Taiwanese-English dictionary full-text search
Searched DFT for hj:喙食，予尻川坐數。*, found 1,
- Zhuix ciah, ho khazhngf zhexsiaux. 🗣 (u: Zhuix ciah, ho khaf'zhngf zhe'siaux.) 喙食，予尻川坐數。 [wt][mo] Tshuì tsia̍h, hōo kha-tshng tshē-siàu.
[#]
- 1. ()
|| 嘴巴吃進去，讓屁股承擔後果。意即貪圖味覺享受而亂吃，拉肚子時受苦的卻是屁股。比喻貪圖一時的好處，自己得承受後果。
- le: AF'lioong siong hexng ciah zhvef'zhaw`ee, khap'be'tiøh tø hii'hii'baq'baq, køq'zaix m si hiafm tø si tang'kiaam, lorng bøo teq zurn'zad`ee, kied'kiok “zhuix ciah, ho khaf'zhngf zhe'siaux.” Cid'mar laang teq hoaq kafn'khor`aq. 🗣 (阿龍上興食腥臊的，磕袂著就魚魚肉肉，閣再毋是薟就是重鹹，攏無咧撙節的，結局「喙食，予尻川坐數。」這馬人咧喝艱苦矣。) (阿龍最愛吃大餐，動不動就又是魚又是肉，兼且不是辣就是鹹等等的重口味，從不節制，結果「貪圖味覺享受而亂吃，拉肚子時受苦的卻是屁股。」現在身體受不了。)
- le: Au lea'paix tøf beq khør'chix`aq, cid lea'paix ee hiøq'khuxn'jit lie iao'si maix zhud'khix chid'thøo e khaq urn'taxng, ciaq be sii kaux “zhuix ciah, ho khaf'zhngf zhe'siaux”. 🗣 (後禮拜都欲考試矣，這禮拜的歇睏日你猶是莫出去𨑨迌會較穩當，才袂時到「喙食，予尻川坐數」。) (下禮拜就要考試了，這周的假日你還是別出去玩會比較妥當，才不會到時「貪圖一時的好處，自己得承受後果」。)
- 2. ()
|| 引申為一人之誤，卻由他人代為受罪承擔。
- le: Thaau'kef ka kofng'sy ee cvii theh'khix zhar'kor'phiøx, ciofng cvii sw'liao'liao, soaq tiøh hoaq tør'tiaxm, e'khaf ee oaan'kafng lorng sid'giap, “zhuix ciah, ho khaf'zhngf zhe'siaux”, arn'nef karm u kofng'tø? 🗣 (頭家共公司的錢提去炒股票，將錢輸了了，煞著喝倒店，下跤的員工攏失業，「喙食，予尻川坐數」，按呢敢有公道？) (老闆把公司的錢拿去炒股票，將錢輸光光，竟然不得不宣告倒閉，底下的員工都失業，「一人做錯，卻由其他人受責」，這樣公道嗎？)
tonggi: ; s'tuix: