Siensvy, chviafmng, haghau ee zhanthviaf ti tøfui?

Siøfciar, lie tuy toaxmngg libkhix, tørchiwpeeng tiøh si'aq.

Ar mxzay leftngg ti tøfui?  

Lie hiorngzeeng, tidtit-kviaa tiøh oe khvoax`tiøh.

Siensvy, køq ciøhmng`cide, Taigie-pafn ee kaoseg ti kuylaau?

Siøfciar, kaoseg lorng ti lauterng. 

 
A'Beeng, lie karm zaivar beq afnzvoar khix "Tyson Corner"?

A'Peeng,  "Tyson I" ti 123-konglo ee tangpeeng.

"Tyson II" ti 123-konglo ee saipeeng.

A'Beeng, chviar lie ka goar korng beq afnzvoar khix.

A'Peeng, lie tiøqaix kviaa 495-køsokkonglo.

Kengkoex cidtiaau toaxkiøo liaw'au, kviaa 3-englie, 

ti 123-konglo lampeeng ee zhutkhao zhudkhix.

A'Peeng, "Tyson Corner" citmar teq zøxlo. Kauthofng cyn loan. 

Lie saychiaf aix khaq soeaji`ee.  

A'Beeng, goar zay, goar oe baxnbaxn'ar sae.

A'Peeng, lie zhudkhix ee sii, aix oar cviarpeeng. 

Tidtit-kviaa cide'ar, "Tyson II" tiøh ti cviarpeeng.

Naxsi beq khix "Tyson I", zhudkhix mafsiong cviartngr. 

Liaw'au køq sae 5øø-engchiøq køq cviartngr cidpae,

koex cidee angchvitefng, "Tyson I" tiøh ti lie thauzeeng.

Lie naxsi zhoexbøo, ciaq khax chiwky ho`goar.

A'Peeng, chviar lie horngsym, goar boe pharngkvix.


tafng               say                 laam                pag

toaxmngg

cviarpeeng          tørpeeng

hiorngzeeng

kaoseg

thauzeeng           auxpiaq             tiongngf

svakakthafng        

baxnban             kynkirn

englie              engchiøq