做官騙厝內，做生理騙熟似。

當官的矇騙家人，做生意的欺騙熟人。意謂為官無不詐，經商無不奸。

Oexkux:
🗣 Tviaxtvia ka y kaukoafn senglie, citkae soaq ho y phiexn ciog ze cvii khix, cincviax si chviu laang korng`ee, “zørkvoaf phiexn zhuolai, zørsenglie phiexn segsai”.

定定共伊交關生理，這改煞予伊騙足濟錢去，真正是像人講的，「做官騙厝內，做生理騙熟似」。

Oexkux:
🗣 Suijieen sioggie korng, “Zørkvoaf phiexn zhuolai, zørsenglie phiexn segsai.”Mxkøq larn siongsixn seakansiong ma u ciog ze hør kvoaf, cyn ze lawsit khøfkhøx ee senglylaang.

雖然俗語講：「做官騙厝內，做生理騙熟似。」毋過咱相信世間上嘛有足濟好官、真濟老實可靠的生理人。

🗣 Zørtiøh phvae zhaan bang etafng, zhoaxtiøh phvae bor cidsielaang.

做著歹田望下冬，娶著歹某一世人。

種到收成不佳的田，可以期待下一個採收季；娶到惡妻可要受苦一輩子。勸人婚姻大事非兒戲，擇偶要非常謹慎。

Oexkux:
🗣 Laang korng: “Zørtiøh phvae zhaan bang e tafng, zhoaxtiøh phvae bor cidsielaang.”Soarn tuiesiong bagciw tiøh peq ho kym, ciaq be cidsielaang kankhofzexkoax.

人講：「做著歹田望下冬，娶著歹某一世人。」選對象目睭著擘予金，才袂一世人艱苦罪過。

🗣 Zuun koex zuie bøo huun.

船過水無痕。

意為船駛過不久，漣漪回歸平靜，一點痕跡也沒有。用來指人忘恩負義；也指事情發生過後，沒留下一點痕跡。

Oexkux:
🗣 Y zu seahaxn thagzheq tø siuxtiøh chincviaa pangzan, sviuxbexkaux ti Bykog pitgiap liawau, lieen chincviaa koeasyn ma m tngr`laai, laang korng “zuun koex zuie bøo huun”, y sidzai cyn bøo siøhzeeng.

伊自細漢讀冊就受著親情幫贊，想袂到佇美國畢業了後，連親情過身嘛毋轉來，人講「船過水無痕」，伊實在真無惜情。

Oexkux:
🗣 Cid tiaau khef tagnii tøf tuxsie kuyna ee laang, zernghuo kuiteng ciaf bexsae sngr zuie, mxkøq lorng bøo laang teq zhab, keq bøo kuie tafng, taixcix tø “zuun koex zuie bøo huun”, sngr zuie ee laang iugoaan zhahzhahzhaq.

這條溪逐年都駐死幾若个人，政府規定遮袂使耍水，毋過攏無人咧插，隔無幾冬，代誌就「船過水無痕」，耍水的人猶原插插插。

🗣 Toaxanghoef m zay bae, viafhoef bae m zay.

大紅花毋知䆀，圓仔花䆀毋知。

朱槿不知自己醜，千日紅醜不自知。嘲諷人沒有察覺自己醜陋，還四處炫耀。

Oexkux:
🗣 Zørlaang tiøqaix zaiviar kaki u kuie niuo tang, mxthafng zhaoiang køq aix punkekuy, naxbøo, tø e ho laang chiøx korng si “toaxanghoef m zay bae, viafhoef bae m zay”.

做人著愛知影家己有幾兩重，毋通臭煬閣愛歕雞胿，若無，就會予人笑講是「大紅花毋知䆀，圓仔花䆀毋知」。

Oexkux:
🗣 Y bengkizay kaki tøf øh bøo cidtafng, pvoarthafngsai'ar niaxnia, soaq chiaxng korng kaki u goa gaau, uxviar si “toaxaang hoef m zay bae, viafhoef bae m zay”.

伊明其知家己都學無一冬，半桶師仔爾爾，煞唱講家己有偌𠢕，有影是「大紅花毋知䆀，圓仔花䆀毋知」。

🗣 Toaxbak sinniuu bøo khvoarkvix zaux.

大目新娘無看見灶。

大眼睛的新娘沒看到灶。通常用於揶揄人眼睛雖大，但卻看不到顯而易見的物品。

Oexkux:
🗣 Chiwki'ar hiexnhien tøf zhai ti tøhterng, lie soaq ixn korng lie zhoexbøo, uxviar si “toaxbak sinniuu bøo khvoarkvix zaux”!

手機仔現現都𫞼佇桌頂，你煞應講你揣無，有影是「大目新娘無看見灶」！

🗣 Toa kao pvoaa chviuu, sex kao khvoarviu.

大狗盤牆，細狗看樣。

大狗翻牆，小狗學樣。形容父母、長輩的所作所為，皆為子女、晚輩的學習對象，小孩會模仿大人做壞事。多用於負面意涵，強調身教的重要。

Oexkux:
🗣 Sioggie korng, “Toa kao pvoaa chviuu, sex kao khvoarviu.”Zøx laang sixtoa na zhoaxn zøx lorng phvae taixcix, sixsex zafban e piexn phvaykviar.

俗語講：「大狗盤牆，細狗看樣。」做人序大若串做攏歹代誌，序細早慢會變歹囝。

Oexkux:
🗣 Lirn kviar thaw ciaqhwn, khaksit engkay aix me aix kax, sixkorng “toa kao pvoaa chviuu, sex kao khvoarviu”, lie kaki kuijit hwn ciaqtiautiaau, si beq afnzvoar kax kviar?

恁囝偷食薰，確實應該愛罵愛教，是講「大狗盤牆，細狗看樣」，你家己規日薰食牢牢，是欲按怎教囝？

🗣 Toaxkeq kef ban thii.

大格雞慢啼。

大骨架的公雞比較慢啼叫。「格」指體格、骨架，骨架較大的公雞需要較長的時間成長，所以開始啼叫的時間也比較遲。比喻大器晚成。當人表現不盡人意，或一時不得志，尤其是小孩表現欠佳之時，常用此話鼓勵。

Oexkux:
🗣 Abeeng go hoex`aq, kofng'oe iao korng be zhengzhør, zhuopvy khvoartiøh yn lauxpe ciaq hoanlør, tø korng, “Toaxkeq kef ban thii, afn`laq!”

阿明五歲矣，講話猶講袂清楚，厝邊看著𪜶老爸遮煩惱，就講：「大格雞慢啼，安啦！」

Oexkux:
🗣 Y si cidee jinzaai, laang korng “toaxkeq kef ban thii”, køq`køq`svaf itteng e u zhutthoad.

伊是一个人才，人講「大格雞慢啼」，閣三五年仔一定會有出脫。

🗣 Toaxlaang aix tharncvii, gyn'ar aix koeanii.

大人愛趁錢，囡仔愛過年。

大人喜歡賺錢，小孩喜歡過年。於昔日農業社會，家家戶戶普遍貧窮，父母為了生活所需，只要有錢賺，就不遺餘力去做；反而是小孩子最喜歡過年，有壓歲錢可花、有新衣可穿、有糖果可吃，整日樂不可支。比喻大人、小孩各有所好。

Oexkux:
🗣 Seakanlaang koklaang sor hexng`ee lorng be siøsiang, pvepvee si kang zhuolai, “toaxlaang aix tharncvii, gyn'ar aix koeanii”, cidlaang hexng cidhang, bøo nng laang hexng siøkang.

世間人各人所興的攏袂相𫝛，平平是仝厝內，「大人愛趁錢，囡仔愛過年」，一人興一項，無兩人興相仝。

🗣 Toaxlaang khiam cidzhuix, gyn'ar ciah kaq uix.

大人儉一喙，囡仔食甲飫。

大人省一口，小孩吃到膩。意即大人少吃一口食物，就能讓食量較小的小孩子吃得飽，甚至吃到膩了。這是老人家疼愛小孩子的用語。

Oexkux:
🗣 Sioggie korng, “Toaxlaang khiam cidzhuix, gyn'ar ciah kaq uix.”Sixtoaxlaang siøq gyn'ar tø si afnnef, bølun ciah sviafmiq lorng e sviuxtiøh gyn'ar, beq laau ho gyn'ar ciah.

俗語講：「大人儉一喙，囡仔食甲飫。」序大人惜囡仔就是按呢，無論食啥物攏會想著囡仔，欲留予囡仔食。

🗣 Toaxlaang svejit ciah baq, gyn'ar svejit ciah phaq.

大人生日食肉，囡仔生日食拍。

大人生日吃肉，小孩生日挨打。孩子的生日是母親的受難日，打孩子是提醒他母親受的苦難。小孩生日時常會藉機要求一些東西，大人就用這句押韻的話，戲謔地告訴孩子不能要求太多。

Oexkux:
🗣 Ati'ar svejit ee sii zhar korng beq bea syn svaf, lauxpe ixn korng, “‘Toaxlaang svejit ciah baq, gyn'ar svejit ciah phaq’, lie beq phaq kuie e?”Ati'ar zeksii tiam`khix.

阿弟仔生日的時吵講欲買新衫，老爸應講：「『大人生日食肉，囡仔生日食拍』，你欲拍幾下？」阿弟仔即時恬去。

Oexkux:
🗣 Suijieen amar zhuix korng “toaxlaang svejit ciah baq, gyn'ar svejit ciah phaq”, kisit zar tø zwnpi siøfmoe siong aix ee ang'ar beq saxng y zøx svejit lea'but`aq`laq.

雖然阿媽喙講「大人生日食肉，囡仔生日食拍」，其實早就準備小妹上愛的尪仔欲送伊做生日禮物矣啦。

🗣 Toaxseabak, koankexhvi.

大細目，懸低耳。

大小眼，高低耳。眼睛一大一小為偏心的比喻，耳朵一高一低為偏聽的比喻。用來形容人處事不公正。

Oexkux:
🗣 Oankafng sengkvoaf tø e korng zwkoarn bad engzaai, na bøo ho laang thee'poat`tiøh, tø e korng zwkoarn “toaxseabak, koanke hvi”, laang lorng si afnnef.

員工升官就會講主管捌英才，若無予人提拔著，就會講主管「大細目，懸低耳」，人攏是按呢。

🗣 Toa tviar boe kurn, sex tviar chiangchiangkurn.

大鼎未滾，細鼎沖沖滾。

大鍋裡的湯還沒滾，小鍋裡的湯就滾得要掀開鍋蓋了。也就是滿瓶水不響，半瓶水響叮噹，形容有才學的人話少，一知半解的人說個不停。

Oexkux:
🗣 Larn zørlaang tiøqaix khiampy, mxthafng zhaophuix, ciaq be ho laang chiøx korng, “Toa tviar boe kurn, sex tviar chiangchiangkurn.”

咱做人著愛謙卑，毋通臭屁，才袂予人笑講：「大鼎未滾，細鼎沖沖滾。」

🗣 Toaxtngg køx siøftngg.

大腸告小腸。

大腸裡沒有東西，控告小腸沒有把食物送過來。形容飢腸轆轆，肚子非常餓。

Oexkux:
🗣 Goar bøeeng kaq kuikafng lorng bøo ciah miqkvia, citmar si iaw kaq “toaxtngg køx siøftngg”, kioxngbeq cihzaix be tiaau`aq.

我無閒甲規工攏無食物件，這馬是枵甲「大腸告小腸」，強欲接載袂牢矣。

Oexkux:
🗣 U thafng ciah tø sngx cviaa kaf'zaix`aq, maix tiaxm hiaf hiamkvoahiamkien, korng kaq bextitthafng soaq;thernghau lie iaw kaq “toaxtngg køx siøftngg”ee sizun, sviafmiq thwn be løqaau ee miqkvia ma e lorng si santinhaybi.

有通食就算誠佳哉矣，莫踮遐嫌肝嫌胘，講甲袂得通煞；聽候你枵甲「大腸告小腸」的時陣，啥物吞袂落喉的物件嘛會攏是山珍海味。

🗣 Toaxcih køq hexng thih.

大舌閣興喋。

口吃又愛說話。「喋」本指人說話結結巴巴，「興喋」在這裡指喜歡說話或插嘴。通常不指稱真正口吃的人，而是用來形容人話說不清楚，偏偏又很愛表示意見。

Oexkux:
🗣 Cid ee laang kauxoe, køq korng kaq khiekhietørtøx, tø u laang me y “toaxcih køq hexng thih”.

這个人厚話，閣講甲去去倒倒，就有人罵伊「大舌閣興喋」。

🗣 Toa voar køq boarn kvii.

大碗閣滿墘。

盛得已經滿到碗的上緣來了。比喻東西量多質好，物超所值。

Oexkux:
🗣 Hangafkhao hid tvax øafmixsvoax “toa voar køq boarn kvii”, liau ze khiebi hør, putkoafnsii khix lorng ciog ze laang teq paitui.

巷仔口彼擔蚵仔麵線「大碗閣滿墘」，料濟氣味好，不管時去攏足濟人咧排隊。

Oexkux:
🗣 Jinsexng lorng si siao'thafm`ee, simkvoaf efng'erng juo laai juo toa, ia beq tvy, ia beq tvi, ia beq “toa voar køq boarn kvii”.

人性攏是痟貪的，心肝往往愈來愈大，也欲甜，也欲滇，也欲「大碗閣滿墘」。

🗣 U viu khvoax viu, bøo viu kaki sviu.

有樣看樣，無樣家己想。

有樣學樣，沒樣自己想。意為有榜樣可學就依樣畫葫蘆，否則就自己想辦法；或指除了模仿他人，也應自行創作。

Oexkux:
🗣 Sioggie korng, “U viu khvoax viu, bøo viu kaki sviu.”Larn zøx taixcix, tuliao zhamkhør padlaang ee kenggiam, tuo'tiøh`ar ma exsae kaki sviu khvoax u pat ee po'sox`bøo, mxciaq e cirnpo.

俗語講：「有樣看樣，無樣家己想。」咱做代誌，除了參考別人的經驗，拄著仔嘛會使家己想看有別的步數無，毋才會進步。

Oexkux:
🗣 Lie tuo zhutsiaxhoe khaisie sioxngpafn, mxthafng tak hang lorng kviakviaf, laang korng “u viu khvoax viu, bøo viu kaki sviu”, kef zøx`zøx`kuie tø e'hiao`aq.

你拄出社會開始上班，毋通逐項攏驚驚，人講「有樣看樣，無樣家己想」，加做幾擺仔就會曉矣。

🗣 U kviar u kviar mia, bøo kviar thvy zuotvia.

有囝有囝命，無囝天註定。

有孩子是命運的安排，沒孩子是天註定的。用來安慰膝下無子的人不要過於強求。

Oexkux:
🗣 Yn kiet'hwn zabgoa tafng`aq, lorng bøo svef kaq pvoax ee, laang korng, “U kviar u kviar mia, bøo kviar thvy zuotvia.”U kviar bøo kviar m si laang extaxng koad'teng`ee.

𪜶結婚十外冬矣，攏無生甲半个，人講：「有囝有囝命，無囝天註定。」有囝無囝毋是人會當決定的。

🗣 Uxliong tø u hog.

有量就有福。

有度量就有福氣。指有度量的人自然會受到上天眷顧，得到賜福。

Oexkux:
🗣 Sioggie korng, “Uxliong tø u hog.”Paktngg aix paxng khaq khoaq`leq, mxthafng kear tngg ciawar to, tak hang taixcix tøf beq kaq laang keakaux.

俗語講：「有量就有福。」腹腸愛放較闊咧，毋通雞仔腸鳥仔肚，逐項代誌都欲佮人計較。

🗣 U siøhviw u pøfpix, u ciah iøh u kviakhix.

有燒香有保庇，有食藥有行氣。

燒香拜佛就會得到神佛保佑，吃藥就會有療效。比喻只要努力或是付出，就會有所收穫或是助益。亦即一分耕耘，一分收穫。

Oexkux:
🗣 Laang korng: “U siøhviw u pøfpix, u ciah iøh u kviakhix.”Lie na minoa hagsip, tviaxtiøh extaxng øqtiøh køhkhaq ze tieseg.

人講：「有燒香有保庇，有食藥有行氣。」你若綿爛學習，定著會當學著閣較濟智識。

🗣 U Tngsvoaf kofng, bøo Tngsvoaf mar.

有唐山公，無唐山媽。

有來自唐山的父系祖先，沒有來自唐山的母系祖先。清初在渡臺禁令下，來臺開墾者多為單身的男性，往往與當時母系社會的平埔族女性通婚，而產生此現象。

Oexkux:
🗣 Zu seahaxn tø tviaxtvia thviaf goarn akofng korng “u Tngsvoaf kofng, bøo Tngsvoaf mar”.Y korng goarn ee khaikizor si uix Tngsvoaf laai ee løharnkha'ar, zabofzor si pvepozok ee goanzuxbiin.

自細漢就定定聽阮阿公講「有唐山公，無唐山媽」。伊講阮的開基祖是對唐山來的羅漢跤仔，查某祖是平埔族的原住民。