收瀾收予焦，予你生一个有𡳞脬。

收涎收乾淨，讓你生一個男丁。「收瀾」是民間習俗，在嬰兒滿四個月時舉辦之儀式，目的是希望解決嬰兒流口水的毛病；「𡳞脬」是男性的生殖器，泛指男丁。此諺為嬰兒滿四個月時，長輩們替嬰兒收口水時所講的吉祥話，期望嬰兒的母親來年能添丁。

Oexkux:
🗣 Siøfmoe zøx six goeqjit ee sii, amar eng sopviar ti y ee zhuiekag nar koeq zhuix`lie nar liam: “Siunoa siw ho taf, ho lie svef cidee u laxnphaf.”

小妹做四月日的時，阿媽用酥餅佇伊的喙角那刮喙裡那唸：「收瀾收予焦，予你生一个有𡳞脬。」

🗣 Siunoa siulixli, menii ciøf siøfti.

收瀾收離離，明年招小弟。

收口水收得乾乾淨淨，明年又可以招來一個小弟弟。臺灣民間習俗，嬰兒出生滿四個月的那一天，要舉行「收瀾」（收涎）的儀式，當天用紅線把 12 塊、24 塊或 48 塊中間有圓孔的小餅乾串在嬰兒頸上，由母親抱著到親友鄰居處走動，親友掰下一塊口酥餅，在嬰兒嘴邊擦一、兩下，口中就一邊唸著這句吉祥話。過去農業社會重男輕女，故以「招小弟」祝福其家可再添男丁。

Oexkux:
🗣 Larn ee hongsiok korng, “Siunoa siulixli, menii ciøf siøfti.”Suijieen si cyn simseg, mxkøq tioxnglamkhinlie khaq bøo hah sitai. Na ka citkux oe kayzøx “Siunoa siulixli, gyn'ar hør iøchi.”Afnnef karm m si khaq thøx'toxng`leq?

咱的風俗講：「收瀾收離離，明年招小弟。」雖然是真心適，毋過重男輕女較無合時代。若共這句話改做「收瀾收離離，囡仔好育飼。」按呢敢毋是較妥當咧？

🗣 Sw laang m sw tin, sw tin phvaykhvoax bin.

輸人毋輸陣，輸陣歹看面。

個人與他人比賽可以輸，但團體比賽不能落在最後面；參加團體賽若輸了，大家面子也掛不住。一般用來提振團體士氣，鼓勵人奮勇向前，勿落人後。

Oexkux:
🗣 Citpae ee pysaix, laang tøf ka larn chiaxng'sviaf`aq, korng beq ho larn sw kaq ciog phvae'khvoax`ee, “sw laang m sw tin, sw tin phvaykhvoax bin”, larn tiøh khaq minoa zhaw'lien`leq, khaq be løqlangezhuix.

這擺的比賽，人都共咱唱聲矣，講欲予咱輸甲足歹看的，「輸人毋輸陣，輸陣歹看面」，咱著較綿爛操練咧，較袂落人的喙。

🗣 Suie bae bøo pie cie, aix`tiøh khaq zharm sie.

媠䆀無比止，愛著較慘死。

漂亮與否無從比較起，一旦愛上了比死亡還要悽慘。只要兩情相悅，一旦愛上一個人，就會不計美醜，愛得死心塌地。

Oexkux:
🗣 Suijieen Abie yn afng ea køq toaxkhof, haglek ma pheng Abie khaq ke, mxkøq y iawsi cyn aix yn afng, in'ui “suie bae bøo pie cie, aix`tiøh khahzharm sie”.

雖然阿美𪜶翁矮閣大箍，學歷嘛並阿美較低，毋過伊猶是真愛𪜶翁，因為「媠䆀無比止，愛著較慘死」。

🗣 Taioaan cvii, ym khabak.

臺灣錢，淹跤目。

臺灣地上的錢多到蓋住腳踝。比喻臺灣遍地錢財、容易謀生。

Oexkux:
🗣 Khahzar u ciog ze laang chiensinbaxnkhor tuix Tngsvoaf toxhae laai Taioaan, tø si in'ui “Taioaan cvii, ym khabak”ee ienkox.

較早有足濟人千辛萬苦對唐山渡海來臺灣，就是因為「臺灣錢，淹跤目」的緣故。

🗣 Taixkahkhef paxng zhawhii──u zurn bøo.

大甲溪放草魚──有準無。

在大甲溪邊流放魚苗，一旦放出去就不會回頭，形容東西離手了，就再也不會回來。比喻肉包子打狗，有去無回。

Oexkux:
🗣 Agi si bøhexbøløh ee chitthøar, luie cvii si m bad heeng`laang`koex, lie tiøqaix u hid khoarn “Taixkahkhef paxng zhawhii──u zurn bøo”ee arnsngx, ciaq thafng theh cvii khix ciøq`y.

阿義是無下無落的𨑨迌仔，壘錢是毋捌還人過，你著愛有彼款「大甲溪放草魚──有準無」的按算，才通提錢去借伊。

🗣 Tarn mih øq kaux, tarn laang khoaix lau.

等物僫到，等人快老。

等東西很難等到，等人容易變老。比喻等待的時間很難熬；或指等待的東西往往落空。

Oexkux:
🗣 Siøtarn ee sizun, tarn ee laang tarn kaq simkonghoeftøh, ho laang tarn`ee soaq khvoakhvoa'ar laai, laai kaoui ia bøo hoexsitlea.Laang korng “tarn mih øq kaux, tarn laang khoaix lau”, ciongsimpysym, zwnsii khaq hør`laq.

相等的時陣，等的人等甲心狂火著，予人等的煞寬寬仔來，來到位也無會失禮。人講「等物僫到，等人快老」，將心比心，準時較好啦。

Oexkux:
🗣 Sngr zoafpaai ee sii, theqtiøh hør paai`ee tø wnsim'ar tarn, mxkøq “tarn mih øq kaux, tarn laang khoaix lau”, tviaxtvia si padlaang sefng kaux, kaki soaq khvoaru ciaqbøo kannaf giexn.

耍紙牌的時，提著好牌的就穩心仔等，毋過「等物僫到，等人快老」，定定是別人先到，家己煞看有食無干焦癮。

🗣 Thaai kef kax kaau.

刣雞教猴。

殺雞給猴子看。比喻用懲罰一個人的辦法來警告別的人。

Oexkux:
🗣 Hagbu zwjim uixtiøh beq “thaikekarkaau”, tø ka thauzawøh ee hagsefng kiøx khykhix sulexngtaai karsi ho zernglaang khvoax.

學務主任為著欲「刣雞教猴」，就共偷走學的學生叫起去司令台教示予眾人看。

🗣 Thagzheq, thak ti khaciahphviaf.

讀冊，讀佇尻脊骿。

讀書本應記在腦子裡，卻讀到背脊上。嘲諷人讀死書，食古不化。

Oexkux:
🗣 Ciahni kafntafn ee buxntee, lie cidee taixhagsefng soaq m zay beq afnzvoar kaykoad, kafmsi “thagzheq, thak ti khaciahphviaf”?

遮爾簡單的問題，你一个大學生煞毋知欲按怎解決，敢是「讀冊，讀佇尻脊骿」？

Oexkux:
🗣 Yn ka efngkoex ti haghau øh`tiøh ee tieseg exnglaai zøx phvae taixcix, cviarkarng si “thagzheq, thak ti khaciahphviaf”.

𪜶共往過佇學校學著的智識用來做歹代誌，正港是「讀冊，讀佇尻脊骿」。

🗣 Thaxn ia tiøh thaxn, ciah ia tiøh ciah.

趁也著趁，食也著食。

錢也得賺，飯也得吃。勸人不要只會賺錢，也要懂得花錢吃飯，照顧身體。

Oexkux:
🗣 Lie mxthafng afnnef tidtit zøx, lorng bøo hiøhkhuxn, suiborng lirn taw citzam'ar khaq khurnlaan, mxkøq “thaxn ia tiøh thaxn, ciah ia tiøh ciah”, ma aix thengkhuxn ciaqpng, ciaq u khuielat thafng zøx khangkhoex.

你毋通按呢直直做，攏無歇睏，雖罔恁兜這站仔較困難，毋過「趁也著趁，食也著食」，嘛愛停睏食飯，才有氣力通做工課。

🗣 Tharncvii iuo sox, sveamia aix kox.

趁錢有數，性命愛顧。

賺錢數量有限，生命要照顧。意思是賺錢要適可而止，身體健康更為重要，不可為了多賺錢而不顧生命。

Oexkux:
🗣 Goanpurn kvoaf bøo hør tø aix zuoix, mxthafng uixtiøh tharncvii pviax kaq bømebøjit, ciaq be phahphvae sinthea, laang korng, “Tharncvii iuo sox, sveamia aix kox.”Thaxn e tiøh ma aix ciah e tiøh ciaq uxhau.

原本肝無好就愛注意，毋通為著趁錢拚甲無暝無日，才袂拍歹身體，人講：「趁錢有數，性命愛顧。」趁會著嘛愛食會著才有效。

Oexkux:
🗣 Larn na sisioong sviuxtiøh “tharncvii iuo sox, sveamia aix kox”citkux oe, tø khaq zaiviar aix ciaokox kaki ee sinthea.

咱若時常想著「趁錢有數，性命愛顧」這句話，就較知影愛照顧家己的身體。

🗣 Thaau siøsiøf, boea lefnglerng.

頭燒燒，尾冷冷。

剛開始的時候興沖沖，到了後來卻提不起勁。指人做事情只有三分鐘熱度，沒辦法貫徹始終。

Oexkux:
🗣 Zøx taixcix na putsii “thaau siøsiøf, boea lefnglerng”, beq sengkofng tø khaq øq`loq!

做代誌若不時「頭燒燒，尾冷冷」，欲成功就較僫囉！

🗣 Thaau toa bin suohofng, tor toa kizaai oong.

頭大面四方，肚大居財王。

指頭大大的、臉形良好又勻稱、肚子大的人，有大富之相。這是命相學的說法，未必可信。

Oexkux:
🗣 Lie khvoax y “thaau toa bin suohofng, tor toa kizaai oong”, siorngmiaxsiefn korng y lexngjidar tviaxtiøh si toaxhuotoaxkuix ee laang.

你看伊「頭大面四方，肚大居財王」，相命仙講伊另日仔定著是大富大貴的人。

🗣 Thviaf bor zhuix, toa huokuix.

聽某喙，大富貴。

聽老婆的話，可以大富大貴。期勉丈夫適時尊重、接納太太的意見，必可避免爭吵的發生。

Oexkux:
🗣 U laang zhefngkaux cidee høfgiaqlaang høfgiah ee piekoad, y chiørchiørar korng, “Thviaf bor zhuix, toa huokuix.Kateeng høhaai, suxgiap zuxjieen khaq e sengkofng.”

有人請教一个好額人好額的祕訣，伊笑笑仔講：「聽某喙，大富貴。家庭和諧，事業自然較會成功。」

🗣 Thvikofng thviax goxnglaang.

天公疼戇人。

老天爺疼惜憨厚的人。實事求是、按部就班者，往往得到上天的眷顧。

Oexkux:
🗣 Y laang goxngtit, uxntoo soaq cviaa suxnsi, uxviar si “thvikofng thviax goxnglaang”.

伊人戇直，運途煞誠順序，有影是「天公疼戇人」。

🗣 Thviterng Thvikofng, texe bwkuxkofng.

天頂天公，地下母舅公。

天上地位最崇高的就屬玉皇大帝，而人世間則是舅舅。這說明了在臺灣舅舅的地位崇高，故每逢子女婚嫁時或有舅舅會出席的場合，都要請他坐大位。

Oexkux:
🗣 Laang korng: “Thviterng Thvikofng, texe bwkuxkofng.”Lie tuix lirn aku aix khaq zwn'tiong`leq, auxpae zhoaxbor tiøh ngx y ze toaxui, ciaq thernghør khuy'tøq`neq.

人講：「天頂天公，地下母舅公。」你對恁阿舅愛較尊重咧，後擺娶某著向伊坐大位，才聽好開桌呢。

🗣 Ty m toa, toa tuix kao khix.

豬毋大，大對狗去。

用心飼養的豬養不肥，卻把不需要養肥的狗養肥了。比喻事情發展不符合自己的期許。以前重男輕女的社會裡，常用來描述兒子不上進，女兒卻力爭上游的情況。

Oexkux:
🗣 Af'zaai`ar he cyn ze khofsym kaq sofhuix teq ka yn hauxsvef zaipoee, ngrbang y extaxng zhutthauthvy, kietkiok y mxna taixhak thak bøo pitgiap, køq beq ciah m thøfthaxn, tientøx si yn zabofkviar khaq u zaizeeng, giefnkiuosor tøf iawboe zhutgiap, kuyna kefng kongsy tø siøzvef beq ka chviax, Af'zaai`ar oarnthaxn korng, “Ty m toa, toa tuix kao`khix.”

阿財仔下真濟苦心佮所費咧共𪜶後生栽培，向望伊會當出頭天，結局伊毋但大學讀無畢業，閣欲食毋討趁，顛倒是𪜶查某囝較有才情，研究所都猶未出業，幾若間公司就相爭欲共倩，阿財仔怨嘆講：「豬毋大，大對狗去。」

🗣 Tisiu mxtat kawsiu urn.

豬岫毋值狗岫穩。

豬舍不如狗窩安穩。意即金窩銀窩不如自己的狗窩。

Oexkux:
🗣 Larn citmar citkefng zhux sex borng sex, mxkøq toax tiøh cviaa koarnsix, laang korng: “Tisiu mxtat kawsiu urn.”Lie maix køq sviuxbeq khay toa cvii khix bea lauafzhux.

咱這馬這間厝細罔細，毋過蹛著誠慣勢，人講：「豬岫毋值狗岫穩。」你莫閣想欲開大錢去買樓仔厝。

🗣 Tithaau m kox, kox ahbør nng.

豬頭毋顧，顧鴨母卵。

祭拜鬼神時不顧豬頭，只守著鴨蛋。比喻放著重要的事不管，反而去管次要的。

Oexkux:
🗣 Thaukelaang siong iaokirn ee khangkhoex si koafnlie kongsy ee giabbu, mxthafng “tithaau m kox, kox ahbøfnng”, kannaf teq cimciog paxnkongseg ee hoef u ag'zuie`bøo?

頭家人上要緊的工課是管理公司的業務，毋通「豬頭毋顧，顧鴨母卵」，干焦咧斟酌辦公室的花有沃水無？

🗣 Tithauphoee zvoax bøo iuu.

豬頭皮炸無油。

豬頭皮炸不出油來。用來比喻一個人不具真才實學，好吹牛，所言空洞，說不出大道理。

Oexkux:
🗣 Na beq ho laang e kah'ix thviaf lie kofngkor, sioxngbøo, paktoflai ma aix u køf, chviu lie afnnef korng bøo svaf nng kux oe tø korng be løh`khix, cincviax si “tithauphoee zvoax bøo iuu”.

若欲予人會佮意聽你講古，上無，腹肚內嘛愛有膏，像你按呢講無三兩句話就講袂落去，真正是「豬頭皮炸無油」。