Sy Khieen si Taipag-koan laang.  Y cyn u thviarsym, sisioong
         施 乾     是  台 北  縣   人。    伊 真  有 疼    心， 時常

         pangzo laang.  Zu siaolieen ciu huisioong iusiux, Jidpurn-sitai
         幫  助 人。    自  少  年     就  非 常      優秀，  日 本   時代

         bad ti Zofngtog-huo zoex kisw.
         曾  在 總   督  府   做   技師。

         U cidpae, y khix Bafngkah t0exkhw tiauzaf pinbiin ee seng'oah,
         有一 次，  伊去   艋  舺    地  區  調   查  貧 民    的 生  活，

         khvoarti0h khitciah khurnkhor logpheg ee zengheeng, ciu theh cvii
         看    著   乞  食    困   苦    落 魄   的 情  形，    就  提   錢

         ciaokox yn,   y sii tiau cinh0r ee thaulo, b0e tiau zoanpo ee
         照  顧  他們， 伊 辭  掉   真 好  的  頭  路，賣  掉    全  部 的

         zaisarn, b0ea t0e khyzhux, senglip "Aeae-liaau", zoanbuun siuliuu
         財 產，   買   地  起 厝，   成  立  "愛愛 寮"，    專  門    收 留

         uxlo-b0zhux ee liulong-haxn.
         有路 無厝    的 流 浪   漢。


         Y kuijit kab khitciah toax z0rh0ea, kax yn   th0fthaxn ee honghoad,
         伊 歸 日  與  乞  食   住    做 夥，  教  他們  討  趁    的  方  法，

         tarn yn   u hoatto zuxlek-kengsefng, ciaq horngsym saxng yn  zhutkhix
         等   他們 有 法  度 自 力   更  生，    才   放   心  送    他們 出 去

         kaki seng'oah.   Siuxti0h y pangzo ee khitciah lorng tuix  Sy Khieen
         家己  生  活。    受  著   伊 幫  助 的 乞  食    攏    對    施 乾

         huisioong kafmkeg.
         非 常      感  激 。

         Sy Khieen muyjit zawzoong, zhaul0o k0eato, put'heng ti siezap-go h0ex
         施 乾      每 日  走 奔，    操  勞  過  度，不 幸     在  四十  五 歲

         lixkhuy seakafn, taxnsi y logsien-hvorsy ee zengsiin, efng'oarn tadtid
         離 開    世 間，  但  是 伊 樂 善   好  施  的 精  神，  永   遠  值得

         larn hagsip.
         咱   學 習