Ginhaang (Gunhaang)
Banking

Ly'Siøfciar, lie hør. Kin'afjit lie nar øe ciahniq'gauzar?  

Lie si bøeq laai kiarcvii`ee.  Si`bøo?

Laau`Siensvy, gauzar.  Goar kin'afjit si bøeq laai niafcvii kab hoekhoarn`ee.

Ly'Siøfciar, chviar lie laai citpeeng pailiet.

Hør, tøsia!  Suxnsoax ciøhmng`cide, cittviw si-mxsi hoekhoarn ee tvoakux ?

Ly'Siøfciar, hittviw si zunkhoarn iong`ee.  Cittviw ciaq tiøh.


Cittviw-piør ciahniq'hogzap.  Sidzai si uxkaux phvaysiar.

Ly'Siøfciar, lie na u buxntøee ee sii, øexsae mng goar. 

Chviar lie mxbiern khehkhix.

Cittviw-piør cyn-hogzap.  Goar nar øe saf lorng bøo. 

Paethog lie ka goar kaysoad`cide.

Ly'Siøfciar, chviar lie thviaf goar korng.  Lie tiøh  khvoax 

khaq-cimciog`cide.  Afnny, lie tiøh bøe thvy tengtvaa laq.

(Ly'Siøfciar, lie si Bykog tngr`laai ee køzaisefng.

Nar øe lieen ciahniq'kafntafn ee piør tø bøexhiao siar?  

Lie si thagzw thak`khix kaciahphviaf. Si`bøo? )

Tøsia.  (Laang korng Taioaan ee siøfciar cyn-phvae.

Khvoax`khylaai, uxviar tøxtiøh.  Kin'afjit soaq ho goar tuo`tiøh. )

Ly'Siøfciar, lie bøeq niar 5-ban khof.  

Mxzay lie karm u bøeq aix cidkoar lansafn`ee ?

Siøfciar, chviar lie ho goar cidkoar siøfphiøx kab ginkak'ar (gunkak'ar ).

Ly'Siøfciar, goar ho lie cidpaq ee ginkak'ar kab svapaq-tviw 

goxzap-khof`ee.  Kithvaf lorng si cidzhefng-khof`ee.

Afnny hør.  Cyn-tøsia.

Ly'Siøfciar,  cyn-sitlea.  Lie bøo pan uythog-sw. Afnny, ginhaang soax bøexsae 

thøex lie hoekhoarn ho tiexnlek-kongsy, "GAFSUX"-kongsy kab zuylek-kongsy. 

Mahoaan lie citmar khix kenglie-seg por pan chiwsiok`cide. Hør`bøo?  Tiøh lag! 

Lie na u su'iaux sirn'iong-khar ee sii, ma øexsae citmar suxnsoax pan.

Siøfciar, cyn-loflat.  Zaehoe