三日無餾，𬦰上樹。

三天不溫習，學過的東西就爬上了樹梢。說明學過的東西要勤加溫習，稍有怠惰，很快所學的東西就會忘得一乾二淨。

Oexkux:
🗣 Citkae khøfchix lie aix høfhøfar zwnpi, ciaokhykafng jixncyn thak, naxsi “svaf jit bøo liu, pehcviu chiu”, tø bøhoatto u hør seeng'zeg`aq.

這改考試你愛好好仔準備，照起工認真讀，若是「三日無餾，𬦰上樹」，就無法度有好成績矣。

Oexkux:
🗣 Laang na u'hoex`hvoq, kietii khaksit e piexn zhaf, “svaf jit bøo liu, pehcviu chiu”, kuie kafng zeeng øh`tiøh ee kanghw, na bøo køq liu tø bexkietid liao'liao`aq, uxviar cyn hai.

人若有歲乎，記持確實會變差，「三日無餾，𬦰上樹」，幾工前學著的工夫，若無閣餾就袂記得了了矣，有影真害。

🗣 Svakhapo cidkharm tiaxm.

三跤步一坎店。

走三步就有一間店。形容市景繁榮，商店林立。

Oexkux:
🗣 Khahzar ku chixkhw mxna “svaf khapo cidkharm tiaxm”, seqkef ee laang ma zhahzhahzhaq, mxkøq citmar ykefng piexn kaq cyn hy'bii`aq.

較早舊市區毋但「三跤步一坎店」，踅街的人嘛插插插，毋過這馬已經變甲真稀微矣。

Oexkux:
🗣 Ciaf hongkefngkhw ee pngxtiaxm khuy kaq si “svaf khapo cidkharm tiaxm”, tak kefng tiaxm lorng tiøh sviuxkhangsviuxphang laai chviuo langkheq.

遮風景區的飯店開甲是「三跤步一坎店」，逐間店攏著想空想縫來搶人客。

🗣 Svaf korng, six mxtiøh.

三講，四毋著。

說三句話，錯四個地方。指人說話頻頻出錯。

Oexkux:
🗣 Zøx giefnkiux itteng aix u zerngkix, cidhwn zerngkix, korng cidhwn oe, ciaq be “svaf korng, six mxtiøh”.

做研究一定愛有證據，一分證據，講一分話，才袂「三講，四毋著」。

🗣 Svaf laang kang go bak, jidau bøo tngtefkhaoe.

三人共五目，日後無長短跤話。

三個人總共五隻眼睛，以後不能再說長道短。原故事為媒人婆替兩腳一長一短的青年，與瞎了一隻眼的女子相親，媒人為促成婚事，故意隱藏雙方的缺陷，在結婚前以雙關語說在場三人總共五隻眼睛，決定的事情日後便不得再說長就短。比喻共同商議後所做的決定，事後不得反悔。

Oexkux:
🗣 Sioggie korng, “Svaf laang kang go bak, jidau bøo tngtefkhaoe.”Larn citmar korng tvia tø korng tvia`loq, jidau bexsae hoafnhoea.

俗語講：「三人共五目，日後無長短跤話。」咱這馬講定就講定囉，日後袂使反悔。

Oexkux:
🗣 Larn beq zøx koatteng cirnzeeng, tak ee sviu khaq ciaau'tiøh`leq, køq khvoax ho cimciog, chinchviu sioggie teq korng`ee “svaf laang kang go bak, jidau bøo tngtefkhaoe”, afnnef hør`bøo?

咱欲做決定進前，逐个想較齊著咧，閣看予斟酌，親像俗語咧講的「三人共五目，日後無長短跤話」，按呢好無？

🗣 Svaf nii cidjun, høfphvae ciaux luun.

三年一閏，好歹照輪。

三年一次閏月，好壞輪流來。農曆每二、三年會有一個閏月，多出來的這個月按曆法分派到不同月份，所以說「好歹照輪」。這句話指風水輪流轉，人生的際遇，不會永遠順利，也不會永遠困窘。

Oexkux:
🗣 Sioggie korng, “Svaf nii cidjun, høfphvae ciaux luun.”Kankhor uxsii koex, siøfkhoar lurn`leq, tø e zhud'un`aq.

俗語講：「三年一閏，好歹照輪。」艱苦有時過，小可忍咧，就會出運矣。

Oexkux:
🗣 Khvoax laang pux`ee pux cviu thvy, larn si saxn kaq tngxzhurnthiq, na sviuxtiøh “svaf nii cidjun, høfphvae ciaux luun”, tø borng zøx borng to, khvoax u cidkafng e zhud'thaau'thvy`be.

看人富的富上天，咱是散甲斷寸鐵，若想著「三年一閏，好歹照輪」，就罔做罔度，看有一工會出頭天袂。

🗣 Svapaq lagzap haang, hanghaang zhud cioxnggoaan.

三百六十行，行行出狀元。

各行各業都有出類拔萃的人。狀元是指各行業的頂尖人物，比喻不論從事何種行業，都可出人頭地。

Oexkux:
🗣 Ti tøgoaan ee sia'hoe`lie, na u jixncyn phahpviax, “svapaq lagzap haang, hanghaang zhud cioxnggoaan”, mxkoarn zøx tør cidtoo, zofngsi e u zhutthoad ee hid cidjit.

佇多元的社會裡，若有認真拍拚，「三百六十行，行行出狀元」，毋管做佗一途，總是會有出脫的彼一日。

🗣 Svaf tai liabzeg, cidtai khengkhofng.

三代粒積，一代窮空。

三代累積，一代敗光。即三代人辛苦累積的財富，卻被後代一人揮霍殆盡。比喻創業艱辛，守成要謹慎。

Oexkux:
🗣 Siaxhoexsiong tharncvii øq, khaicvii kirn, aix kuyna tai laang liabzeg ciaq extaxng khiam koar zaisarn, naxsi zhuttiøh liawboefafkviar, biern goaxkuo tø ciofng kehoea khaitaf, bogkoaix laang korng, “Svaf tai liabzeg, cidtai khengkhofng.”

社會上趁錢僫、開錢緊，愛幾若代人粒積才會當儉寡財產，若是出著了尾仔囝，免偌久就將家伙開焦，莫怪人講：「三代粒積，一代窮空。」

Oexkux:
🗣 Khaiky ee laang sinkhor hurntaux, sixsex ma taux kankhor u tiøh, iugoaan kutlat teq zøx, suxgiap sengkofng liawau kviafswn biern ciaqkhor køq gaau hiafngsiu, biern goaxkuo soaq “svaf tai liabzeg, cidtai khengkhofng”, ho laang kafmkhaix.

開基的人辛苦奮鬥，序細嘛鬥艱苦有著，猶原骨力咧做，事業成功了後囝孫免食苦閣𠢕享受，免偌久煞「三代粒積，一代窮空」，予人感慨。

🗣 Saotex saux piahkag, sefbin sea hvixkhafng.

掃地掃壁角，洗面洗耳空。

打掃房間，要注意清潔牆角周圍；洗臉時，要注意耳朵周圍或耳後容易藏污納垢的地方。指做事要澈底實在，不要馬虎隨便。

Oexkux:
🗣 Apaq chiangzai ka siøfmoe korng “saotex saux piahkag, sefbin sea hvixkhafng”, zøx khangkhoex mxthafng hamhoo, mxthafng iong zurn`ee tø ho koex.

阿爸常在共小妹講「掃地掃壁角，洗面洗耳空」，做工課毋通含糊，毋通用準的就予過。

🗣 Seahaxn hoanlør y be toa, toaxhaxn hoanlør y boe zhoa.

細漢煩惱伊袂大，大漢煩惱伊未娶。

小時候煩惱他長不大，長大了煩惱他不結婚。表示父母親對兒女成長的各個階段，都有不同的操心與煩惱。

Oexkux:
🗣 Pexbuo ui kviar si zuxjieen thiensexng, bogkoaix laang korng, “Seahaxn hoanlør y be toa, toaxhaxn hoanlør y boe zhoa.”Mxkøq sixsex zafban aix ui yn kaki ee jinsefng huxzeg, zøx laang sixtoa aix øh exhiao parngchiuo.

爸母為囝是自然天性，莫怪人講：「細漢煩惱伊袂大，大漢煩惱伊未娶。」毋過序細早慢愛為𪜶家己的人生負責，做人序大愛學會曉放手。

🗣 Seahaxn thaw barn puu, toaxhaxn thaw khafn guu.

細漢偷挽匏，大漢偷牽牛。

小時候偷摘匏瓜，長大偷牽牛隻。指一味縱容小孩的錯誤行為，反而會使其積惡成習，長大後會變本加厲。

Oexkux:
🗣 Gyn'ar zu seahaxn tiøqaix høfhøfar ka karsi, naxbøo “seahaxn thaw barn puu, toaxhaxn thaw khafn guu”, thernghau y toaxhaxn hoan giamtiong ee zhørgo ciaq beq laai kax, tø ykefng be'hux`aq.

囡仔自細漢著愛好好仔共教示，若無「細漢偷挽匏，大漢偷牽牛」，聽候伊大漢犯嚴重的錯誤才欲來教，就已經袂赴矣。

🗣 Sex khafng m por, toa khafng kiørkhor.

細空毋補，大空叫苦。

破洞還小的時候不及時縫補，等破洞大到無法挽救時才在哀號。

Oexkux:
🗣 Zhuiekhie na u ciuokhafng aix kirn ho isefng thun`thun`khie, naxbøo, kaux boea`ar aix thiw sinkefng tø cincviax si “sex khafng m por, toa khafng kiørkhor”.

喙齒若有蛀空愛緊予醫生坉起來，若無，到尾仔愛抽神經就真正是「細空毋補，大空叫苦」。

Oexkux:
🗣 Larn zøx taixcix twthauar na u hoatkiexn mxtiøh, tø aix ti iawboe zøxseeng tioxngtai sionghai cirnzeeng kvoafkirn siuzexng, ciaq be “sex khafng m por, toa khafng kiørkhor”.

咱做代誌拄頭仔若有發見毋著，就愛佇猶未造成重大傷害進前趕緊修正，才袂「細空毋補，大空叫苦」。

🗣 Svef`ee chviar cidpvy, iorng`ee unzeeng khaq toa thvy.

生的請一邊，養的恩情較大天。

親生的父母暫且擱在一邊，養育者的恩情比天還高。提醒被撫養人不要抹煞養育人的苦心與功勞；又指生身父母比養育者的地位還差一些。

Oexkux:
🗣 Laang korng, “Svef`ee chviar cidpvy, iorng`ee unzeeng khaq toa thvy.”Suijieen m si chinkutjiok, mxkøq iofngpexbuo ee ioxngsym chviaiorng aix huix goaxni ze khofsym, zøx iorng'zuo`ee tiøqaix liawkae, tiøqaix kafm'wn.

人講：「生的請一邊，養的恩情較大天。」雖然毋是親骨肉，毋過養爸母的用心晟養愛費偌爾濟苦心，做養子的著愛了解、著愛感恩。

🗣 Svef ke'nng`ee bøo, paxng kesae`ee u.

生雞卵的無，放雞屎的有。

沒有生雞蛋的，只有拉雞屎的。形容團體中沒有能帶來利益或好處的人，只有會惹事生非，帶來壞處或麻煩的人。

Oexkux:
🗣 Zhanthviaf tuo chviax ee hid kuie ee oankafng, sviafmiq taixcix tøf bexhiao zøx, køq cyn ciap ka voafpvoaa siag hai`khix, cincviax si “svef kef'nng`ee bøo, paxng kef'sae`ee u”.

餐廳拄倩的彼幾个員工，啥物代誌都袂曉做，閣真捷共碗盤摔害去，真正是「生雞卵的無，放雞屎的有」。

🗣 Svekviar sai'ar, chi kviar saihu.

生囝師仔，飼囝師傅。

生孩子是學徒，養育孩子是師傅。比喻生小孩瓜熟蒂落算不上本事，要把孩子養育成有用的人才是真本領。

Oexkux:
🗣 Beq uix angangiuoiux ee vear, chviaiorng kaux cviaviu, aix liao goaxze sikafn, zengsiin kaq khuielat, kofzaflaang mxciaq e korng, “Svekviar sai'ar, chi kviar saihu”.

欲對紅紅幼幼的嬰仔，晟養到成樣，愛了偌濟時間、精神佮氣力，古早人毋才會講：「生囝師仔，飼囝師傅」。

🗣 Sikoef oar toa peeng.

西瓜倚大爿。

西瓜哪邊比較大就靠向那邊。意指人看哪一邊得勢，就向那邊，形容人趨炎附勢。

Oexkux:
🗣 Larn zørlaang aix u zwkiexn, u zernggixkarm, na kannaf exhiao “sikoef oar toaxpeeng”, zafban e ho laang khvoax bøo bagte.

咱做人愛有主見、有正義感，若干焦會曉「西瓜倚大爿」，早慢會予人看無目地。

🗣 Sie bak m goan kheq.

死目毋願瞌。

過世的時候不願意合眼。指因還有未完成的心願或牽掛的事而死不瞑目。

Oexkux:
🗣 Y tø si teq zhauhoaan na cincviax pahhoeanilau liawau, kviafjii sixsex uixtiøh zaisarn sengsiok pwn be pvepang soaq khie oankef, citsviaf tø hai`aq, khahsw korng thaxn citzun laang iao kviaxkvia, sefng ka zaisarn pwn'pwn`leq, ciaq be sii kaux hai y “sie bak m goan kheq”.

伊就是咧操煩若真正百歲年老了後，囝兒序細為著財產承續分袂平棒煞起冤家，這聲就害矣，較輸講趁這陣人猶健健，先共財產分分咧，才袂時到害伊「死目毋願瞌」。

🗣 Sie hongtex mxtadtid oah khitciah.

死皇帝毋值得活乞食。

去世的皇帝，比不上還活著的乞丐。勉勵人要珍惜生命，窮苦活著總比富貴死去還要強。

Oexkux:
🗣 Lie chienban mxthafng uixtiøh cidsii sitpai laai kviateflo, laang korng: “Sie hongtex mxtadtid oah khitciah. ”Phvayun zorng`si e koex`khix, oah`leq bixlaai tø u hibang.

你千萬毋通為著一時失敗來行短路，人講：「死皇帝毋值得活乞食。」歹運總是會過去，活咧未來就有希望。

🗣 Sie tøxiuo, bøo sie pintø.

死道友，無死貧道。

要死別人死，不能犧牲自己。「道友」指同道友人，泛指別人；「貧道」是修行者自謙的說法，泛指自己。說明人不在乎別人的死活，只關心自己是否還安好。

Oexkux:
🗣 Y kiernna hør'khafng`ee tø kaki bau, phvae'khafng`ee suii sag ho padlaang, larn tiøqaix cimciog siefn tøf mxthafng kaq citkhoarn “sie tøxiuo, bøo sie pintø”ee peng'iuo kaupoee.

伊見若好空的就家己貿，歹空的隨捒予別人，咱著愛斟酌仙都毋通佮這款「死道友，無死貧道」的朋友交陪。

🗣 Sie zoaa oah boefliw.

死蛇活尾溜。

蛇被打死了，尾巴還在蠕動。形容事情雖然已經結束，但還留下一個殘局未收拾。

Oexkux:
🗣 Sioggie korng, “Sie zoaa oah boefliw.”Na bøo ka citee zarphiexn cibthoaan ee zhadthaau liah`liah`khie, m zay iawu goaxze laang e ho phiexn`khix.

俗語講：「死蛇活尾溜。」若無共這个詐騙集團的賊頭掠起來，毋知猶有偌濟人會予騙去。

🗣 Sii kaux sii tamtngf, bøo bie ciaq zuo hancii thngf.

時到時擔當，無米才煮番薯湯。

時候到了再看著辦，沒有米可以煮飯就拿地瓜煮湯。形容事情自然有因應之道，如果一事不成，也另有替代之道。

Oexkux:
🗣 Sioggie korng, “Sii kaux sii tamtngf, bøo bie ciaq zuo hancii thngf.”Citmar hoanlør khylaai khngx ma bøkhahzoah, sii kaux piexnkhvoax, ciaq laai koatteng beq afnzvoar zøx.

俗語講：「時到時擔當，無米才煮番薯湯。」這馬煩惱起來囥嘛無較縒，時到便看，才來決定欲按怎做。