Taiwanese-English dictionary full-text search

all

Copy and paste ø or Ø for searching, if needed. Number zero (0) may be used in place of them in the autocomplete.
Searched DFT for u: ia u:tiøh, found 6,
Ciah hii ciah baq, ia tiøh zhaix kaq. 🗣 (u: Ciah hii ciah baq, ia tiøh zhaix kaq.) 食魚食肉，也著菜佮。 [wt][mo] Tsia̍h hî tsia̍h bah, iā tio̍h tshài kah. [#]
1. () || 吃魚吃肉，也要兼吃蔬菜。表示飲食要均衡身體才會健康。
🗣le: Chviar'laang'kheq toa'hii'toa'baq cyn phofng'phaix, m'køq laang teq korng, “Ciah hii ciah baq, ia tiøh zhaix kaq.” Na'bøo, eeng'iorng bøo peeng'kyn, khix'tøx hai. (請人客大魚大肉真豐沛，毋過人咧講：「食魚食肉，也著菜佮。」若無，營養無平均，去倒害。) (請客大魚大肉很豐盛，不過人家說：「吃魚吃肉，也要兼吃蔬菜。」否則，營養不均衡，反而糟糕。)
tonggi: ; s'tuix:
Ciah laang cidkyn, iaxtiøh heeng laang 4-niuo./Ciah laang cit kyn, ia tiøh heeng laang six niuo./Ciah laang cit kwn, ia tiøh heeng laang six niuo. 🗣 (u: Ciah laang cit kyn/kwn, ia tiøh heeng laang six niuo.) 食人一斤，也著還人四兩。 [wt][mo] Tsia̍h lâng tsi̍t kin, iā tio̍h hîng lâng sì niú. [#]
1. () || 吃了他人一斤的糧食，最少得還人家四兩。指受人恩惠，縱然自己很困苦，多少總要擠一點出來報答別人。比喻知恩圖報。
🗣le: Laang korng, “Ciah laang cit kyn, ia tiøh heeng laang six niuo.” Tøf'sia lie terng'koex hiaq'ni jiet'sym taux'svaf'kang, zef tam'pøh'ar ix'sux chviar lie siw`khie'laai. (人講：「食人一斤，也著還人四兩。」多謝你頂過遐爾熱心鬥相共，這淡薄仔意思請你收起來。) (人家說：「受人之恩，要盡力回報。」謝謝你上次那麼熱心幫忙，這一點小小心意請笑納。)
2. () || 進一步引申，告誡世人不要隨便收受他人饋贈，拿人家的都要奉還，天下沒有白吃的午餐。
🗣le: Siok'gie korng, “Ciah laang cit kyn, ia tiøh heeng laang six niuo.” Tvia'tvia siw laang ee mih'kvia, lie au'pae beq theh sviar'miq heeng`laang? (俗語講：「食人一斤，也著還人四兩。」定定收人的物件，你後擺欲提啥物還人？) (俗話說：「天下沒有白吃的午餐。」你經常收受人家的饋贈，以後要拿什麼回報？)
tonggi: ; s'tuix:
Ia tiøh zhøee, ia tiøh moee./Ia tiøh zhøee, ia tiøh bee. 🗣 (u: Ia tiøh zhoee, ia tiøh moee. Ia tiøh zhøee, ia tiøh moee/bee.) 也著箠，也著糜。 [wt][mo] Iā tio̍h tshuê, iā tio̍h muê. [#]
1. () || 也要竹鞭，也要稀飯。「箠」是用來當作體罰用具的竹鞭。這句話表示教養小孩也得責打、也得疼愛。比喻父母教導子女要寬嚴得宜、慈威並施、賞罰並重、教養兼顧，要撫育也要矯正，方有效果。
🗣le: Siok'gie korng, “Ia tiøh zhoee, ia tiøh moee.” Tuix girn'ar sviw koex giaam'keq, lorng bøo ka y kherng'teng kaq kor'le ma bøo hør. (俗語講：「也著箠，也著糜。」對囡仔傷過嚴格，攏無共伊肯定佮鼓勵嘛無好。) (俗話說：「也得責打，也得疼愛。」對小孩太過嚴格，都不給點鼓勵和肯定也不好。)
tonggi: ; s'tuix:
Phaq hor liah zhat ia tiøh chyn hviati. 🗣 (u: Phaq hor liah zhat ia tiøh chyn hviaf'ti.) 拍虎掠賊也著親兄弟。 [wt][mo] Phah hóo lia̍h tsha̍t iā tio̍h tshin hiann-tī. [#]
1. () || 打老虎和捉賊都是危及性命的事情，只有親兄弟才能齊力同心，一同出生入死。喻手足之情最為可靠。
🗣le: Laang korng, “Phaq hor liah zhat ia tiøh chyn hviaf'ti.” Larn kaq u'ieen zøx chyn hviaf'ti`aq, taang'zee phaq'pviax, ho'siofng kor'le, tvia'tiøh e to'koex cid ee laan'koafn. (人講：「拍虎掠賊也著親兄弟。」咱甲有緣做親兄弟矣，同齊拍拚、互相鼓勵，定著會度過這个難關。) (人家說：「手足之情最為可靠。」我們既然有緣當親兄弟了，一起打拼、互相鼓勵，一定能度過這個難關。)
tonggi: ; s'tuix:
Thaxn ia tiøh thaxn, ciah ia tiøh ciah. 🗣 (u: Thaxn ia tiøh thaxn, ciah ia tiøh ciah.) 趁也著趁，食也著食。 [wt][mo] Thàn iā tio̍h thàn, tsia̍h iā tio̍h tsia̍h. [#]
1. () || 錢也得賺，飯也得吃。勸人不要只會賺錢，也要懂得花錢吃飯，照顧身體。
🗣le: Lie m'thafng arn'nef tit'tit zøx, lorng bøo hiøq'khuxn, suy'borng lirn taw cid'zam'ar khaq khuxn'laan, m'køq “thaxn ia tiøh thaxn, ciah ia tiøh ciah”, ma aix theeng'khuxn ciah'png, ciaq u khuix'lat thafng zøx khafng'khoex. (你毋通按呢直直做，攏無歇睏，雖罔恁兜這站仔較困難，毋過「趁也著趁，食也著食」，嘛愛停睏食飯，才有氣力通做工課。) (你不要這樣一直做不停，都沒休息，雖然你家這陣子經濟較困難，不過「賺也得賺，吃也得吃」，也得休息吃飯才有力氣工作。)
tonggi: ; s'tuix:
Za'pof ia tiøh thviax, za'bor ia tiøh chviaa. 🗣 (u: Zaf'pof ia tiøh thviax, zaf'bor ia tiøh chviaa.) 查埔也著疼，查某也著晟。 [wt][mo] Tsa-poo iā tio̍h thiànn, tsa-bóo iā tio̍h tshiânn. [#]
1. () || 勸人養兒不可重男輕女，不管是男孩或女孩都要一樣疼惜扶養。
🗣le: Hien'zhuo'sii zøx laang pe'buo`ee, aix u “zaf'pof ia tiøh thviax, zaf'bor ia tiøh chviaa” ee koafn'liam, siefn tøf m'thafng toa'sex'sym, khaq biern ho kviar'jii si'sex oaxn'thaxn be soaq. (現此時做人爸母的，愛有「查埔也著疼，查某也著晟」的觀念，仙都毋通大細心，較免予囝兒序細怨嘆袂煞。) (現代做人家父母的，要有「男孩女孩都是寶」的觀念，千萬不可以偏心，才不會讓兒女抱怨不已。)
tonggi: ; s'tuix: