錢四跤，人兩跤。

錢有四條腿，人只有兩條腿。以錢的腿比人腿多，跑得比人快，來比喻賺錢的辛苦與不易。

Oexkux:
🗣 "ongkym siaxhoe bøo cvii kviaa bølo, sofie larn bagciw pehkym tø aix tharncvii, mxkøq laang korng “cvii six khaf, laang nng khaf”, laang jiog cvii jiog bøo hiøq, kaux bagciw kheq`khix ciaq e soaq.

當今社會無錢行無路，所以咱目睭擘金就愛趁錢，毋過人講「錢四跤，人兩跤」，人逐錢逐無歇，到目睭瞌去才會煞。

🗣 Citkhef bøo hii, padkhef tiøx.

這溪無魚，別溪釣。

釣魚時，這條溪釣不到魚，不要氣餒，可到另一條溪釣釣看。比喻某處無法謀生時，可到別處另尋出路。

Oexkux:
🗣 Bøo iaux'kirn`laq, citkefng kongsy khør bøo tiaau, larn laikhix pat kefng khør khvoax'mai`leq, laang korng, “cidkhef bøo hii, padkhef tiøx.”

無要緊啦，這間公司考無牢，咱來去別間考看覓咧，人講：「這溪無魚，別溪釣。」

🗣 Cidbin boahpiaq siafng bin kngf.

一面抹壁雙面光。

用灰匙將水泥塗抹在牆面，壁面和灰匙都很平滑光亮。比喻為人處事圓融，兩方都不得罪。

Oexkux:
🗣 Y ti goarn kongsy tefngsy cviaa moafix, exkhachiwlaang køq ølør kaq e takcih, citkhoarn “cidbin boahpiaq siafng bin kngf”ee kanghw, itpvoaf laang si bøo zaitiau afnnef.

伊佇阮公司頂司誠滿意，下跤手人閣呵咾甲會觸舌，這款「一面抹壁雙面光」的工夫，一般人是無才調按呢。

🗣 Cidbor bøo laang zay, nng bor siøsiartai.

一某無人知，兩某相卸代。

只有一個妻子不會受人注意，要是有大小老婆就會爭吵不斷，家醜外揚。形容有妻有妾者家中常有爭執，受人嘲笑。

Oexkux:
🗣 Larn hangafkhao hid ee Taan'tarng`ee køq khix zuxzoxzhafn bea piexntofng laai ciah`aq, ofnghuix y toaxbor, seaii suytangtafng, zhuolai soaq tviaxtvia oankeniuzex, bøo laang beq zuo ho ciah.Bogkoaix laang korng, “Cidbor bøo laang zay, nng bor siøsiartai.”

咱巷仔口彼个陳董的閣去自助餐買便當來食矣，枉費伊大某、細姨媠噹噹，厝內煞定定冤家量債，無人欲煮予食。莫怪人講：「一某無人知，兩某相卸代。」

🗣 Cidee bor khaq hør svaf ee Thvikongzor.

一个某較好三个天公祖。

有個妻子勝過三尊天公的庇佑。引申為有一賢內助持家，勝過老天爺保佑。

Oexkux:
🗣 Kofzaflaang korng: “Cidee bor khaq hør svaf ee Thvikongzor.”Lie khvoax lirn Agiog'ar hiahni phahpviax khvikef, kutlat zøhsid, kox afng køq thviax kviar, zef si lie tefngsielaang u siøf hør hviw, ciaq u citkhoarn hokkhix, sofie lie aix tiwn pøfsiøq.

古早人講：「一个某較好三个天公祖。」你看恁阿玉仔遐爾拍拚拑家、骨力作穡、顧翁閣疼囝，這是你頂世人有燒好香，才有這款福氣，所以你愛知恩寶惜。

🗣 Cidee gyn'ar khaq lauxjiet svaf ee toaxlaang.

一个囡仔較鬧熱三个大人。

一個小孩比三個大人在一起還熱鬧。小孩天真活潑，不時活蹦亂跳，大人也爭相哄他寵他，往往會逗得大人們笑呵呵。所以家裡有小孩子，氣氛會顯得熱鬧又活絡。

Oexkux:
🗣 Zuxcioong yn angafbor svef cidee gyn'ar liawau, goantea zhux`lie cyn tiaxmzeng, tvaf putsii tøf lauxjiedkwnkurn, cincviax si “cidee gyn'ar khaq lauxjiet svaf ee toaxlaang”.

自從𪜶翁仔某生一个囡仔了後，原底厝裡真恬靜，今不時都鬧熱滾滾，真正是「一个囡仔較鬧熱三个大人」。

🗣 Cidee laang cidkhoarn mia.

一个人一款命。

一個人一種命。每個人的命運、際遇各不相同，不用怨天尤人，要腳踏實地。

Oexkux:
🗣 U laang zhutsix tø enghoahuokuix, ma u laang kanlaan khurnkhor, mxciaq korng “cidee laang cidkhoarn mia”.Mxkøq tøxsngx larn bextaxng kaypiexn larn ee zhutsyn, cyiaux larn kherng phahpviax, iawsi extaxng kaypiexn larn bixlaai ee jinsefng.

有人出世就榮華富貴，嘛有人艱難困苦，毋才講「一个人一款命」。毋過就算咱袂當改變咱的出身，只要咱肯拍拚，猶是會當改變咱未來的人生。

🗣 Cidee cvii phaq jixzabsix ee kad.

一个錢拍二十四个結。

一個錢打二十四個結。譏諷人吝於用錢，視財如命。

Oexkux:
🗣 Y zørlaang cyn tarngsngf, “cidee cvii phaq jixzabsix ee kad”, lorng kannaf beq ka laang phvy, m bad korng beq chviar`laang.

伊做人真凍霜，「一个錢拍二十四个結」，攏干焦欲共人偏，毋捌講欲請人。

🗣 Cidhvixkhafng jip, cidhvixkhafng zhud.

一耳空入，一耳空出。

右耳進、左耳出。聽過的話記不住，或聽而不聞。比喻不用心或者善忘。

Oexkux:
🗣 Yn sixtoaxlaang putsii khofkhngx y ciaqsit, khurnbiin aix zerngsioong, y soaq “cidhvixkhafng jip, cidhvixkhafng zhud”, tvaf sinthea zhud bun'tee`aq, beq koaix sviaflaang!

𪜶序大人不時苦勸伊食食、睏眠愛正常，伊煞「一耳空入，一耳空出」，今身體出問題矣，欲怪啥人！

🗣 Cidhiofng cidsiok.

一鄉一俗。

一個鄉鎮一種風俗。指各地有不同的風俗習慣。

Oexkux:
🗣 Kofzaflaang korng, “Cidhiofng cidsiok.”Larn aix zuntiong laang padjiaq ee hongsiok, maix kienchii korng tiøqaix afnzvoar ciahsi tiøh`ee.

古早人講：「一鄉一俗。」咱愛尊重人別跡的風俗，莫堅持講著愛按怎才是著的。

🗣 Cidhwn cvii, cidhwn hoex.

一分錢，一分貨。

買東西時，所付的價錢跟貨物的品質直接相關。貨物以好壞論價，花多少錢，就得到價值相當的東西。

Oexkux:
🗣 Goar khix iaxchi'ar khay nngxpaq khof beftiøh citliaau yar, nar zay ze bøo nng kafng tø hai`khix, bexsw zherngphvi koo`ee, laang korng “cidhwn cvii, cidhwn hoex”, uxviar siogmih tø bøo hør hoex.

我去夜市仔開兩百箍買著這條椅仔，哪知坐無兩工就害去，袂輸擤鼻糊的，人講「一分錢，一分貨」，有影俗物就無好貨。

🗣 Cidviu bie chi paq viu laang.

一樣米飼百樣人。

一種米養百種人。人的食物差異不大，但人的個性千差萬別。比喻這個社會上有著各式各樣、形形色色的人。

Oexkux:
🗣 Pvepvee si laang, u ee laang tiaxmtiam zøx høftai;u ee laang sviuxkhangsviuxphang beq hai`laang, uxviar si “cidviu bie chi paq viu laang”, sviafmiq khoarn laang tøf u.

平平是人，有的人恬恬做好代；有的人想空想縫欲害人，有影是「一樣米飼百樣人」，啥物款人都有。

🗣 Cidjit soafzay, svaf jit khiaxngg.

一日徙栽，三日徛黃。

苗木移植一次得枯黃好幾天才會恢復生機。比喻經常變換工作難以累積實力，以致難有成效。勉勵做人做事要有定性，老是見異思遷則有害無利。

Oexkux:
🗣 Laang korng, “Cidjit soafzay, svajit khiaxngg.”Na putsii teq voa thaulo, sviuxbeq køsefng tø øq`loq.

人講：「一日徙栽，三日徛黃。」若不時咧換頭路，想欲高升就僫囉。

Oexkux:
🗣 Cidkoar pexbuo tuix yn kviafjii ee kaoiok sviw koex koansym, iaukiuu beq voa pankib, iaqsi tiaokhix pat kefng haghau, mxkøq “cidjit soafzay, svaf jit khiaxngg”, gynaflaang ah exkhamtid afnnef pvoasoar, ma bøhoatto zuosym laai thagzheq.

一寡爸母對𪜶囝兒的教育傷過關心，要求欲換班級，抑是調去別間學校，毋過「一日徙栽，三日徛黃」，囡仔人曷會堪得按呢搬徙，嘛無法度注心來讀冊。

🗣 Cidjit thiethaau, svaf jit ientaau.

一日剃頭，三日緣投。

理一次髮，可以英俊個三天。理髮後會使人看起來清爽有神，自己順眼，別人也會有好印象。

Oexkux:
🗣 Tuo khix thiethautiaxm thiethaau tngr`laai, zhuopvitaw ee laang khvoax`tiøh tø ka goar ølør korng, “Cidjit thiethaau, svajit ientaau.”

拄去剃頭店剃頭轉來，厝邊兜的人看著就共我呵咾講：「一日剃頭，三日緣投。」

🗣 Cidjit thøfhae, svaf jit phak bang.

一日討海，三日曝網。

捕一天魚，卻三天在曬魚網；引申為人懶惰，工作一天，休息三天。比喻一曝十寒。

Oexkux:
🗣 Y korng beq jixncyn zwnpi khøfchix, citmar thaix e køq “cidjit thøfhae, svaf jit phak bang”, keg hoxng'hoxng`leq.

伊講欲認真準備考試，這馬呔會閣「一日討海，三日曝網」，激放放咧。

🗣 Cidjit zawphaphaf, cidmee tiarm tenglaa.

一日走拋拋，一暝點燈膋。

整天到處遊蕩，夜裡挑燈夜戰。形容人白天只顧著玩樂，夜裡才拚命趕工，比喻本末倒置。

Oexkux:
🗣 Lie citee gyn'ar “cidjit zawphaphaf, cidmee tiarm tenglaa”, kuikafng kox leq chitthøo, armsii ciaq laai nar siar sioktee nar tuhkw, sidzai cviaa hai.

你這个囡仔「一日走拋拋，一暝點燈膋」，規工顧咧𨑨迌，暗時才來那寫宿題那盹龜，實在誠害。

🗣 Cidky zhao, cidtiarm lo.

一枝草，一點露。

意為有草就有露水滋潤它。比喻天無絕人之路，只要努力，自有生路；也指天生我才必有用。

Oexkux:
🗣 Mxbiern oarnthaxn kaki phvaymia, sioggie korng, “Cidky zhao, cidtiarm lo.”Larn na kherng phahpviax, tø biern kviaf bextaxng zhutthauthvy.

毋免怨嘆家己歹命，俗語講：「一枝草，一點露。」咱若肯拍拚，就免驚袂當出頭天。

Oexkux:
🗣 Lie maix hiaam y bøpvoarphied, auxpae bøo zhutthoad, laang teq korng: “Cidky zhao, cidtiarm lo.”Yau ee taixcix sviaflaang e zay?

你莫嫌伊無半撇，後擺無出脫，人咧講：「一枝草，一點露。」以後的代誌啥人會知？

🗣 Cidkux oe svaf kag lak ciafm.

一句話三角六尖。

一句話尖銳帶角。形容講話的時候話中帶刺；也指言語銳利，出言不遜、容易傷人。「三」與「六」只是形容多，非實數。

Oexkux:
🗣 Larn kofng'oe khuiekhao aix unhøo, oexgie aix zwnzad, mxthafng chviu sioggie korng`ee, “cidkux oe svaf kag lak ciafm”, ciaq be khix siongtiøh laang.

咱講話氣口愛溫和，話語愛撙節，毋通像俗語講的，「一句話三角六尖」，才袂去傷著人。

Oexkux:
🗣 U ee laang “cidkux oe svaf kag lak ciafm”, zhutzhuix tø khix siongtiøh laang, mxkøq u ee laang tø kef cyn u goaxzaai, kofngtiøh oe zai y søvitvexpvie, boahpiaq siangbin kngf.

有的人「一句話三角六尖」，出喙就去傷著人，毋過有的人就加真有外才，講著話在伊挲圓捏扁、抹壁雙面光。

🗣 Cidlaang hoanlør cidviu, bøo laang hoanlør chinchviu.

一人煩惱一樣，無人煩惱親像。

每個人都有各自的煩惱，而煩惱擔憂的事情也都不一樣。意謂家家有本難念的經。

Oexkux:
🗣 Be ho'moaf`ee hoanlør lorng høfthvy, bøo laang beq ka bea;zøx mi`ee hoanlør ittit løqho, mi e phak be taf, cincviax si “cidlaang hoanlør cidviu, bøo laang hoanlør chinchviu”.

賣雨幔的煩惱攏好天，無人欲共買；做麵的煩惱一直落雨，麵會曝袂焦，真正是「一人煩惱一樣，無人煩惱親像」。

🗣 Cidlaang khvoarzhud cidkef, sinpu khvoarzhud takef.

一人看出一家，新婦看出大家。

由一個人的談吐舉止可看出其家庭的教養；由媳婦的行事作風可看出其婆婆的為人。亦即言教、身教對一個人有很大的影響。

Oexkux:
🗣 Cit'ee gyn'ar ciahni høflea, sioggie korng, “Cidlaang khvoarzhud cidkef, sinpu khvoarzhud takef.”Siongsixn yn taw ee kakaux pitjieen ma cviaa hør.

這个囡仔遮爾好禮，俗語講：「一人看出一家，新婦看出大家。」相信𪜶兜的家教必然嘛誠好。