喙脣皮相款待。

光用嘴巴說些體面話互相招待。比喻人只是口頭上敷衍，並非真心幫助。

Oexkux:
🗣 Zernglaang phø cviaa toa ee ngrbang khix zhoe y taosvakang, bøgigvo y kannaf “zhuietunphoee siøf khoafnthai ”niaxnia, cincviax ho laang kafmkag zhaa khaq lerng zaux.

眾人抱誠大的向望去揣伊鬥相共，無疑悟伊干焦「喙脣皮相款待」爾爾，真正予人感覺柴較冷灶。

🗣 Zhwn boong phagsie kuie, ha boong zørtoaxzuie.

春雺曝死鬼，夏雺做大水。

春天起霧曬死鬼，夏天起霧鬧水災。此為前人經過長期觀察、累積經驗而來的氣象諺語。春天早晨若大霧籠罩，濕氣很重，霧氣一旦散開後就會是大晴天甚至是大熱天；夏天早晨若大霧籠罩，白天時空氣對流旺盛下，暖空氣上升，容易形成大雷雨甚至造成水災。

Oexkux:
🗣 Sioggie korng, “Zhwn boong phagsie kuie, ha boong zørtoaxzuie. ”Zef si lau zofsiefn ee kenggiam taam.Hiexntai siaxhoe u khiesioxngkiok, pie ciaee oe køhkhaq khøhak, extaxng theqlaai kiafmgiam citkoar oe ee zerngkhaksexng.

俗語講：「春雺曝死鬼，夏雺做大水。」這是老祖先的經驗談。現代社會有氣象局，比遮的話閣較科學，會當提來檢驗這寡話的正確性。

🗣 Zhunthvy auxbwbin, beq piexn cidsikafn.

春天後母面，欲變一時間。

春天繼母臉，要變一剎那。以人前人後表現截然不同的繼母形容春季的天氣多變。舊時代，繼母給人的形象都很差，對待繼子繼女，人前慈愛，人後虐待，因此被用來形容春天的天氣。

Oexkux:
🗣 Laang korng, “Zhunthvy auxbwbin, beq piexn cidsikafn.” Kinnii ee zhunthvy tø chviu afnnef, liammy kvoaa, liammy joah.

人講：「春天後母面，欲變一時間。」今年的春天就像按呢，連鞭寒、連鞭熱。

Oexkux:
🗣 Kinafjit, ezayar kvoaa, beq taux ee sii joah, expof løh hoxmng'ar, ho goarn kafmsiuxtiøh “zhunthvy auxbwbin, beq piexn cidsikafn ee" thvikhix.

今仔日，下早仔寒，欲晝的時熱，下晡落雨毛仔，予阮感受著「春天後母面，欲變一時間」的天氣。

🗣 Ciah bie m zay bie kex.

食米毋知米價。

吃米飯不曉得米的價錢。形容只知享受，不知生活疾苦的人。

Oexkux:
🗣 Cidliap piexntofng thaxn laang zap khof giin, køq khix ho laang hiaam korng sviw kuix, cincviax si“ciah bie m zay bie kex”.

一粒便當趁人十箍銀，閣去予人嫌講傷貴，真正是「食米毋知米價」。

Oexkux:
🗣 Goarn taw ee svaf tngx lorng goar teq hoadløh, goarn afng kaq gyn'ar lorng kannaf zaiviar thafng ciah, uxsii køq e hiaam bøo hør'liau`ee thafng paix gezøsiin, cyn cviax si “ciah bie m zay bie kex”.

阮兜的三頓攏我咧發落，阮翁佮囡仔攏干焦知影通食，有時閣會嫌無好料的通拜牙槽神，真正是「食米毋知米價」。

🗣 Ciah bøo svaf pea erngzhaix, tø beq cviu sethiefn.

食無三把蕹菜，就欲上西天。

吃不到三把空心菜，就妄想可以上西天了。諷刺人不肯腳踏實地，妄想一步登天。

Oexkux:
🗣 Abeeng khuitiaxm zørsenglie u tharntiøh cidtiafm'ar cvii, tø sviuxbeq ciøq cvii khuy liensøftiaxm, yn bor kirn ka toxng korng, lie mxthafng “ciah bøo svaf pea erngzhaix, tø beq cviu sethiefn”.

阿明開店做生理有趁著一點仔錢，就想欲借錢開連鎖店，𪜶某緊共擋講，你毋通「食無三把蕹菜，就欲上西天」。

🗣 Ciah hii ciah baq, ia tiøh zhaix kaq.

食魚食肉，也著菜佮。

吃魚吃肉，也要兼吃蔬菜。表示飲食要均衡身體才會健康。

Oexkux:
🗣 Chviaflangkheq toaxhitoaxbaq cyn phongphaix, mxkøq laang teq korng, “Ciah hii ciah baq, ia tiøh zhaix kaq.”Naxbøo, eng'iorng bøo pengkyn, khietøx hai.

請人客大魚大肉真豐沛，毋過人咧講：「食魚食肉，也著菜佮。」若無，營養無平均，去倒害。

🗣 Ciah hør taux siøpøx.

食好鬥相報。

吃到好東西，對外廣為介紹。引申為若有好東西，大家會口耳相傳。

Oexkux:
🗣 Taioaan ee onglaisof, in'ui tagkef “ciah hør taux siøpøx”, citmar ykefng cviazøx koankongkheq siong aix bea ee tarn'lo`aq.

臺灣的王梨酥，因為逐家「食好鬥相報」，這馬已經成做觀光客上愛買的等路矣。

🗣 Ciah kef, e khykef;ciah jiuhii, svef gyn'ar hør iøchi.

食雞，會起家；食鰇魚，生囡仔好育飼。

吃雞，會使家道興盛；吃魷魚，生下來的小孩容易養育。借諧音的吉祥話，說出心中的祝福。搬新家、結婚、生子、宴會時皆可以使用。

Oexkux:
🗣 Kofzar keazhoa ee hongsiok cviaa simseg, sinniuu armtngx aix ti pangkefng laixtea ciah, høfmiaxpøo phaang kuyhang'ar pngxzhaix jip`laai, u kebaq, jiuhii, køq e korng høfoe, “Ciah kef, e khykef;ciah jiuhii, svef gyn'ar hør iøchi.”Ho sinniuu cyky kiafm ciok'hø.

古早嫁娶的風俗誠心適，新娘暗頓愛佇房間內底食，好命婆捀幾項仔飯菜入來，有雞肉、鰇魚，閣會講好話：「食雞，會起家；食鰇魚，生囡仔好育飼。」予新娘止飢兼祝賀。

🗣 Ciaqkirn lorngphoax voar.

食緊挵破碗。

吃得太快打破碗。用來比喻人做事情若只一心求快，反而容易造成反效果。

Oexkux:
🗣 Laang korng, “Ciaqkirn lorngphoax voar.”Zøx taixcix mxhør afnnef hionghiongkongkoong, tiøh sefng sviu ho khaq cym'ciog`leq ciaq laai zøx.

人講：「食緊挵破碗。」做代誌毋好按呢兇兇狂狂，著先想予較斟酌咧才來做。

Oexkux:
🗣 Zøx taixcix na kannaf sviuxbeq kvoafkirn sengkofng, soaq bøo beq ciaopoxlaai, si e “ciaqkirn lorngphoax voar ”`oq!

做代誌若干焦想欲趕緊成功，煞無欲照步來，是會「食緊挵破碗」喔！

🗣 Ciah koefcie paix chiuxthaau;ciah bypng paix zhanthaau.

食果子拜樹頭；食米飯拜田頭。

吃水果，要拜謝樹根；吃米飯，要拜謝田地。指人要懂得感恩，飲水思源，不可忘本。通常僅單用「食果子拜樹頭」一句。

Oexkux:
🗣 Y zhutsyn kojivi, kazaix u cidkoar siexnsym jinsu ka y ciaokox, toaxhaxn liawau ma zay thafng “ciah koefcie paix chiuxthaau;ciah bypng paix zhanthaau”, tviaxtvia tngfkhix zøx gixkafng.

伊出身孤兒院，佳哉有一寡善心人士共伊照顧，大漢了後嘛知通「食果子拜樹頭；食米飯拜田頭」，定定轉去做義工。

🗣 Ciah laang thaau zefng ciuo, korng laang thaau kux oe.

食人頭鍾酒，講人頭句話。

喝第一杯酒，講第一句話。主人通常會請宴席上的長者或貴賓第一個講話，講話者常用此句作為開場白表示僭越、自謙之意。

Oexkux:
🗣 Kok'ui chincviaa peng'iuo, siencixn sixtoa, goar “ciah laang thaau zefng ciuo, korng laang thaau kux oe”u khaq ciarmkhoaan, kinafjit si zwjinkaf chitzap hoex toaxsiu, larn tagkef ciog y peng'afn suxnsi ciah pahji.

各位親情朋友、先進序大，我「食人頭鍾酒，講人頭句話」有較僭權，今仔日是主人家七十歲大壽，咱逐家祝伊平安順序食百二。

🗣 Ciah laang cidkhao, pøx laang cidtao.

食人一口，報人一斗。

吃人一口，要回報一斗。意為受人恩惠時要感恩圖報，並加倍奉還。

Oexkux:
🗣 Y ti kojivi toaxhaxn, siuxtiøh cyn ze laang ee koanzo.Toaxhaxn liawau suxgiap zøx liao cyn sengkofng, y zaiviar “ciah laang cidkhao, pøx laang cidtao”ee tøxlie, ma koafn ciog ze cvii pangzo suiaux zarnzo ee kojii.

伊佇孤兒院大漢，受著真濟人的捐助。大漢了後事業做了真成功，伊知影「食人一口，報人一斗」的道理，嘛捐足濟錢幫助需要贊助的孤兒。

🗣 Ciah laang cidkyn, ia tiøh heeng laang six niuo.

食人一斤，也著還人四兩。

吃了他人一斤的糧食，最少得還人家四兩。指受人恩惠，縱然自己很困苦，多少總要擠一點出來報答別人。比喻知恩圖報。

Oexkux:
🗣 Laang korng: “Ciah laang cidkyn, ia tiøh heeng laang six niuo.”Tøsia lie tefngkoex hiahni jiedsym taosvakang, zef taxmpøqar iesux chviar lie siw`siw`khie.

人講：「食人一斤，也著還人四兩。」多謝你頂過遐爾熱心鬥相共，這淡薄仔意思請你收起來。

Oexkux:
🗣 Sioggie korng: “Ciah laang cidkyn, ia tiøh heeng laang six niuo.”Tviaxtvia siw laang ee miqkvia, lie auxpae beq theh sviafmiq heeng`laang?

俗語講：「食人一斤，也著還人四兩。」定定收人的物件，你後擺欲提啥物還人？

🗣 Ciaqpar voa iaw.

食飽換枵。

先吃飽再把肚子搞餓。形容人徒勞無功，做沒有實質好處的事情；或用來謙稱自己所為只是消磨時間，微不足道。

Oexkux:
🗣 Lie`ee ciog høfsym køq ciog khehkhix, korng y zøx ciekafng kannaf si teq “ciaqpar voa iaw ”niaxnia.

李的足好心閣足客氣，講伊做志工干焦是咧「食飽換枵」爾爾。

Oexkux:
🗣 Theahiw hiaq kuo`aq, køq kiøx goar løqkhix buo hiaq toa tux, goar tøf m si teq “ciaqpar voa iaw”køq.

退休遐久矣，閣叫我落去舞遐大注，我都毋是咧「食飽換枵」閣。

🗣 Ciaqpng hongtex toa.

食飯皇帝大。

吃飯的時候跟皇帝一樣大。意為吃飯最重要，不管什麼事都不得干擾，等用餐完畢後，再行處理。

Oexkux:
🗣 Jinsefng zaixsex, ciah siong tioxng'iaux, sofie larn korng, “Ciaqpng hongtex toa.”

人生在世，食上重要，所以咱講：「食飯皇帝大。」

Oexkux:
🗣 “Ciaqpng hongtex toa”, tngteq ciaqpng maix liaxmtangliaxmsay, na beq karsi gyn'ar, ciaqpng par ciaq korng.

「食飯皇帝大」，當咧食飯莫唸東唸西，若欲教示囡仔，食飯飽才講。

🗣 Ciah tvy ciah kiaam, zhaux khaphvixliaam.

食甜食鹹，臭跤鼻臁。

又吃甜的又吃鹹的，小腿前面會生瘡。用來勸誡人飲食要有節度，注意均衡的營養和衛生。「跤鼻臁」是小腿脛骨，與食物沒有直接關係，僅是順口的比喻。

Oexkux:
🗣 Lie mxthafng suii ciaqpar tø køq ciah pefng, ciah siesiuo'ar, ciaq be “ciah tvy ciah kiaam, zhaux khaphvixliaam”.

你毋通隨食飽就閣食冰、食四秀仔，才袂「食甜食鹹，臭跤鼻臁」。

🗣 Ciah tiøh iøh, zhvezhao cidhiøh;ciah mxtiøh iøh, jinsym cidciøh.

食著藥，青草一葉；食毋著藥，人參一石。

吃對藥，一葉的藥草就能見效；吃錯藥，吃再多高價珍貴的人參也無效。比喻做事要能切中要點、掌握關鍵，才不會徒勞無功，而能有事半功倍之效。

Oexkux:
🗣 Egkeng'ar ee zuytøxthaau teq lau zuie, goarn siefn buo tøf be høfsex, kietkiok goarn apaq giah oaqpafn'ar ka sør ho aan, cidexchiuo tø høfsealiuliw, uxviar si “ciah tiøh iøh, zhvezhao cidhiøh;ciah mxtiøh iøh, jinsym cidciøh”.

浴間仔的水道頭咧漏水，阮仙舞都袂好勢，結局阮阿爸攑活扳仔共鎖予絚，一下手就好勢溜溜，有影是「食著藥，青草一葉；食毋著藥，人參一石」。

🗣 Ciah voaflai, soeq voafgoa.

食碗內，說碗外。

吃碗內的東西，卻說碗外的東西好。享受親近的人給予的好處，到最後卻為外人說話，暗諷人吃裡扒外，不知感恩。

Oexkux:
🗣 Thaukef ciog sixn'jim`y, ho y zøx zwkoarn, sviuxbexkaux y soaq ho laang befsiw, ka kongsy beq khix taupiøf ee piøkym thaolo ho tuiechiuo ee kongsy, uxviar si “ciah voaflai, soeq voafgoa”.

頭家足信任伊，予伊做主管，想袂到伊煞予人買收，共公司欲去投標的標金透露予對手的公司，有影是「食碗內，說碗外」。

🗣 Ciap me be thviaf, ciap phaq be thviax.

捷罵袂聽，捷拍袂疼。

常罵不聽話，常打不怕痛。意為頻繁的打罵教育，其懲罰效果就會愈來愈低。

Oexkux:
🗣 Kax kviar tuliao zhwhoat, ma aix ho yn zaiviar si tøfui mxtiøh, aix afnzvoar kaycixn, na kannaf phaq kannaf me, thausefng e kviaf, kuo`laai tø chviu laang korng`ee “ciap me be thviaf, ciap phaq be thviax”, juo laai juo putsiuxkaux.

教囝除了處罰，嘛愛予𪜶知影是佗位毋著，愛按怎改進，若干焦拍干焦罵，頭先會驚，久來就像人講的「捷罵袂聽，捷拍袂疼」，愈來愈不受教。

🗣 Cin jinsu, sun thviix.

盡人事，順天意。

凡事盡力而為，結果就交給老天安排。意即盡人事，聽天命。

Oexkux:
🗣 Maix sviu hiaq ze`laq!Larn “cin jinsu, sun thviix”, taotea e afnzvoar tø kaw ho thvy'kofng'peq`ar afn'paai`aq.

莫想遐濟啦！咱「盡人事，順天意」，到底會按怎就交予天公伯仔安排矣。