是毋是，罵家己。

對不對，先罵自己。人與人相處難免會有衝突，遇到事情先檢討自己。

Oexkux:
🗣 Sioggie korng, “Si mxsi, me kaki.”Gyn'ar na ham laang oankef, aix zhoa tngflaai kaki karsi, ciaq be ho laang korng larn vaa kaki ee gyn'ar citpeeng.

俗語講：「是毋是，罵家己。」囡仔若和人冤家，愛𤆬轉來家己教示，才袂予人講咱攔家己的囡仔這爿。

🗣 Sienjiin phaq kor iuo sii zhøx, khapo taqzhaf sviaflaang bøo?

仙人拍鼓有時錯，跤步踏差啥人無？

神仙打鼓有時候也會出錯，人走路也難免跌跤會走偏。指再厲害的人難免也會出差錯。

Oexkux:
🗣 Imgak pysaix tvoaa kngrkhiim ee sii, Abie tvoaa zao'zefng`khix, pysaix pyliao y si khaux kaq bagsae sielamsuii, lauxsw kirn ka y an'uix korng, “Sienjiin phaq kor iuo sii zhøx, khapo taqzhaf sviaflaang bøo?”

音樂比賽彈鋼琴的時，阿美彈走精去，比賽比了伊是哭甲目屎四淋垂，老師緊共伊安慰講：「仙人拍鼓有時錯，跤步踏差啥人無？」

🗣 Siefn pviax siefn, haixsie Kaau Zethiefn.

仙拚仙，害死猴齊天。

眾仙人互相爭鬥，反而害一旁的孫悟空受到牽連。比喻兩方拼鬥，卻禍延無辜的第三者，亦即殃及池魚。

Oexkux:
🗣 Yn nng angafbor tviaxtvia oankef, zhuopvy khvoax be løh`khix, beq laai taux paikae, bøgigvo soaq ho yn oarnzheq, uxviar si “siefn pviax siefn, haixsie Kaau Zethiefn”.

𪜶兩翁仔某定定冤家，厝邊看袂落去，欲來鬥排解，無疑悟煞予𪜶怨慼，有影是「仙拚仙，害死猴齊天」。

🗣 Siafng ee zng, og kaq bøo laang mng.

雙个旋，惡甲無人問。

頭上有兩個髮旋的人，兇狠到沒人聞問。傳統認為有兩個髮旋的人天性兇，但無相關研究根據。

Oexkux:
🗣 Sioggie korng, “Siafng ee zng, og kaq bøo laang mng.”Goarn siøfti suijieen siafng ee zng, mxkøq y serngte hør, køq cyn uxlang'ieen, ka citkhoarn bøo khøhak kinkix ee kofzar oe torngzøx chiaotaam tø hør.

俗語講：「雙个旋，惡甲無人問。」阮小弟雖然雙个旋，毋過伊性地好，閣真有人緣，共這款無科學根據的古早話當做笑談就好。

🗣 Siangchiuo phø haijii, ciaq zay pexbuo sii.

雙手抱孩兒，才知爸母時。

只有在雙手抱自己小孩時，才能真正體會父母的辛勞。勸人要知道父母的養育之恩，從而孝順父母。

Oexkux:
🗣 Y siaolieen ee sii bexhiao sviu, bøo liawkae pexbuo ee khofsym, køq tviaxtvia ka yn giagvexkøf, tafnkaux y zøx laang pe'buo`aq, ciaq thefhoextiøh “siangchiuo phø haijii, ciaq zay pexbuo sii”ee tøxlie.

伊少年的時袂曉想，無了解爸母的苦心，閣定定共𪜶夯硬篙，等到伊做人爸母矣，才體會著「雙手抱孩兒，才知爸母時」的道理。

🗣 Siawkao zefng boxngkhoxng.

痟狗舂墓壙。

瘋狗撞墓穴。指行事莽撞，行為冒失，未經周全計畫就倉促行事。也引申爭名奪利，指人有利可圖，不顧一切巧取豪奪。

Oexkux:
🗣 Gynaflaang na zao kaq sviw zhvekoong, ka ytøq mngthafng loxng kaq pirnpiarngkiøx, sixtoaxlaang tø e me gyn'ar nafchviu “siawkao zefng boxngkhoxng”, lorng be tviaxtiøh.

囡仔人若走甲傷生狂，共椅桌門窗挵甲乒乓叫，序大人就會罵囡仔若像「痟狗舂墓壙」，攏袂定著。

Oexkux:
🗣 Y siamtiøh u høfkhafng ee sitthaau thafng bau, ah bøo lioxngzar phopaai, hoaq beq zøx tø zøx, bexsw “siawkao zefng boxngkhoxng”afnnef, cincviax si haxm kaq sybølaang thafng pie.

伊䀐著有好空的穡頭通貿，曷無冗早鋪排，喝欲做就做，袂輸「痟狗舂墓壙」按呢，真正是譀甲死無人通比。

🗣 Siawthafm nngx kelafm.

痟貪軁雞籠。

貪得無厭的雞為了吃飼料而鑽進雞籠。昔時農家養雞都採放養的方式，當需宰殺或販售雞隻時，便會將飼料放在籠子內，以誘導雞上門並將其關在其中。勸人千萬不要貪得無厭。

Oexkux:
🗣 Sioggie korng: “Siawthafm nngx kelafm.”Larn beq tharncvii aix zøx zerngtofng thaulo, mxthafng sviuxkorng kviaa phvaylo khaq hør thaxn, soaq laai ciah biefncvipng.

俗語講：「痟貪軁雞籠。」咱欲趁錢愛做正當頭路，毋通想講行歹路較好趁，煞來食免錢飯。

Oexkux:
🗣 Lie mxthafng liaqzurn ka laang zarphiexn hør zoafnciah, “siawthafm nngx kelafm”, zafban e ho kefngzhad zafng`khix.

你毋通掠準共人詐騙好賺食，「痟貪軁雞籠」，早慢會予警察㨑去。

🗣 Siaolieen bexhiao sviu, ciaqlau mxcviaviu.

少年袂曉想，食老毋成樣。

年輕時思慮不周，等到老了生活堪憂。年輕時沒有做好生涯規劃，年老時便會落魄潦倒。意即少壯不努力，老大徒傷悲。用來勉勵人年輕時要有遠見，努力為未來鋪路。

Oexkux:
🗣 Sioggie korng, “Siaolieen bexhiao sviu, ciaqlau mxcviaviu.”Citmar bøo kanghw ma biern hoanlør, na kherng ciaqkhor, khix citgiap hurnliexnpafn siuxhuxn øh kisut, tø biern kviakvix ciaqlau phvae koeajit.

俗語講：「少年袂曉想，食老毋成樣。」這馬無工夫嘛免煩惱，若肯食苦，去職業訓練班受訓學技術，就免驚見食老歹過日。

Oexkux:
🗣 Zhuopvy ee lauxapeq tviaxtvia oarnthaxn kaki “siaolieen bexhiao sviu, ciaqlau mxcviaviu”, seng'oah bøo hør koex, ma bøo thafng ho kviafjii sixsex cidee hør boviu.

厝邊的老阿伯定定怨嘆家己「少年袂曉想，食老毋成樣」，生活無好過，嘛無通予囝兒序細一个好模樣。

🗣 Siaolieen na bøo cidpae gong, loxpvy nar u Iwerngkofng.

少年若無一擺戇，路邊哪有有應公。

若非年少時傻過一次，路邊哪來有應公廟。「有應公」或稱無緣佛、萬善公，是對無主孤魂的尊稱，也指臺灣民間信仰中，收容孤魂的小祠廟，通常不知道主祀者、也沒有神像。引申為勸誡年輕人勿逞血氣之勇，需珍惜自身性命。

Oexkux:
🗣 Siaolienlaang zhofngpong køq hvorkioong, oankef siøphaq køq karchiaf, bogkoaix laang korng, “Siaolieen na bøo cidpae gong, loxpvy nar u Iwerngkofng.”Kaki bøo siøq sveamia, ma aix thex pexbuo siør sviu`leq.

少年人衝碰閣好強，冤家相拍閣較車，莫怪人講：「少年若無一擺戇，路邊哪有有應公。」家己無惜性命，嘛愛替爸母小想咧。

🗣 Sym phvae bøo laang zay, zhuix phvae siong lixhai.

心歹無人知，喙歹上厲害。

心地不好沒人知道，口出惡言最嚴重。重點在後句，告誡人要謹言慎行。

Oexkux:
🗣 Sioggie korng, “Sym phvae bøo laang zay, zhuix phvae siong lixhai.”Kaq laang kofng'oe, hør ia cidkux, phvae ia cidkux, phvayoe maix zhutzhuix, khaq bøo taixcix.

俗語講：「心歹無人知，喙歹上厲害。」佮人講話，好也一句，歹也一句，歹話莫出喙，較無代誌。

Oexkux:
🗣 Mxkoarn lie si tiaw'tii`ee iaqsi teq kwnsngfchiøx, laang korng “sym phvae bøo laang zay, zhuix phvae siong lixhai”, lie kofng'oe hiaq chiezhak, laang thviaf tiøh e bøo hvoahie.

毋管你是刁持的抑是咧滾耍笑，人講「心歹無人知，喙歹上厲害」，你講話遐刺鑿，人聽著會無歡喜。

🗣 Sinbeeng hefng, texzuo keeng.

神明興，弟子窮。

神明香火興旺，信徒便窮困。勸人敬拜神明花費要節制，以免導致生活困窘。

Oexkux:
🗣 Kiamzuie ee phangafphaux zoankog uxmiaa, ti Goansiaumee, tagkef lorng parngphangafphaux kerngsiin, mxkøq laang korng “sinbeeng hefng, texzuo keeng”, yn tak khawzaux tagnii lorng tiøh khay kuyban khof parngphangafphaux.

鹽水的蜂仔炮全國有名，佇元宵暝，逐家攏放蜂仔炮敬神，毋過人講「神明興，弟子窮」，𪜶逐口灶逐年攏著開幾萬箍放蜂仔炮。

Oexkux:
🗣 Zøx laang øq, zøx siin ma si øq, sinbeeng na bøo hefng tø bøo hviuhoea, bøo senglea, sinbeeng tiøh iaw paktor;sinbeeng na hefng`leq? “Sinbeeng hefng, texzuo keeng”, soaq voa laang iaw paktor.

做人僫，做神嘛是僫，神明若無興就無香火、無牲醴，神明著枵腹肚；神明若興咧？「神明興，弟子窮」，煞換人枵腹肚。

🗣 Seng'ix ciah zuie tvy.

誠意食水甜。

只要有誠意光喝水也覺得甜。意思是說誠心誠意對待人，即使只請人喝白開水，喝起來都會是甜的。比喻人和人之間的相處，誠意是最重要的。

Oexkux:
🗣 Peng'iuo siøchviar, naftiøh toa hii toa baq, laang korng “seng'ix ciah zuie tvy”, loxpvitvarar tø ciog høfciah.

朋友相請，哪著大魚大肉，人講「誠意食水甜」，路邊擔仔就足好食。

Oexkux:
🗣 Peng'iuo na laai siøzhoe, simzeeng hvoahie køq jiedzeeng ka y ciauthai, peqkwnzuie laai siøchviar ma bøo iaokirn, laang teq korng “seng'ix ciah zuie tvy”, mxbiern phvaysex.

朋友若來相揣，心情歡喜閣熱情共伊招待，白滾水來相請嘛無要緊，人咧講「誠意食水甜」，毋免歹勢。

🗣 Seng ty giaa zaux, seng kviar put'haux.

倖豬夯灶，倖囝不孝。

寵豬頂灶，寵兒不孝。豬不關好，放任牠自由進出，可能連灶都被豬翻了；小孩子太受寵愛，就不懂得孝順父母。比喻子女要適度管教，不能一味溺愛，否則會不懂得孝順。

Oexkux:
🗣 Hiexntaixlaang gyn'ar svef ciør, lorng ma kortiautiaau, siøhmiaxmia, uxsii tø e thefngseng koeathaau.Laang korng “seng ty giaa zaux, seng kviar put'haux”, hiexntai pexbuo tiøqaix kynkix zai sym.

現代人囡仔生少，攏嘛顧牢牢、惜命命，有時就會寵倖過頭。人講「倖豬夯灶，倖囝不孝」，現代爸母著愛謹記在心。

Oexkux:
🗣 Yn angafbor ciog thviax kviar, gyn'ar zhar beq tih sviar tø ho`y, citmar yn lau`aq sinthea bøo hør, gyn'ar lorng korng bøeeng thafng laai khvoax`yn, uxviar si “seng ty giaa zaux, seng kviar put'haux”.

𪜶翁仔某足疼囝，囡仔吵欲挃啥就予伊，這馬𪜶老矣身體無好，囡仔攏講無閒通來看𪜶，有影是「倖豬夯灶，倖囝不孝」。

🗣 Siøf'huii`ee ciah khiq, cid'chiøh`ee khuxn ie.

燒瓷的食缺，織蓆的睏椅。

燒製瓷器的人，自己用有缺口的碗吃飯；織草蓆的人，捨不得拿草蓆來睡，反而在椅子上睡覺。比喻人為了賺錢或節儉，捨不得用自己製造的好產品，或者故意使用較無市場價值的瑕疵品。

Oexkux:
🗣 Zexng soarnthaau ee zøhsitlaang lorng kerng khaq suie`ee theqkhix be, laau cidkoar por`khix`ee kaki ciah, bogkoaix laang korng, “Siøf'huii`ee ciah khiq, cid'chiøh`ee khuxn ie.”

種蒜頭的作穡人攏揀較媠的提去賣，留一寡脯去的家己食，莫怪人講：「燒瓷的食缺，織蓆的睏椅。」

🗣 Siøme bøo kerng zhuix, siøphaq bøo kerng ui.

相罵無揀喙，相拍無揀位。

吵架時不會選擇講什麼話才適合，打架時不會斟酌挑身體哪個部位打。指一般人在吵架或打架時容易喪失理智，因此任何事情都做得出來。

Oexkux:
🗣 Sioggie korng, “Siøme bøo kerng zhuix, siøphaq bøo kerng ui.”Larn na iekiexn be hah ee sii, mxthafng liammy hoatserngte, ciaq be oafn kaq kafmzeeng phaq'phvae'liao'liao`khix.

俗語講：「相罵無揀喙，相拍無揀位。」咱若意見袂合的時，毋通連鞭發性地，才袂冤甲感情拍歹了了去。

🗣 Siøpwn ciah u zhwn, siøchviuo ciah bøo hun.

相分食有賰，相搶食無份。

飲食互相分享，則綽綽有餘；互相爭搶，反而沒得吃。比喻禮讓則互蒙其利，爭奪則互受其害。

Oexkux:
🗣 Lauxsw beq ka onglaisof pwn ho goarn citpafn ee hagsefng, tø ka “siøpwn ciah u zhwn, siøchviuo ciah bøo hun”ee tøxlie korng ho tagkef zay, suii axn zorng langgiah, løqkhix punphvef, khaq be siøchviuo ciah.

老師欲共王梨酥分予阮這班的學生，就共「相分食有賰，相搶食無份」的道理講予逐家知，隨按總人額，落去分伻，較袂相搶食。

🗣 Siøq hoef lieen phuun, thviax kviar lieen swn.

惜花連盆，疼囝連孫。

愛惜花朵亦會連帶珍惜花盆；疼愛子女，也會連同孫輩一起疼惜。意指疼愛一個人時，也會連帶關愛與其相關的人事物。比喻愛屋及烏。

Oexkux:
🗣 Ahoea zeg “siøq hoef lieen phuun, thviax kviar lieen swn”, mxna siøq zabofkviar, ma ciog thviax goaxswn.

阿火叔「惜花連盆，疼囝連孫」，毋但惜查某囝，嘛足疼外孫。

Oexkux:
🗣 Goarn amar zeeng apaq kaq azeg zøx gyn'ar ee sizun tø ciog thviax`yn, citmar ma cyn siøq goarn hviamoear kaq goarn zekpehhviati, bogkoaix laang korng: “Siøq hoef lieen phuun, thviax kviar lieen swn.”

阮阿媽從阿爸佮阿叔做囡仔的時陣就足疼𪜶，這馬嘛真惜阮兄妹仔佮阮叔伯兄弟，莫怪人講：「惜花連盆，疼囝連孫。」

🗣 Siogmih bøo hør hoex.

俗物無好貨。

便宜沒好貨。指一般人常存有貪小便宜的心態，見到便宜貨，便受低價位誘惑而購買，卻忽略物品本身的品質，導致買到劣質品。

Oexkux:
🗣 Laang teq korng: “Siogmih bøo hør hoex.”Lie iawsi køq kef pie'kaux`pie afnnef khaq sit'zai`laq.

人咧講：「俗物無好貨。」你猶是閣加比較幾間仔按呢較實在啦。

🗣 Siogmih ciah phoax kef.

俗物食破家。

因東西便宜而毫無節制地去採購，容易導致過度消費，拖垮家庭經濟。比喻貪小便宜，反而會造成更大的損失。

Oexkux:
🗣 Pahhoex kongsy tvia e ti niboea phahcied toaxsiogbe, sioggie korng, “Siogmih ciah phoax kef.”Larn mxthafng thamtiøh miqkvia siok tø pviarsveamia bea, naxbøo, sii kaux kehoea e khieliawliao.

百貨公司定會佇年尾拍折大俗賣，俗語講：「俗物食破家。」咱毋通貪著物件俗就拚性命買，若無，時到家伙會去了了。

🗣 Siorngmia bøo pøf, ciah zuie tøf bøo.

相命無褒，食水都無。

算命時如果不說些讚美客人的話，連水都沒得喝。說明江湖術士的話不可盡信，也勸人要多說好話。

Oexkux:
🗣 Miaxlie ee taixcix si obixnzhat køq bøo laang bad, khvoarmiaxsiefn ka laang sngrmia lorng cyn zaiviar citlø zhutthaau, e kef korng kuykuo'ar høfoe ho langkheq hvoahie, afnnef yn ciaq u cvii thafng thaxn, mxciaq korng “siorngmia bøo pøf, ciah zuie tøf bøo”, khvoarmiaxsiefn tø si oafkhøx citpo teq zoarn'ciah`ee.

命理的代誌是烏面賊閣無人捌，看命仙共人算命攏真知影這號齣頭，會加講幾句仔好話予人客歡喜，按呢𪜶才有錢通趁，毋才講「相命無褒，食水都無」，看命仙就是倚靠這步咧賺食的。