A'Hoong cyn aix zoeabang, in'ui baxngtiofng ee zengkerng cyn-simseg.
     阿宏     真  愛  做  夢，   因 為 夢   中     的 情  景     真  心適。

     Cidbo-cidbo ee kiogzeeng chinchviu tiexnviar kangkhoarn : bwkiab-phvix,
     一 幕 一 幕 的  劇  情     親  像    電   影   同  款     ： 武俠    片，

     zengthaxm-phvix, khahthofng-phvix...., kyntviw, chiekeg, khiofngpox,
     偵  探     片，   卡  通     片....,     緊 張，   刺  激， 恐     怖，

     hvoahie...., khaosviaf, chi0rsviaf, koaesviaf...
     歡  喜....,   哭  聲，   笑   聲，   怪  聲...

     Engaxm g0eqseg tngvii, A'Hoong hibang u  cidee byle ee bang.  Oah!
     盈 暗   月  色  當 圓，  阿宏    希望   有  一個   美麗 的 夢 。   Oah!

     Nafu ciahniq'z0e suie ee kefngseg ? U ang'ar-zheq laixbin ee hongkiofng，
     那有 這麼    多   美   的  景   色  ? 有       冊   內  面   的 皇  宮，

     hoehngg, chiuxnaa..., k0q u kh0faix ee toxngbut lorng laai hoangeeng y.
     花 園，   樹   林...,  又  有 可  愛  的 動   物   攏    來   歡  迎  伊。

     A'Hoong uxsii poee log'ar khix khepvy s0efbin; uxsii phvoa kausan'ar
     阿宏    有時   陪   鹿  仔 去   溪 邊   洗  面；  有時  伴    猴 山  仔

     khix chiuxterng barn k0efcie; uxsii kab thorar zawsi0jiog; uxsii
     去   樹   頂    挽    果  子;  有時  與   兔仔    走  相 逐；  有時

     ci0f svoaviuu khix sarnpo...
     招   山  羊   去   散  步...


     Hutjieen-kafn, "porng" cidsviaf, cidee bin cyn og, teq phahlah ee laang
     忽 然    間，   "porng" 一 聲，   一個   面  真  惡， 在  打  獵  的  人

     tuix yn   khuizhexng.   zhoiorng ee iafguu, toaxchviu; byle ee hoepax,
     對   他們  開  銃。       粗 勇    的 野 牛，  大  象；   美麗  的 花 豹，

     panbea..., cidciaq-cidciaq t0r+l0qkhix, toxngbut kviaf kaq siek0ex-
     斑 馬...,   一 隻   一 隻    倒  落 去,   動   物   驚    甲  四 界

     zoong.   A'Hoong laau bagsae, aikiuu phahlah ee laang, mxthafng k0q
     奔。      阿宏    流   目 屎，  哀求   打  獵   的  人，   不可      又

     khuizhexng, taxnsi b0zeeng ee zherngcie cidliap-cidliap tidtit tvoa
     開  銃，     但  是 無情     的 銃    子  一 粒   一 粒    直 直  彈

     k0ex+laai...
     過   來...


     Ah! A'Hoong zengsiin khylaai, kuiniar svaf taam-kokoo.
     Ah! 阿宏    精  神   起 來,   歸 領   衫   濕   糊糊。