鴨仔聽雷。

指鴨子聽到雷聲，並不知道是怎麼回事。比喻一個人對所接收的訊息無法理解。

Oexkux:
🗣 Y tøf m zay thaau m zay boea, lie køq korng hiaq kirn, khahkef y ma bexsw“ah'ar thviaf luii”, gang ti hiaf nar zhaa'thaau'afng'ar`leq!

伊都毋知頭毋知尾，你閣講遐緊，較加伊嘛袂輸「鴨仔聽雷」，愣佇遐若柴頭尪仔咧！

Oexkux:
🗣 Chirm khix goaxkog thak gygieen haghau, tagjit tøf chinchviu“ah'ar thviaf luii ”`leq, lorng thviabøo siensvy teq korng sviaq, cincviax ciaqlat kaq bexhiao korng.

寢去外國讀語言學校，逐日都親像「鴨仔聽雷」咧，攏聽無先生咧講啥，真正食力甲袂曉講。

🗣 Aix pviax ciaq e viaa.

愛拚才會贏。

要努力才會贏。比喻唯有努力奮鬥，才能克服困難，成就一番事業。

Oexkux:
🗣 Sioggie korng, “Aix pviax ciaq e viaa.”Ti kefngkhix bøo hør ee sizun, tiøqaix m kviaf kankhor, kienchii lysiorng, khataqsidte, sengkofng ee kihoe tø ciaxm khahtoaxbin.

俗語講：「愛拚才會贏。」佇景氣無好的時陣，著愛毋驚艱苦，堅持理想、跤踏實地，成功的機會就占較大面。

🗣 Aesuie m kviaf laau phvixzuie.

愛媠毋驚流鼻水。

為了展示自己姣好的身材，天氣再冷，寧可挨寒受凍，也不願多穿衣服。常用以揶揄女性愛美，寧可付出代價，也在所不惜。

Oexkux:
🗣 Laang korng:“Aesuie m kviaf laau phvixzuie.”Thvikhix ciahni lerng, y kaxngkhoarn zheng hiaq ciør, lorng m kviaf e kvoaa`tiøh.

人講：「愛媠毋驚流鼻水。」天氣遮爾冷，伊仝款穿遐少，攏毋驚會寒著。

🗣 Armtngx kiarm ciah cidkhao, oah kaq kawzabkao.

暗頓減食一口，活甲九十九。

晚餐少吃一口，活到九十九。說明晚餐的食用量少一點，有益身體健康。

Oexkux:
🗣 Pøfkien ee zabcix thuiciexn“armtngx kiarm ciah cidkhao, oah kaq kawzabkao”, køq korng na tagkafng lorng zhutkhix un'tong`un, tuix sinthea køhkhaq hør.

保健的雜誌推薦「暗頓減食一口，活甲九十九」，閣講若逐工攏出去運動一下，對身體閣較好。

🗣 Angafbor si siøkhiarmzex.

翁仔某是相欠債。

今世有緣結為夫妻，乃因前世因果，互相欠債所致。夫妻意見不合相互爭吵時，常用這句話來勸雙方姻緣前定，應以和為貴。

Oexkux:
🗣 Goarn zabofkviar beq kex cirnzeeng, goar ka y khuiphoax korng“angafbor si siøkhiarmzex”, aix hoxsiofng zuntiong, hun'yn ciaq e kwtngg.

阮查某囝欲嫁進前，我共伊開破講「翁仔某是相欠債」，愛互相尊重，婚姻才會久長。

Oexkux:
🗣 Abie yn angafbor chiangzai teq oankef, Abie sviuxbeq lixieen, tagkef ka y khofkhngx korng“angafbor si siøkhiarmzex”, aix khaq thwn'lurn`leq.

阿美𪜶翁仔某常在咧冤家，阿美想欲離緣，逐家共伊苦勸講「翁仔某是相欠債」，愛較吞忍咧。

🗣 Angbor na kaxngsym, othoo piernseeng kym.

翁某若仝心，烏塗變成金。

夫妻若同心協力，沒有價值的黑土都能變成高價值的東西。比喻夫妻和諧，一起努力，任何事都可成就。

Oexkux:
🗣 Siaolieen huzhef mxbiern kviaf bøo kehoea, laang sor soeq, “Angbor na kaxngsym, othoo piernseeng kym”.Angafciar siøkeng høzee phahpviax tviaxtiøh e sengkofng.

少年夫妻毋免驚無家伙，人所說：「翁某若仝心，烏塗變成金」。翁仔姐相楗和齊拍拚定著會成功。

🗣 Ang'ii sun oexboea, kea taang hai zernglaang.

尪姨順話尾，假童害眾人。

靈媒會順著對方的心意說話，假冒之乩童故意裝神弄鬼來欺騙人。此指靈媒、乩童借揣摩情況來決定說話的內容，而人也因輕信巫術鬼神而身受其害。

Oexkux:
🗣 Hid ee senglylaang ciog kauxkhiernsngr, putsii zawkhix hid kefng biø kiuu khvoax senglie u thafng khaq sun'si`leq`bøo, soaq m zay“ang'ii sun oexboea, kea taang hai zernglaang”, laixtea zoaan si kefpaau ee tangky, ho yn piern cyn ze cvii`khix.

彼个生理人足厚譴損，不時走去彼間廟求看生理有通較順序咧無，煞毋知「尪姨順話尾，假童害眾人」，內底全是假包的童乩，予𪜶諞真濟錢去。

🗣 Afng chyn bor chyn, lauxpøar phachialyn.

翁親某親，老婆仔拋捙輪。

夫妻恩愛，老婆婆翻筋斗也不管。「老婆仔」是指年邁的母親，「拋捙輪」是翻筋斗，這裡指老母親跌倒了在地上打滾，子女卻置之腦後、棄之不顧。整句比喻夫妻二人恩恩愛愛，置年邁雙親於不顧。

Oexkux:
🗣 Y pwntea iao sngx iwhaux, zhoaxbor liawau soaq piexn bofloo, ho yn pexbuo ciog chirnsym, laang teq korng“afng chyn bor chyn, lauxpøar phachialyn”, uxviar tøf tiøh.

伊本底猶算有孝，娶某了後煞變某奴，予𪜶爸母足凊心，人咧講「翁親某親，老婆仔拋捙輪」，有影都著。

🗣 Aang suie, of toaxpan.

紅媠，烏大範。

紅色美麗，黑色大方。形容人衣著色彩，紅色顯得鮮豔亮麗，黑色呈現高貴大方，有氣質、有風味。也可指衣服之外的東西。

Oexkux:
🗣 Sizofng ee khoafnseg chienpiernbaxnhoax, mxkøq laang korng, “Aang suie, of toaxpan.”Twtiøh hysu lauxjiedpae, siong viar'bak`ee iugoaan si oseg ee sezofng, angseg ee viuzofng.

時裝的款式千變萬化，毋過人講：「紅媠，烏大範。」拄著喜事鬧熱擺，上影目的猶原是烏色的西裝、紅色的洋裝。

🗣 Baykaau gaau khiarmsiaux.

䆀猴𠢕欠數。

難纏的客人愛賒帳。形容人外型不佳又愛賒帳。

Oexkux:
🗣 Hid ee langkheq bae køq kauxsae, kiernpae laai lorng beq siasiaux, tø chviu laang teq korng`ee“baykaau gaau khiarmsiaux”.

彼个人客䆀閣厚屎，見擺來攏欲賒數，就像人咧講的「䆀猴𠢕欠數」。

🗣 Bagciw hoehoef, puar khvoarzøx zhaekoef.

目睭花花，匏仔看做菜瓜。

眼睛看不清楚，瓠瓜看成絲瓜。嘲笑別人一時恍神，把形狀相近的物品看成別的東西。

Oexkux:
🗣 Af'buun`ar bøseaji ka iaam khvoarzøx peqthngg, ciuxafnnef khad khix zhafm kapy, sidzai si“bagciw hoehoef, puar khvoarzøx zhaekoef”.

阿文仔無細膩共鹽看做白糖，就按呢𣁳去摻咖啡，實在是「目睭花花，匏仔看做菜瓜」。

🗣 Bagciw khvoarkoaan, bøo khvoarke.

目睭看懸，無看低。

眼睛長在頭頂上，看上不看下。形容人走路不看路。

Oexkux:
🗣 Lie kvialo lorng bøo teq khvoax lo, “bagciw khvoarkoaan, bøo khvoarke”, thokhaf cidkhud zuie, lie ma ka y tah`tah`løh.

你行路攏無咧看路，「目睭看懸，無看低」，塗跤一窟水，你嘛共伊踏落去。

Oexkux:
🗣 Af'hoef`ar bagthaau koaan, “bagciw khvoarkoaan, bøo khvoarke”, larn cittin zngkhaf ee gynafphvoa, citmar lorng ho y khvoarbøo bagte.

阿花仔目頭懸，「目睭看懸，無看低」，咱這陣庄跤的囡仔伴，這馬攏予伊看無目地。

🗣 Bagciw khvoax ti koea, khaf taqtiøh hoea.

目睭看佇粿，跤踏著火。

眼睛看著糕品，腳踩到火。用來勸人做事不要只顧當前的好處，而忘了週遭的危險，以免身陷險境而不知。

Oexkux:
🗣 Pakhayhvoa ee siawkawerng cyn khiofngpox, tagnii lorng u laang ho y kar`khix, mxkøq tiørhii ee laang phahsie bøo thex, laang korng, “Bagciw khvoax ti koea, khaf taqtiøh hoea.”Yn lorng m zay thafng kviaf.

北海岸的痟狗湧真恐怖，逐年攏有人予伊絞去，毋過釣魚的人拍死無退，人講：「目睭看佇粿，跤踏著火。」𪜶攏毋知通驚。

Oexkux:
🗣 Y khvoartiøh lo tiong'ngf u cidpaq khof kvoafkirn beq khix khiøq, hiafmhiafm'ar khix ho chiaf loxng`tiøh, cincviax si“bagciw khvoax ti koea, khaf taqtiøh hoea”.

伊看著路中央有一百箍趕緊欲去抾，險險仔去予車挵著，真正是「目睭看佇粿，跤踏著火」。

🗣 Bagciw kimkym laang siongtiong.

目睭金金人傷重。

眼睛睜大，病情嚴重。形容人病得很嚴重，只能張大眼睛，無法動彈；也用來比喻遇到事情束手無策，只能乾瞪眼而沒辦法處理。

Oexkux:
🗣 Akofng saxng kaux pvexvi ee sii suijieen iao zay laang, mxkøq be kofng'oe ma be tyntang, kannaf tiaxmtiam khvoax pvexzhngpvy ee laang, cincviax si“bagciw kimkym laang siongtiong”.

阿公送到病院的時雖然猶知人，毋過袂講話嘛袂振動，干焦恬恬看病床邊的人，真正是「目睭金金人傷重」。

🗣 Bagciw koax tawkaix, khvoax laang mih tø aix.

目睭掛斗概，看人物就愛。

眼睛掛著平斗的木概，看到別人的東西就想要。用來形容人過於貪心。以前用「斗」來測量穀物豆類等東西的份量，斗概是一長形木條，用來把斗口高出的部分撥平以得到準確的量。販售商人的習慣是只往內撥、不往外撥，有招財之意。所以用眼睛掛著斗概，來比喻想把別人的東西納為己有的貪婪心態。

Oexkux:
🗣 Abeeng ka ahviaf thør tuo bea`laai ee siesiuo'ar, køq ka acie thør pysaix viaa`laai ee ciofngphirn, tø khix ho amar ka me korng“bagciw koax tawkaix, khvoax laang mih tø aix”.

阿明共阿兄討拄買來的四秀仔，閣共阿姊討比賽贏來的獎品，就去予阿媽共罵講「目睭掛斗概，看人物就愛」。

🗣 Ban guu kauxsayjiø.

慢牛厚屎尿。

行動遲緩的牛屎尿多。比喻懶惰的人做事不乾脆，常找藉口逃避或延遲該盡的責任。

Oexkux:
🗣 Kiøx y zøx cidtiafm'ar taixcix, tø nar“ban guu kauxsayjiø”, gaau thoasoaf køq liammy thaukhag thviax, liammy paktor thviax.

叫伊做一點仔代誌，就若「慢牛厚屎尿」，𠢕拖沙閣連鞭頭殼疼、連鞭腹肚疼。

🗣 Baxnsu khythaau laan.

萬事起頭難。

一切事情開頭階段都很困難。意指事情剛開始的時候，都比較困難，只要不放棄，繼續做，久了就會順手、熟練。

Oexkux:
🗣 Siaolienlaang tuo zhutgiap, mxkoarn ciaqthaulo iaqsi kaki zøx thaukef, “baxnsu khythaau laan”, aix tauqtauqar laai, kiefn'chii`kiefn, zøx e kuo ciaq u sengkofng ee kihoe.

少年人拄出業，毋管食頭路抑是家己做頭家，「萬事起頭難」，愛沓沓仔來，堅持落去，做會久才有成功的機會。

🗣 Befbe sngx hwn, siøchviar bøo lun.

買賣算分，相請無論。

做生意就得把帳目算個清楚，至於請客吃飯，則無需計較。說明生意與交情的界線理應分明。

Oexkux:
🗣 Suijieen larn si kauorng cviaa ze nii ee høfpeng'iuo, laang korng“befbe sngx hwn, siøchviar bøo lun”, larn ee senglie iawsi tiøh ciaopoxlaai, mxkøq citthvoaf ho goar laai chviar, lie tø maix køq ham goar siøf'chviuo`aq.

雖然咱是交往誠濟年的好朋友，人講「買賣算分，相請無論」，咱的生理猶是著照步來，毋過這攤予我來請，你就莫閣和我相搶矣。

🗣 Bea zhaan aix kerng hør zhaan tea, zhoaxbor aix kerng hør niulea.

買田愛揀好田底，娶某愛揀好娘嬭。

買田地，要慎選土質好的田地；娶老婆，要先觀察女方母親之行為舉止。意即有其母必有其女，用來說明選妻子時對方家教的重要。

Oexkux:
🗣 Keazhoa cirnzeeng aix sefng thaxm mnghofng, sioggie korng:“Bea zhaan aix kerng hør zhaan tea, zhoaxbor aix kerng hør niulea.”

嫁娶進前愛先探門風，俗語講：「買田愛揀好田底，娶某愛揀好娘嬭。」

🗣 Bea zhux, bea zhuopvy.

買厝，買厝邊。

買房子要慎選好鄰居。強調選擇住家時，鄰居的好壞至關重要。

Oexkux:
🗣 Atyn khvoax zhux khvoax pvoax nii goa ciaq beftiøh cidkefng y kah'ix ee zhux, y korng:“Bea zhux, bea zhuopvy.”Tuliao khøfli keasiaux, køhkhaq iaux'kirn`ee si aix zhoextiøh u hør zhuopvy ee siaxkhw.

阿珍看厝看半年外才買著一間伊佮意的厝，伊講：「買厝，買厝邊。」除了考慮價數，閣較要緊的是愛揣著有好厝邊的社區。