Kvoathvy ykefng k0ex khix ah, hofng b0e k0q zaix siuh-suih-ki0x,
         寒  天    已經   過   去   ah, 風     未  又  再   siuh-suih 叫，

         lerng-kiky.  Thvikhix ciaxmciam siol0, b0e kvoaa ma b0e joah, si
         冷    kiky.  天  氣    漸   漸   燒 烙， 未  寒    亦 未   熱，  是

         zhud khix kauiuu ee h0r jidcie.
         出   去    郊 遊  的 好  日 子。


         Goarn cidkef-laang thaxn zhunkar, saychiaf khix Kawhun'ar sngr.
         阮    一 家  人      趁    春  假， 駛 車    去    九 份  仔 爽。

         Svoalo oanoafn-oatoad, goarn nar kviaa nar khvoax.  Oseg ee
         山  路  彎 彎   斡 斡，  阮    愈  行    愈  看。      黑色 的

         zhuoterng, cidkefng lieen k0ex cidkefng; zhvezhuix ee svoaphviaa,
         厝  頂，   一 間     連    過    一 間 ；   青  翠    的 山  坪，

         cidzaxn k0ex cidzaxn.  Chiaf juo peh juo koaan, goarn ee gafnkaix
         一 層   過    一 層 。  車     愈  爬  愈  高，    阮    的 眼  界

         ma juo laai juo khoaq.  Khvoax tuix svoakhaf khix, kuiphvix
         亦 愈   來   愈  闊。     看     對   山  腳   去，   歸 片

         bongboong-biawbiao, hwn b0e zhefng si thvy, si hae, iaxsi huun.
         茫  茫    渺  渺，   分  未   清     是 天，  是  海，  抑是  雲。

         Sinpix ee khiehun tiofng, kafngkhao, hizuun, hayerng, lorng
         神 秘   的 氣  氛  中，     港   口，   魚船，  海 浪，   攏

         tiam-zutzud, b0e sw si cidpag byle ee too.
          恬-zutzud,  未  輸 是  一幅   美麗  的 圖。


         U  sizun, k0q khvoarti0h cidphvix-cidphvix peqseg ee huun, tuix
         有 時陣，  又  看    著    一 片    一 片     白 色  的 雲，   對

         cit'liap svoaf khinkhyn p0ef k0ex hit'liap svoaf, chinchviu cidtin
         一  粒   山     輕  輕    飛   過   那  粒   山，    親  像    一 陣

         aix thitth0o ee gyn'ar, siek0ex kviaa, siek0ex s0o, siauiaau zuxzai.
         愛   玩  耍  的  囝  仔， 四 界   行，    四 界   趄， 迢 遙   自 在。

         Cit'khoarn ee kefngtix sidzai cyn-belaang.
         這  款      的 景  緻   實在    真  迷人。


         Thviakorng cinzar yzeeng, laang cviuxsvoaf si uixti0h b0eq or  kim'ar,
         聽   講     真 早  以前，  人     上   山    是 為 著   要    挖  金仔，

         goarn kin'afjit laai, suijieen b0o khvoarti0h kim'ar,  mxk0q u
         阮    今  仔 日  來，   雖 然    無  看    著   金  仔，  不過  有

         titti0h khoaelok ee simzeeng.
         得 著   快   樂  的 心 情。