一人一家代，公媽隨人祀。

每一個人有自家的事，祖先牌位也由各人祭祀。意謂自家管自家的事，祖先牌位也隨自家的方式祭祀。用於勸人管好自己的事就好，不要管別人家的閒事。

Oexkux:
🗣 Laang korng, “Cidlaang cidkef tai, kongmar suilaang zhai.”Lie naftiøh khix koarn padlaang ee tai'cix`leq?

人講，「一人一家代，公媽隨人祀。」你哪著去管別人的代誌咧？

🗣 Cidliap bie, paq liap kvoa.

一粒米，百粒汗。

每一粒米都是農夫流下許多汗水，辛苦栽種出來的。指農夫種田辛勞，糧食得來不易，勸人不要任意浪費。

Oexkux:
🗣 Sioggie korng, “Cidliap bie, paq liap kvoa.”Larn citmar u thafng khvuieoah ciah, lorng si zøhsitlaang pviax`pviax`zhud, siefn tøf mxthafng ka thør'zex`khix.

俗語講：「一粒米，百粒汗。」咱這馬有通快活食，攏是作穡人拚出來的，仙都毋通共討債去。

🗣 Cidliap zhanlee zuo kao voafkofng thngf.

一粒田螺煮九碗公湯。

一隻田螺煮九海碗湯。形容生活貧苦，或比喻沒有真材實料，只是灌水充數。

Oexkux:
🗣 Kofzar niusit khoehkhiaxm ee sii, zuo moee si kuie liap bie, cidkoar hancichiamkvoaf zhafm cidtoa khvaf zuie, “cidliap zhanlee zuo kao voafkofng thngf”, beq kof cidliap pngxliab'ar tø chinchviu haytea bofng ciafm, cyn øq`laq!

古早糧食缺欠的時，煮糜是幾粒米、一寡番薯簽乾摻一大坩水，「一粒田螺煮九碗公湯」，欲罟一粒飯粒仔就親像海底摸針，真僫啦！

Oexkux:
🗣 Svaf nng kux tø korng e zhengzhør ee oe, soaq siar kaq kuy toa phvy, lorng zoaan bøloxeng oe, cincviax si “cidliap zhanlee zuo kao voafkofng thngf”.

三兩句就講會清楚的話，煞寫甲規大篇，攏全無路用話，真正是「一粒田螺煮九碗公湯」。

🗣 Cidmee zoaan thaulo, thvikngf bøpvoarpo.

一暝全頭路，天光無半步。

整個晚上計畫很多事情，天亮後卻沒有半點方法。形容人光說不練，只會紙上談兵。

Oexkux:
🗣 Lafnlaang zøx jixmhøo taixcix, aix khaf tah sidte, bexsae kannaf zhuo cidky zhuix, na kiernpae lorng “cidmee zoaan thaulo, thvikngf bøpvoarpo”, bøo cidhang taixcix zøx e seeng.

咱人做任何代誌，愛跤踏實地，袂使干焦取一支喙，若見擺攏「一暝全頭路，天光無半步」，無一項代誌做會成。

🗣 Cidnii voa jixzabsix ee thaukef.

一年換二十四个頭家。

一年換了二十四個雇主。形容人做事沒有定性，無法專心學習，時常換工作，最後一事無成。

Oexkux:
🗣 Siaolienlaang aix u texngsexng, mxthafng “cidnii voa jixzabsix ee thaukef”, tviaxtvia teq voa thaulo, afnnef beq nar e u zhutthoad?

少年人愛有定性，毋通「一年換二十四个頭家」，定定咧換頭路，按呢欲哪會有出脫？

🗣 Cidpiexn zhat, paq six zhat.

一遍賊，百世賊。

僅僅偷了一次，就終生遭質疑或被認定就是小偷。引申為做了見不得人的事而殃及後代子孫。

Oexkux:
🗣 Kiernna u tiøqzhadthaw ee arnkvia, koarn'khw`ee thauid ee sviu`tiøh`ee tø si y, in'ui y u arntea, zef tø si kofzaflaang korng`ee: “Cidpiexn zhat, paq six zhat.”

見若有著賊偷的案件，管區的頭一个想著的就是伊，因為伊有案底，這就是古早人講的：「一遍賊，百世賊。」

Oexkux:
🗣 Kofzaflaang siong zheq laang zøx zhat, laang korng “cidpiexn zhat, paq six zhat”, thautheh laang ee miqkvia si e hai lie ee kazog'ar bixnphoee siax løh te`neq.

古早人上慼人做賊，人講「一遍賊，百世賊」，偷提人的物件是會害你的家族仔面皮卸落地呢。

🗣 Cidpo kii, cidpo tiøh.

一步棋，一步著。

下棋時，每一步都須謹慎小心，步步為營，才能贏得勝利。意謂做事情要有計畫，深思熟慮，按部就班，才不會出錯，這樣離成功就不遠了。

Oexkux:
🗣 Taixcix beq zøx cirnzeeng, aix sefng sviu ho zhengzhør, keaoe ho høfsex, “cidpo kii, cidpo tiøh”, khataqsidte ciaopoxlaai, afnnef tø khaq e suxnsi, khaq e sengkofng.

代誌欲做進前，愛先想予清楚，計畫予好勢，「一步棋，一步著」，跤踏實地照步來，按呢就較會順序、較會成功。

Oexkux:
🗣 Siuoleeng teq zøx taixcix cyn kynsin, suxsuxhaxnghang lorng zwnpi kaq cviaa ciucix, tø chviu laang teq korng`ee: “Cidpo kii, cidpo tiøh.”Taixcix kautaix y khix hoadløh, ho laang ciog horngsym.

秀玲咧做代誌真謹慎，事事項項攏準備甲誠周至，就像人咧講的：「一步棋，一步著。」代誌交代伊去發落，予人足放心。

🗣 Cidtao khaq viaa kao ciøh.

一斗較贏九石。

一斗的量雖比九石的量少，但品質高，勝過大量的劣質品。喻重質不重量。

Oexkux:
🗣 Kimbok peq ee kokviar khix Jidpurn liuhak, køq theqtiøh phoksu hag'ui, citkhoarn ee zwte cincviax si “cidtao khaq viaa kao ciøh”, thofng zngf ee laang lorng ølør kaq e takcih!

金木伯的孤囝去日本留學，閣提著博士學位，這款的子弟真正是「一斗較贏九石」，通庄的人攏呵咾甲會觸舌！

🗣 Cidtng zhaf kao chiøq.

一丈差九尺。

一丈還差了九尺長。即一丈與一尺還差了九尺。形容差得很遠或指完全相反。

Oexkux:
🗣 Køsog konglo hør saychiaf, mxkøq loxpiaw hogzap, cide khvoax bøo cyn, løqlaam sae tuix cviu'pag`khix, tø “cidtng zhaf kao chiøq”, kef liao sikafn, køq kef liao iuu`ee.

高速公路好駛車，毋過路標複雜，一下看無真，落南駛對上北去，就「一丈差九尺」，加了時間、閣加了油的。

Oexkux:
🗣 Zhaix thoo zhaix kym`laq, koeanii zeeng kaq koeanii au, hongthay zeeng kaq hongthay au, zhvezhaix ee keasiaux si “cidtng zhaf kao chiøq”.

菜塗菜金啦，過年前佮過年後，風颱前佮風颱後，青菜的價數是「一丈差九尺」。

🗣 Cidzhefng siaf mxtat pehpaq hien.

一千賒毋值八百現。

一千元的賒帳不如八百元的現金。意即與其讓人賒帳，不如賣得便宜一點直接取得現金來得實際。

Oexkux:
🗣 Sioggie korng, “Cidzhefng siaf mxtat pehpaq hien.”Kamgoan siogsiog'ar be, theqtiøh hiexnkym, ma bøo aix ho langkheq khiarmsiaux.

俗語講：「一千賒毋值八百現。」甘願俗俗仔賣，提著現金，嘛無愛予人客欠數。

Oexkux:
🗣 Be miqkvia ho toa tan'ui siaux lorng tiøh sefng kiax`leq, goeqtea ciaq zøx cidkae zhefng, sixkorng “cidzhefng siaf mxtat pehpaq hien”, hoex khix cvii bøo khvoax`kvix, zorng`si khaq be horngsym.

賣物件予大單位數攏著先寄咧，月底才做一改清，是講「一千賒毋值八百現」，貨去錢無看見，總是較袂放心。

🗣 Cidzhuix koax siafng cih.

一喙掛雙舌。

一張嘴長兩個舌頭。比喻人口齒伶俐且多話；也指人信口開河，言而無信。

Oexkux:
🗣 Y gaau kofng'oe, ma hexng kofng'oe, zorng`si uxsi'ar korng ee oe tøf bøviafbøciaq, borng thih`ee niaxnia, cincviax si cidkhof “cidzhuix koax siafng cih”ee laang.

伊𠢕講話，嘛興講話，總是有時仔講的話都無影無跡，罔喋的爾爾，真正是一箍「一喙掛雙舌」的人。

🗣 Cidciaq guu pag siafng niar phoee.

一隻牛剝雙領皮。

一頭牛剝兩張皮，比喻雙重剝削。一頭牛只有一張皮，剝兩張皮，表示剝削嚴重，已經超過能力可以負擔的程度。通常指沉重的賦稅或金錢的需索太重，讓人無法負擔。

Oexkux:
🗣 Cid kae be zhux, mxna aix lap cyn tang ee soeakym, køq aix hux tionglaang cvii, uxviar si “cidciaq guu pag siafng niar phoee”, khaq sngx tøf sngrbexhøo.

這改賣厝，毋但愛納真重的稅金，閣愛付中人錢，有影是「一隻牛剝雙領皮」，較算都算袂和。

🗣 Cidciaq satbør poxng kaq zuyguu toa.

一隻蝨母嗙甲水牛大。

一隻小蝨子誇大成大水牛。意指小小的東西或事情，誇大其辭，說得天花亂墜。比喻言過其實。

Oexkux:
🗣 Gyn'ar ciaq kiøx cidsviaf “apaq”niaxnia, lauxpe tø “cidciaq satbør poxng kaq zuyguu toa”, korng yn kviar sviafmiq oe tøf exhiao korng, zef karm uxviar si cyn`ee?

囡仔才叫一聲「阿爸」爾爾，老爸就「一隻蝨母嗙甲水牛大」，講𪜶囝啥物話都會曉講，這敢有影是真的？

🗣 Cviu kiø ciaq beq parngjiø.

上轎才欲放尿。

新娘上花轎前才說要去小便，耽誤了時辰。比喻做事未能預先準備，事到臨頭才趕緊設法處理。

Oexkux:
🗣 Larn zøx taixcix cirnzeeng lorng aix sefng sviu ho ciucix, chienban mxthafng “cviu kiø ciaq beq parngjiø”.

咱做代誌進前攏愛先想予周至，千萬毋通「上轎才欲放尿」。

🗣 Cviuxsvoaf khvoax svoasix, jibmngg khvoax laang ix.

上山看山勢，入門看人意。

上山要觀察山勢，進門要觀察主人心意。指做人要隨時注意環境的變化，懂得察顏觀色，行事才能合宜。

Oexkux:
🗣 Sioggie korng, “Cviuxsvoaf khvoax svoasix, jibmngg khvoax laang ix.”Larn na khix laang taw paehorng, tø aix khvoax zwlaang ee sim'ix, laang na teq bøeeng, iaqsi beq hiøhkhuxn, tø aix kørsii.

俗語講：「上山看山勢，入門看人意。」咱若去人兜拜訪，就愛看主人的心意，人若咧無閒，抑是欲歇睏，就愛告辭。

Oexkux:
🗣 U ee thuisiauoaan sidzai m bad “cviuxsvoaf khvoax svoasix, jibmngg khvoax laang ix”ee tøxlie, laang tngteq bøeeng zørsenglie, ciaq beq laai thuisiaw miqkvia, khahkef ma ho laang kixzoat.

有的推銷員實在毋捌「上山看山勢，入門看人意」的道理，人當咧無閒做生理，才欲來推銷物件，較加嘛予人拒絕。

🗣 Cviu taqpafng, cviu binzhngg, bøo sea khaf khuxn tiong'ngf.

上踏枋，上眠床，無洗跤睏中央。

踩上床前的踏板，接著上了床，不但沒洗腳還睡在床中央。比喻得寸進尺，欺人太甚。

Oexkux:
🗣 Khørsex amar ka lie siøhmiaxmia, lie mxna ka y sinkhupvy ee sofhuix thøfliawliao, citmar lieen y keazngf kaq`laai ee kim'ar tøf beq ka koae`khix, lie uxviar si “cviu taqpafng, cviu binzhngg, bøo sea khaf khuxn tiong'ngf”, cincviax sviw chiaw'koex`aq.

靠勢阿媽共你惜命命，你毋但共伊身軀邊的所費討了了，這馬連伊嫁粧佮來的金仔都欲共拐去，你有影是「上踏枋，上眠床，無洗跤睏中央」，真正傷超過矣。

🗣 Zøx guu tiøh thoaf, zøx laang tiøh boaa.

做牛著拖，做人著磨。

當牛就要拖犁，當人就要承受磨難。比喻人生本來就要歷經許多勞苦與磨難，就像牛得要辛苦犁田、拖車一樣。

Oexkux:
🗣 Y ciaqthaulo nigoa, kongsy tø tør`khix, lauxpe køq phoarpve toarvi, bixntuix ciahni ze piernkox, cyhør an'uix kaki “zøx guu tiøh thoaf, zøx laang tiøh boaa”, ciapsiu khøfgiam, jinsefng e u lexnggoa cidciorng koanto.

伊食頭路年外，公司就倒去，老爸閣破病蹛院，面對遮爾濟變故，只好安慰家己「做牛著拖，做人著磨」，接受考驗，人生會有另外一種懸度。

🗣 Zøx'hix`ee beq soaq, khvoax'hix`ee m soaq.

做戲的欲煞，看戲的毋煞。

演戲的想收場休息了，台下的觀眾卻意猶未盡、不願離席，希望戲班繼續演下去。比喻當事人都要收手和解了，但旁觀者或看熱鬧的卻不願收場。

Oexkux:
🗣 Zerngti jinbut ti tiexnsixterng oafn kaq bagkarngchiuzhaxng, sianghofng ti kviarthaau ee khazhng'au zar tø køq lie'hviaf'goar'ti`aq, baxngloxterng ee cichiciar soaq iugoaan zhar kaq bexsiusvoaf, cincviax si “zøx'hix`ee beq soaq, khvoax'hix`ee m soaq”.

政治人物佇電視頂冤甲目降鬚聳，雙方佇鏡頭的尻川後早就閣你兄我弟矣，網路頂的支持者煞猶原吵甲袂收山，真正是「做戲的欲煞，看戲的毋煞」。

🗣 Zøx kongchyn, thiab purn.

做公親，貼本。

為別人做仲裁，還賠上自己的老本。比喻賠了夫人又折兵。

Oexkux:
🗣 Lytviuo peq`ar cviaa jiedsym, kiernpae na beq thex lybiin tiaukae kiuohwn, y lorng e ti zhux`lie zhoaan ciwzhaix, kiøx sianghofng ze løqlaai tauqtauqar korng.Lytviuo mr`ar oarnthaxn korng zef cincviax si “zøx kongchyn, thiab purn”, goeqhong tøf bøkaux lap ciaee khay'siaw`leq.

里長伯仔誠熱心，見擺若欲替里民調解糾紛，伊攏會佇厝裡攢酒菜，叫雙方坐落來沓沓仔講。里長姆仔怨嘆講這真正是「做公親，貼本」，月俸都無夠納遮的開銷咧。

🗣 Zørkvoaf na zhengliaam, ciaqpng tiøh kiao iaam.

做官若清廉，食飯著攪鹽。

當官若清廉，吃飯得拌鹽。意為當官如果只靠基本官俸而不貪污，生活就會過得清苦，連吃飯都只能加點鹽巴下飯。表示清官無法過富裕奢華的生活；又指清官難為或指無官不貪。

Oexkux:
🗣 U ee laang zørkvoaf cyn zhengliaam, koeasyn liawau, yn kasiok ee seng'oah iugoaan khurnkhor.Bogkoaix laang teq korng, “Zørkvoaf na zhengliaam, ciaqpng tiøh kiao iaam.”

有的人做官真清廉，過身了後，𪜶家屬的生活猶原困苦。莫怪人咧講：「做官若清廉，食飯著攪鹽。」