U cidciaq titw ka hosiin korng, "Chviar lie tuy

cit'ee vii ee lauthuy peq-khylaai goarn-taw."

   
    Hosiin ixn y korng, "Tosia, tosia, goar ka lie soehsia.

Goar na peq-khylix lirn-taw, ciu boexthafng tuy hiaf kohzaix

loh`laai."

    Titw koq korng, "Lie kuijit teq poelaai-poekhix, iah

kvar cviasien`laq. Goar ee binzhngg cviasuie koq cviasorng,

lie nar m loqlaai ciaf hiohkhuxn?"

   
    Hosiin ixn y korng, "Tosia, tosia, goar ka lie soehsia.

Laang korng, ti titw ee binzhngg`nih khuxn ee laang, mxbad

oexthafng koq khurnchvie."

   
    Titw korng, "Hosiin Hviaf, goar aix lie. Ti goarn-

zhuolai ee khehthviaf`nih, goar u zwnpi cviazoe zhvezhaw

boeq chviar lie. Lie nar m laai ciaf ze?"

   
    Hosiin ixn y korng, "Tosia, tosia, goar koq ka lie

soehsia. Goar ee paktor pafpar, boo sviuxboeq ho laang

chviar."

   
    Titw kohzaix tuix hosiin korng, "Hosiin Hviaf, Hosiin

Hviaf. Lie nar oe ciahniq'ientaau! Lie karm zay, lie ee

bagciw vii-kurnkuxn, lie ee sit si hiahniq'ar kym-siaksiag.

Goar theh kviax laai ho lie ciox, lie ciu thafng zaiviar."

   
    Hosiin thviatioh titw olor y ientaau, ciu simlai

hvoahie, lorng boe kietid tioqaix tviutii. Y cide poef-

jibkhix titw-bang`hih, ciu cviazoex titw ee armtngx.