一間廟，經常有人從很遠的地方來拜拜，反而我們這裡的人沒去拜過，這就是人家說的「離廟近不在乎神」。
🗣u: Paq'hoex kofng'sy tvia e ti nii'boea phaq'cied toa'siok'be, siok'gie korng, “Siok'mih ciah phoax kef.” Larn m'thafng thafm'tiøh mih'kvia siok tø pviax'svex'mia bea, na'bøo, sii kaux kef'hoea e khix'liao'liao. 百貨公司定會佇年尾拍折大俗賣，俗語講：「俗物食破家。」咱毋通貪著物件俗就拚性命買，若無，時到家伙會去了了。 [wt] [HTB] [wiki] [[...]]  [d#]
百貨公司常會在年底打折大拍賣，俗語說：「貪小便宜反敗家。」我們不要貪求東西便宜就拚命買，否則，到時財產會完蛋。
🗣u: Siok'gie korng, “Si m si, me kaf'ki.” Girn'ar na ham laang oafn'kef, aix zhoa tngr'laai kaf'ki kax'si, ciaq be ho laang korng larn vaa kaf'ki ee girn'ar cid peeng. 俗語講：「是毋是，罵家己。」囡仔若和人冤家，愛𤆬轉來家己教示，才袂予人講咱攔家己的囡仔這爿。 [wt] [HTB] [wiki] [[...]]  [d#]
俗話說：「對不對，罵自己。」小孩如果和別人吵架，要帶回來自己教導，才不會被人家說我們護短。
🗣u: Mia'lie ee tai'cix si of'bin'zhat køq bøo laang bad, khvoax'mia'siefn ka laang sngx'mia lorng cyn zay'viar cid'lø zhud'thaau, e kef korng kuie'kux'ar hør'oe ho laang'kheq hvoaf'hie, arn'nef yn ciaq u cvii thafng thaxn, m'ciaq korng “sioxng'mia bøo pøf, ciah zuie tøf bøo”, khvoax'mia'siefn tø si oar'khøx cid po teq zoarn'ciah`ee. 命理的代誌是烏面賊閣無人捌，看命仙共人算命攏真知影這號齣頭，會加講幾句仔好話予人客歡喜，按呢𪜶才有錢通趁，毋才講「相命無褒，食水都無」，看命仙就是倚靠這步咧賺食的。 [wt] [HTB] [wiki] [[...]]  [d#]
命理的事情是難以理解且沒人看得懂，算命的人都深諳這些把戲，會多說幾句好話讓客人高興，如此他們才會有錢賺，所以說「相命術士如果不說些讚美客人的話，連水都沒得喝」，命相師全靠這招在混飯吃的。
🗣u: Hef si yn nng laang ee wn'oaxn, lie si m'thafng khix taux'lau'jiet`hvaq, siok'gie korng, “Khvoax laang ciah baq, m'thafng khvoax laang siøf'phaq.” Lie iao'si maix zhab khaq bøo tai! 彼是𪜶兩人的恩怨，你是毋通去鬥鬧熱唅，俗語講：「看人食肉，毋通看人相拍。」你猶是莫插較無代！ [wt] [HTB] [wiki] [[...]]  [d#]
那是他們倆的恩怨，你可千萬別去湊熱鬧啊，俗話說：「看人吃肉，別看人毆鬥。」你還是別插手才不會惹禍上身！
🗣u: Sii'zofng ee khoarn'seg chiefn'piexn'ban'hoax, m'køq laang korng, “Aang suie, of toa'pan.” Tuo'tiøh hie'su lau'jiet'pae, siong viar'bak`ee iw'goaan si of'seg ee sef'zofng, aang'seg ee viuu'zofng. 時裝的款式千變萬化，毋過人講：「紅媠，烏大範。」拄著喜事鬧熱擺，上影目的猶原是烏色的西裝、紅色的洋裝。 [wt] [HTB] [wiki] [[...]]  [d#]
時裝的款式千變萬化，不過人們說「紅色美麗，黑色大方」，碰到喜事熱鬧的場合，最顯眼的仍然是黑色西裝、紅色洋裝。
🗣u: Cit liap pien'tofng thaxn laang zap khof giin, køq khix ho laang hiaam korng sviw kuix, cyn'cviax si “ciah bie m zay bie kex”. 一粒便當趁人十箍銀，閣去予人嫌講傷貴，真正是「食米毋知米價」。 [wt] [HTB] [wiki] [[...]]  [d#]
一個便當賺十塊錢，還被人嫌太貴，實在是「只知享受，不知生活疾苦的人」。
🗣u: Larn zøx'laang m'thafng sviw phoxng'hofng, zøx be kaux ee tai'cix chiefn'ban m'thafng korng toa'sviaf'oe, na'bøo, si e “kaf'ki phorng'sae boaq'bin”. 咱做人毋通傷膨風，做袂到的代誌千萬毋通講大聲話，若無，是會「家己捧屎抹面」。 [wt] [HTB] [wiki] [[...]]  [d#]
我們做人不要太會吹噓，做不到的事情千萬不要說大話，要不然，可是會「自取其辱」。
🗣u: Siok'gie korng, “Kaf høo ban'su hefng, kaf loan ban'sex keeng.” Yn'ui kaf'teeng si muie cit ee laang siarm'hofng biq'ho ee sor'zai, kaf'teeng høo'haai khix'hwn hør, laang tø e khvuix'oah, zøx su'giap m'ciaq e sun'si. 俗語講：「家和萬事興，家亂萬世窮。」因為家庭是每一个人閃風覕雨的所在，家庭和諧氣氛好，人就會快活，做事業毋才會順序。 [wt] [HTB] [wiki] [[...]]  [d#]
俗話說：「家和萬事興，家亂萬世窮。」因為家庭是每一個人的避風港，家庭和諧氣氛好，人便會輕鬆愉快，開創事業才會順利。
🗣u: Lirn m'thafng køq oafn`aq`laq, laang korng “kaf høo ban'su hefng, kaf loan ban'sex keeng”, cit'kef'hoea'ar na'si chviu lirn arn'nef oafn'kef'niuu'zex, cid ee kaf'teeng zar'ban e løh'soef. 恁毋通閣冤矣啦，人講「家和萬事興，家亂萬世窮」，一家伙仔若是像恁按呢冤家量債，這个家庭早慢會落衰。 [wt] [HTB] [wiki] [[...]]  [d#]
你們不要再吵了啦，人家說「家和萬事興，家亂萬世窮」，一家人如果像你們這樣爭吵不休，這個家庭遲早會倒楣的。
🗣u: Hid kefng kofng'sy ee thaau'kef chviax AF'iorng zøx syn'løo, m'na zhoaan svaf tngx ho y ciah, goeh'hong ma u ciaux'khie'kafng hoad, AF'iorng soaq six'kex ka laang korng cid kefng kofng'sy cviaa taxng'sngf, cviax'karng si “tøq'terng ciah'png, tøq'khaf paxng'sae”. 彼間公司的頭家倩阿勇做辛勞，毋但攢三頓予伊食，月俸嘛有照起工發，阿勇煞四界共人講這間公司誠凍霜，正港是「桌頂食飯，桌跤放屎」。 [wt] [HTB] [wiki] [[...]]  [d#]
那間公司的老闆聘用阿勇為職員，不僅準備三餐給他們吃，月薪也按規矩發，阿勇卻四處跟別人說這間公司很吝嗇，真的是「受人恩惠而不知報答」。
🗣u: Kax kviar tuu'liao zhuo'hoat, ma aix ho yn zay'viar si tør'ui m'tiøh, aix arn'zvoar kae'cixn, na kafn'naf phaq kafn'naf me, thaau'sefng e kviaf, kuo`laai tø chviu laang korng`ee “ciap me be thviaf, ciap phaq be thviax”, juo laai juo pud'siu'kaux. 教囝除了處罰，嘛愛予𪜶知影是佗位毋著，愛按怎改進，若干焦拍干焦罵，頭先會驚，久來就像人講的「捷罵袂聽，捷拍袂疼」，愈來愈不受教。 [wt] [HTB] [wiki] [[...]]  [d#]
管教孩子除了處罰，也要讓他知道哪裡不對，要如何改進，若一味打罵，起先會怕，後來就像人家說的「常罵不聽話，常打不怕痛」，愈來愈不受教。
🗣u: Pe'buo ui kviar si zu'jieen thiefn'sexng, bok'koaix laang korng, “Sex'haxn hoaan'lør y be toa, toa'haxn hoaan'lør y boe zhoa.” M'køq si'sex zar'ban aix ui yn kaf'ki ee jiin'sefng hu'zeg, zøx laang si'toa aix øh e'hiao paxng'chiuo. 爸母為囝是自然天性，莫怪人講：「細漢煩惱伊袂大，大漢煩惱伊未娶。」毋過序細早慢愛為𪜶家己的人生負責，做人序大愛學會曉放手。 [wt] [HTB] [wiki] [[...]]  [d#]
父母為小孩著想是自然天性，難怪人家說：「小時候煩惱他長不大，長大了煩惱他不結婚」，不過孩子早晚要為他們自己的人生負責，為人父母也要學會放手。
🗣u: Lie tuo'khay'sie siong'pafn, kay'zaan khaq ke, laang korng lie tø aix thviaf, m'thafng be'kix'tid “terng'sy koarn e'sy, tii'thaau koarn puxn'ky”. 你拄開始上班，階層較低，人講你就愛聽，毋通袂記得「頂司管下司，鋤頭管畚箕」。 [wt] [HTB] [wiki] [[...]]  [d#]
你剛開始上班，階層比較低，人家說的你就要聽，不要忘記「社會有階層，一層管一層」。
🗣u: Peeng'iuo ka lie kaix'siau thaau'lo tofng'jieen cyn hør, m'køq ti kofng'sy sviu'beq u hoad'tiern, lie ma aix jin'cyn øh, kud'lat zøx, laang korng, “Moee'laang pør jip paang, bøo pør cit'six'laang.” 朋友共你介紹頭路當然真好，毋過佇公司想欲有發展，你嘛愛認真學、骨力做，人講：「媒人保入房，無保一世人。」 [wt] [HTB] [wiki] [[...]]  [d#]
朋友將工作介紹給你當然很好，但是在公司想要有進展，你也要認真學、努力做事，人家說：「師父領進門，修行在個人。」
🗣u: Kor'zar'laang korng, “Pvee'terng zøx kaq laau'kvoa, pvee'khaf hiaam kaq laau'noa.” Hvoaai'tit zøx tai'cix zorng'si be texng zexng'laang ix, beq zøx tø jin'cyn zøx, m'biern kviaf laang phoef'pheeng. 古早人講：「棚頂做甲流汗，棚跤嫌甲流瀾。」橫直做代誌總是袂中眾人意，欲做就認真做，毋免驚人批評。 [wt] [HTB] [wiki] [[...]]  [d#]
以前的人說：「戲台上的演員演得汗流浹背，戲台下的觀眾批評得口沫橫飛。」反正做事總是不能符合眾人的意思，想做就認真做，不用怕別人批評。
🗣u: AF'hoaa beeng'kii tøf pag'lai bøo køf, gve sie beq ti zexng'laang bin'zeeng giim'sy, giim kaq m'cviaa sviaf'tiau, ho laang chiøx korng “bøo moo kef kea toa'keq”. 阿華明其都腹內無膏，硬死欲佇眾人面前吟詩，吟甲毋成聲調，予人笑講「無毛雞假大格」。 [wt] [HTB] [wiki] [[...]]  [d#]
阿華明明就沒什麼學問，硬是要在眾人面前吟詩，吟得荒腔走板，被人家嘲笑「無毛雞假裝體格高大」。
🗣u: Y pien'na khvoax'tiøh goar, tø zhuix'chiøx'bak'chiøx, hør'lea siøf'ciøq'mng, m'køq ti khaf'ciaq'au soaq ka goar korng kaq bøo cit tex hør, cyn'cviax si “oa hor oa phii laan oa kud, ty jiin ty bien pud ty sym”. 伊便若看著我，就喙笑目笑，好禮相借問，毋過佇尻脊後煞共我講甲無一塊好，真正是「畫虎畫皮難畫骨，知人知面不知心」。 [wt] [HTB] [wiki] [[...]]  [d#]
他每次看到我，就笑容可掬，客氣的打招呼，背地裡卻把我說得一無是處，真的是「畫虎畫皮難畫骨，知人知面不知心」。
🗣u: Suy'jieen larn si kaw'orng cviaa ze nii ee hør'peeng'iuo, laang korng “bea'be sngx hwn, siøf'chviar bøo lun”, larn ee sefng'lie iao'si tiøh ciaux'po'laai, m'køq cid thvoaf ho goar laai chviar, lie tø maix køq ham goar siøf'chviuo`aq. 雖然咱是交往誠濟年的好朋友，人講「買賣算分，相請無論」，咱的生理猶是著照步來，毋過這攤予我來請，你就莫閣和我相搶矣。 [wt] [HTB] [wiki] [[...]]  [d#]
雖然我們是交往多年的好友，人家說「買賣得算清，請客別計較」，我們的生意還是得按部就班，不過這次由我來請客，你就不要跟我搶了。
🗣u: Goar zoex'kin tuo'tiøh cit'koar tai'cix, bøo kaix sun'si, m'køq goar sviu'tiøh af'buo bad ka goar korng`koex, “Poah cit tør, khiøq'tiøh cit ciaq kym kef'bør.” Ciaf'ee tai'cix id'teng e'taxng ho goar juo laai juo u tix'hui, iorng'karm bin'tuix id'zhex. 我最近拄著一寡代誌，無蓋順序，毋過我想著阿母捌共我講過：「跋一倒，抾著一隻金雞母。」遮的代誌一定會當予我愈來愈有智慧，勇敢面對一切。 [wt] [HTB] [wiki] [[...]]  [d#]
我最近遇到一些事情，不是那麼順利，不過我想到媽媽曾經跟我說過：「塞翁失馬，焉知非福。」這些事情一定能夠讓我越來越有智慧，勇敢面對一切。
🗣u: Laang'kheq na beq bea mih'kvia, kef'kiarm'ar tøf e hiaam'tafng'hiaam'say, m'køq siok'gie teq korng, “Hiaam hoex ciaq'si bea hoex laang.” Larn tiøh'aix nai'sym thviaf laang'kheq korng, theh bøo kang ee sarn'phirn ho laang'kheq kerng, sefng'lie ciaq zøx e seeng. 人客若欲買物件，加減仔都會嫌東嫌西，毋過俗語咧講：「嫌貨才是買貨人。」咱著愛耐心聽人客講，提無仝的產品予人客揀，生理才做會成。 [wt] [HTB] [wiki] [[...]]  [d#]
俗話說：「嫌貨才是買貨人。」客人如果要買東西，或多或少會嫌東嫌西，我們就要耐心聽客人說話，拿不同的產品給客人挑，生意才做得成。
🗣u: Lie bøo thviaf laang korng “kud'lat ciah'lat, piin'tvoa thwn noa”`niq? Na kherng zøx tø m kviaf bøo thafng ciah, siong kviaf`ee si beq ciah m thør'thaxn, khør'leeng tø aix khvoax laang ciah'zheng`aq. 你無聽人講「骨力食栗，貧惰吞瀾」呢？若肯做就毋驚無通食，上驚的是欲食毋討趁，可能就愛看人食穿矣。 [wt] [HTB] [wiki] [[...]]  [d#]
你沒聽人家說「勤奮耕耘，就會有好的食物，而懶惰者就只能吞口水」嗎？只要肯做就不怕沒東西吃，最怕的是只想吃卻不去工作賺錢，可能就得倚靠他人生活了。
🗣u: Kofng'sy ee cvii'zuie hioong'hioong tngr'seh be koex`laai, yn'tvoaf tam'pøh'ar hok'zap, kor'zar'laang korng, “Kirn kviaa bøo hør po.” Beq kae'koad bun'tee, chiefn'ban m'thafng sviw koex kvoar'koong, aix saxm'sw jii hiø heeng. 公司的錢水雄雄轉踅袂過來，因端淡薄仔複雜，古早人講：「緊行無好步。」欲解決問題，千萬毋通傷過趕狂，愛三思而後行。 [wt] [HTB] [wiki] [[...]]  [d#]
公司的資金突然周轉不過來，原因略微複雜，古人說：「欲速則不達。」要解決問題，千萬不可太過慌張，須三思而後行。
🗣u: AF'zaai`ar he cyn ze khor'sym kaq sor'huix teq ka yn hau'svef zay'poee, ngx'bang y e'taxng zhud'thaau'thvy, kied'kiok y m'na tai'hak thak bøo pid'giap, køq beq ciah m thør'thaxn, tiefn'tøx si yn zaf'bor'kviar khaq u zaai'zeeng, giern'kiux'sor tøf iao'boe zhud'giap, kuie'na kefng kofng'sy tø siøf'zvef beq ka chviax, AF'zaai`ar oaxn'thaxn korng, “Ty m toa, toa tuix kao`khix.” 阿財仔下真濟苦心佮所費咧共𪜶後生栽培，向望伊會當出頭天，結局伊毋但大學讀無畢業，閣欲食毋討趁，顛倒是𪜶查某囝較有才情，研究所都猶未出業，幾若間公司就相爭欲共倩，阿財仔怨嘆講：「豬毋大，大對狗去。」 [wt] [HTB] [wiki] [[...]]  [d#]
阿財花費了許多苦心和費用栽培他兒子，希望他能出人頭地，結果他不但大學無法畢業，還好逸惡勞，反而是他女兒比較有才華，研究所還沒畢業，好幾間公司就搶著要聘用他，阿財嘆氣說：「事與願違。」
🗣u: Larn zøx tai'cix aix u nai'sym, m'thafng kviaf kafn'khor, laang korng “hix'pvee'khaf khia kuo tø si lie ee”, na e'taxng kiefn'chii kaux'tea, siofng'sixn larn id'teng e seeng'kofng. 咱做代誌愛有耐心，毋通驚艱苦，人講「戲棚跤徛久就是你的」，若會當堅持到底，相信咱一定會成功。 [wt] [HTB] [wiki] [[...]]  [d#]
我們做事要有耐心，不要怕艱難，人家說「有志者事竟成」，如果能堅持到底，相信我們一定會成功。
Maryknoll
bidkøx [wt] [HTB] [wiki] u: bit'køx [[...]][i#] [p.]
blow the gaff to the police, inform secretly against a suspicious person
密告
zhaotvoa [wt] [HTB] [wiki] u: zhaux'tvoa [[...]][i#] [p.]
boast, brag, talk big
吹牛
cyn ee [wt] [HTB] [wiki] u: cyn ee [[...]][i#] [p.]
true one
真的
oksoaq [wt] [HTB] [wiki] u: og'soaq [[...]][i#] [p.]
an evil spirit, a demon, a fiend
惡煞