恬恬食三碗公半。

靜靜的吃掉三碗公半。形容悶聲不響、莫測高深的人，平時不動聲色，不為人所注意，但卻會做出令人意想不到的事情。

Oexkux:
🗣 Y khvoax tiøh cyn piesux, peng'iuo sviuxkorng y e kaubøo lwpeng'iuo, sviaflaang zay y “tiaxmtiam ciah svaf voafkofng pvoax”, tagkef iawkøq si zabitkøf, y tø ykefng beq paxng'thiab'ar`aq.

伊看著真閉思，朋友想講伊會交無女朋友，啥人知伊「恬恬食三碗公半」，逐家猶閣是十一哥，伊就已經欲放帖仔矣。

🗣 Teksid Thoftixkofng, chi bøo kef.

得失土地公，飼無雞。

得罪土地公，則養不活雞。比喻做事若得罪有權勢或影響力的要角，恐將吃不完兜著走。

Oexkux:
🗣 Kiøx lie maix kaq zhuozuo siøjiarng, lie kankan'ar beq, citmar zhuozuo ee tiarmbin bøo aix zof`lie, citsviaf “teksid Thoftixkofng, chi bøo kef ”`aq`hvoq.

叫你莫佮厝主相嚷，你干干仔欲，這馬厝主的店面無愛租你，這聲「得失土地公，飼無雞」矣乎。

Oexkux:
🗣 Larn cidee tan'ui ee zwkoarn siong aix laang phothvar, lie tuo laai ciaf sioxnghør kaq y siør pvoaa'noar`pvoaa, laang teq korng: “Teksid Thoftixkofng, chi bøo kef.”Naxbøo, y be ho lie hiaq høfciaqkhuxn.

咱這个單位的主管上愛人扶挺，你拄來遮上好佮伊小盤撋一下，人咧講：「得失土地公，飼無雞。」若無，伊袂予你遐好食睏。

🗣 Tefngkarng u miasviaf, exkarng siong zhutmiaa.

頂港有名聲，下港上出名。

在臺灣北部有名氣，在臺灣南部最出名。形容聲名遠播，遠近馳名。

Oexkux:
🗣 Goarn Pintofng ee oarngzhngx thafng korng si “tefngkarng u miasviaf, exkarng siong zhutmiaa”, ciah`koex ee laang lorng ølør kaq e takcih.

阮屏東的烏甕串通講是「頂港有名聲，下港上出名」，食過的人攏呵咾甲會觸舌。

🗣 Tefngsy koarn exsy, tithaau koarn purnky.

頂司管下司，鋤頭管畚箕。

上司管束下屬，鋤頭牽制畚箕。形容社會有階層，一層管一層，分層管理，層層節制。

Oexkux:
🗣 Lie twkhaisie sioxngpafn, kaizaan khaq ke, laang korng lie tø aix thviaf, mxthafng bexkietid “tefngsy koarn exsy, tithaau koarn purnky”.

你拄開始上班，階層較低，人講你就愛聽，毋通袂記得「頂司管下司，鋤頭管畚箕」。

🗣 Tviutii bøo siqpurn.

張持無蝕本。

凡事謹慎小心不會吃虧。形容遇事謹慎處理，有益無害。

Oexkux:
🗣 Zøx taixcix mxthafng zhvekoong, beq afnzvoar zøx khaq hør, sviu ho zhengzhør ciaq khaisie cirnheeng, in'ui “tviutii bøo siqpurn”.

做代誌毋通生狂，欲按怎做較好，想予清楚才開始進行，因為「張持無蝕本」。

🗣 Tngxcviuo zapof zøx sviuokafng, tngxcviuo zabor ciuo khangpaang.

斷掌查埔做相公，斷掌查某守空房。

斷掌的男子可以做大官，斷掌的女子會獨守空房。意為男子斷掌則個性比較果斷，所以適合當官；女子斷掌是剋夫命，會守寡。「斷掌」是指手掌有一條橫向貫穿手掌的掌紋，按命相言，斷掌者乃有決斷力、能幹之人，這種舊思維是以往命相師的無稽之談，不宜輕信。

Oexkux:
🗣 Sioggie korng, “Tngxcviuo zapof zøx sviuokafng, tngxcviuo zabor ciuo khangpaang. ”Yzar citkux bøviafbøciaq ee oe, haixsie cidkoar tngxcviuo ee zaboflaang, cincviax si befmia.

俗語講：「斷掌查埔做相公，斷掌查某守空房。」以早這句無影無跡的話，害死一寡斷掌的查某人，真正是買命。

🗣 Tørtiaux bøo bagzuie.

倒吊無墨水。

把人倒掛卻連一滴墨水都流不出來。形容人沒學問，胸無點墨。

Oexkux:
🗣 Lie mxthafng kiørsi hid ee siaolienkef “tørtiaux bøo bagzuie ”`neq, laang y thagzheq cviaa minoa, hagbun paftvi køq be zhaophuix.

你毋通叫是彼个少年家「倒吊無墨水」呢，人伊讀冊誠綿爛，學問飽滇閣袂臭屁。

🗣 Tøhterng ciaqpng, tøhkhaf parngsae.

桌頂食飯，桌跤放屎。

人家請你吃飯，卻在桌底下排泄糞便。引申為受人恩惠而不知報答，反而做出對不起恩人的事情。

Oexkux:
🗣 Hid kefng kongsy ee thaukef chviax Aiorng zøx sinløo, mxna zhoaan svaf tngx ho y ciah, goeqhong ma u ciaokhykafng hoad, Aiorng soaq siekex ka laang korng citkefng kongsy cviaa tarngsngf, cviarkarng si “tøhterng ciaqpng, tøhkhaf parngsae”.

彼間公司的頭家倩阿勇做辛勞，毋但攢三頓予伊食，月俸嘛有照起工發，阿勇煞四界共人講這間公司誠凍霜，正港是「桌頂食飯，桌跤放屎」。

🗣 Zapof ia tiøh thviax, zabor ia tiøh chviaa.

查埔也著疼，查某也著晟。

勸人養兒不可重男輕女，不管是男孩或女孩都要一樣疼惜扶養。

Oexkux:
🗣 Hiexnzhwsii zøx laang pe'buo`ee, aix u “zapof ia tiøh thviax, zabor ia tiøh chviaa”ee koanliam, siefn tøf mxthafng toaxseasym, khaq biern ho kviafjii sixsex oarnthaxn be soaq.

現此時做人爸母的，愛有「查埔也著疼，查某也著晟」的觀念，仙都毋通大細心，較免予囝兒序細怨嘆袂煞。

🗣 Zapokviar tid zhanhngg, zabofkviar tid keazngf.

查埔囝得田園，查某囝得嫁粧。

兒子分得家產，女兒得到嫁粧。早期臺灣家庭財產分配的傳統做法，在父母過世後，田宅等不動產由兒子繼承，女兒則是出嫁時給嫁粧。

Oexkux:
🗣 Hiexnzhwsii kafngkiux liofngsexng pengterng, hauxsvef kaq zabofkviar ee khoanli lorng kaxngkhoarn, hid khoarn “zapokviar tid zhanhngg, zabofkviar tid keazngf”ee kuxle, tvaf lorng thex'sii`aq.

現此時講究兩性平等，後生佮查某囝的權利攏仝款，彼款「查埔囝得田園，查某囝得嫁粧」的舊例，今攏退時矣。

🗣 Zaizwsiu svaf ji zoaan.

財子壽三字全。

錢財、子女、長壽三項都齊全。用來表示一個人樣樣俱足，幸福美滿。

Oexkux:
🗣 Lie uxviar cyn høfmia, “zaizwsiu svaf ji zoaan”, ho laang uxkaux hym'sien`ee`laq!

你有影真好命，「財子壽三字全」，予人有夠欣羨的啦！

🗣 Zaixsvef cidliap tau, khaq viaa syliao paix tithaau.

在生一粒豆，較贏死了拜豬頭。

父母健在的時候吃兒女孝敬的一顆豆子，勝過去世後兒女才以豬頭來祭拜。提醒人行孝要及時；又指死後子女以盛大喪禮祭拜，雖是風光，卻不如父母在生時略盡奉養之責，只有生前奉養才是真的孝順。傳統禮俗，父母去世時，要準備豬頭做祭拜的大牲禮。

Oexkux:
🗣 Cyn ze laang lorng korng, tafnkaux sengkofng tharntoaxcvii, tø exsae ho pexbuo koex hør jidcie, mxkøq mxthafng bexkietid “zaixsvef cidliap tau, khaq viaa syliao paix tithaau”, pengsiongsii khaq ciap tngflaai ciaokox pexbuo khaq iaokirn.

真濟人攏講，等到成功趁大錢，就會使予爸母過好日子，毋過毋通袂記得「在生一粒豆，較贏死了拜豬頭」，平常時較捷轉來照顧爸母較要緊。

🗣 Zabjixgoeh ciah zhaethaau, laggoeh ciaq tngfsaux.

十二月食菜頭，六月才轉嗽。

十二月時吃了蘿蔔，到了隔年六月才咳嗽。指人反應遲鈍，事過境遷才做出反應。

Oexkux:
🗣 Goar korng ee chiørkhoef koex pvoax tiarm'zefng`aq, y kaux citmar ciaq zaiviar thafng chiøx, cincviax si “zabjixgoeh ciah zhaethaau, laggoeh ciaq tngfsaux”.

我講的笑詼過半點鐘矣，伊到這馬才知影通笑，真正是「十二月食菜頭，六月才轉嗽」。

🗣 Zabji svesviux pviethaothaux.

十二生相變透透。

各種不同的職業都嘗試遍了。形容一個人經常更換職業，沒有定性，難有成就。

Oexkux:
🗣 Y zøx thaulo bøo texngsexng, “zabji svesviux pviethaothaux”, bogkoaix tak hang tøf zøx be seeng.

伊做頭路無定性，「十二生相變透透」，莫怪逐項都做袂成。

🗣 Zap kviar zap sinpu, zhwn cidee lau koafhu.

十囝十新婦，賰一个老寡婦。

十個兒子娶了十個媳婦，卻留下一個年老守寡的媽媽沒人照料。形容兒子大了各自成家，年老守寡的母親卻無人願意照顧。

Oexkux:
🗣 Ahog cirm`ar ee hauxsvef lorng zhoaxbor svef'kviar`aq, lauxafng koeasyn liawau, hauxsvef sinpu suilaang bøeeng suxgiap, kox gyn'ar, y soaq tiøh kaki cidee laang seng'oah, cincviax si “zap kviar zap sinpu, zhwn cidee lau koafhu”.

阿福嬸仔的後生攏娶某生囝矣，老翁過身了後，後生新婦隨人無閒事業、顧囡仔，伊煞著家己一个人生活，真正是「十囝十新婦，賰一个老寡婦」。

🗣 Zabliam takef zhud banphoee sinpu.

雜唸大家出蠻皮新婦。

婆婆嘮叨久了，媳婦就不在乎責罵。意即有嘮叨的長輩或上司，就會有頑固不化的晚輩或部屬。

Oexkux:
🗣 Thaukef tviaxtvia cidky zhuix seqseqliam, mxkøq “zabliam takef zhud banphoee sinpu”, kuo`laai exkhachiwlaang lorng baa'pix`khix`aq, bøo teq ka y sirntao.

頭家定定一支喙踅踅唸，毋過「雜唸大家出蠻皮新婦」，久來下跤手人攏麻痺去矣，無咧共伊信篤。

🗣 Zap zvae zhunzhud, bøo pvee tngg.

十指伸出，無平長。

十根手指頭伸出來，長短也不一樣。勸誡為人子女者，若是覺得父母有時對待子女厚此薄彼、有所不公，不要過於在意。因為這是很自然的現象，就像十根手指頭長在同一個身體上，但長度卻都不一樣。

Oexkux:
🗣 Y zofngsi oarnthaxn yn pexbuo khaq ui siøfti, laang teq korng: “Zap zvae zhunzhud, bøo pvee tngg.”Sixtoaxlaang bølun afnzvoar zøx, kekiarm tøf e ho kviafjii sixsex kafmkag bøo kongpvee.

伊總是怨嘆𪜶爸母較為小弟，人咧講：「十指伸出，無平長。」序大人無論按怎做，加減都會予囝兒序細感覺無公平。

🗣 Zap zhuix kao khazhngf.

十喙九尻川。

十張嘴九個屁股。「十喙」諧音「雜喙」，「九尻川」諧音「狗尻川」，比喻人多嘴雜，個個像在放狗屁。

Oexkux:
🗣 Larn zøx taixcix aix zwsimtvia, laang korng “zap zhuix kao khazhngf”, na beq suxsuxhaxnghang lorng thviaf laang ee iekiexn, taixcix tø lorng zøx be seeng.

咱做代誌愛主心定，人講「十喙九尻川」，若欲事事項項攏聽人的意見，代誌就攏做袂成。

Oexkux:
🗣 Goarn kuy pafn phahsngx beq khix lyheeng, u laang beq khix Taitafng, u laang beq khix Phveoo, zernglaang “zap zhuix kao khazhngf”, bøhoatto tviaxtiøh, boefau kuikhix thiukhaw laai koatteng.

阮規班拍算欲去旅行，有人欲去臺東，有人欲去澎湖，眾人「十喙九尻川」，無法度定著，尾後規氣抽鬮來決定。

🗣 Ze hof cviax, tid laang thviax.

坐予正，得人疼。

坐姿端正，才會惹人疼愛。本為嫁娶儀式時，媒人、長輩常會說的吉祥話。

Oexkux:
🗣 Piexnna twtiøh keazhoa ee sii, larn tviaxtvia e thviatiøh moelangpøo korng “ze hof cviax, tid laang thviax” ee høfoe laai ciok'hog sinlaang.

便若拄著嫁娶的時，咱定定會聽著媒人婆講「坐予正，得人疼」的好話來祝福新人。

Oexkux:
🗣 Lauxsw sioxngkhøx tvia kax goarn korng “ze hof cviax, tid laang thviax”, si hibang hagsefng gyn'ar ti kaoseg sioxngkhøx aix ze hof siecviax, naxbøo, e ho laang phvae irnsiong.

老師上課定教阮講「坐予正，得人疼」，是希望學生囡仔佇教室上課愛坐予四正，若無，會予人歹印象。

🗣 Zhaix thaang ciah zhaix, zhaekhaf sie.

菜蟲食菜，菜跤死。

菜蟲吃菜葉，死於菜株下。勸人勿作奸犯科，否則最後終將玩火自焚。

Oexkux:
🗣 Phvaylo mxthafng kviaa, hiauhexngtai mxthafng zøx, naxbøo, “zhaethaang ciah zhaix, zhaekhaf sie”, bøo hør soahboea.

歹路毋通行，僥倖代毋通做，若無，「菜蟲食菜，菜跤死」，無好煞尾。