袂曉剃頭，拄著鬍鬚。

不會理髮，遇到大鬍子。理髮師技術還不夠純熟，首次上場就遇到一個大鬍子的客人，以致於手忙腳亂，不知道該如何是好。比喻在經驗不足的情況下，偏偏碰上了棘手的難題。

Oexkux:
🗣 Thaau cidkafng zøx koeakex, tø twtiøh kongsy nitea sngx zofngsiaux, cincviax chinchviu sioggie korng`ee, “bexhiao thiethaau, twtiøh hochiw”.

頭一工做會計，就拄著公司年底算總數，真正親像俗語講的，「袂曉剃頭，拄著鬍鬚」。

Oexkux:
🗣 Y thaau cidnii karzheq, tø khix kartiøh zoanhau siong bøo koay ee hid pafn, uxviar si“bexhiao thiethaau, twtiøh hochiw”.

伊頭一年教冊，就去教著全校上無乖的彼班，有影是「袂曉剃頭，拄著鬍鬚」。

🗣 Be tee korng tee phafng, be hoef korng hoef aang.

賣茶講茶芳，賣花講花紅。

賣茶葉的人強調自己賣的茶葉有多香；賣花的人強調自己賣的花顏色有多麼的鮮豔。比喻為了要把自己的產品推銷出去，生意人總會強調其產品具有什麼特色，藉此吸引顧客的目光。比喻老王賣瓜，自賣自誇。

Oexkux:
🗣 Bea miqkvia ee sii, senglylaang korng ee oe biefnputliao e“be tee korng tee phafng, be hoef korng hoef aang”, larn ka zhafm'khør`zhafm tø hør, biern zorng ka sixn.

買物件的時，生理人講的話免不了會「賣茶講茶芳，賣花講花紅」，咱共參考一下就好，免總共信。

Oexkux:
🗣 Y lorng korng y kengsiaw ee oiuu cviaa zarn, zerngkefng si“be tee korng tee phafng, be hoef korng hoef aang”, larn iawsi kef kviaa`kviaa`kuie ciaq be ho y phvy`khix.

伊攏講伊經銷的烏油誠讚，正經是「賣茶講茶芳，賣花講花紅」，咱猶是加行幾間仔才袂予伊偏去。

🗣 Beq høfgiah tarn auxsix, beq zørkvoaf øh zørhix.

欲好額等後世，欲做官學做戲。

如果想發財就等下輩子，如果想當官，去戲班子演戲就能過乾癮。諷刺人此生再無致富與升官的機會，有時也用來自嘲。

Oexkux:
🗣 Sioggie korng:“Beq høfgiah tarn auxsix, beq zørkvoaf øh zørhix.”Laang iawsi sidsidzaixzai khaq hør.

俗語講：「欲好額等後世，欲做官學做戲。」人猶是實實在在較好。

Oexkux:
🗣 Abeeng ka theahiukym lorng theqkhix zhafkofphiøx, sviuxbeq cidkhurn'ar tø høfgiah, kaoboea soaq tøx liawcvii, bogkoaix sioggie korng:“Beq høfgiah tarn auxsix, beq zørkvoaf øh zørhix”.

阿明共退休金攏提去炒股票，想欲一睏仔就好額，到尾煞倒了錢，莫怪俗語講：「欲好額等後世，欲做官學做戲」。

🗣 Bøo bie u zengkhu, bøo kviar phø sinpu.

無米有舂臼，無囝抱新婦。

沒有米卻有搗米的臼；沒有兒子領養一個童養媳。形容人只會做白日夢，不切實際。

Oexkux:
🗣 Lauxpe lauxbuo lorng koex'syn`khix ee Abok, si cidee beq ciah m thøfthaxn ee pintvoaxkud, kiexn sviu`ee ciaau si hid khoarn“bøo bie u zengkhu, bøo kviar phø sinpu”ee thørthaau, kaotvaf ma si zap'id'køf`ar kngkhudkhut, auxkoex ciaqlau m zay beq khøx sviar'laang`leq?

老爸老母攏過身去的阿木，是一个欲食毋討趁的貧惰骨，見想的齊是彼款「無米有舂臼，無囝抱新婦」的套頭，到今嘛是十一哥仔光𣮈𣮈，後過食老毋知欲靠啥人咧？

🗣 Bøo guu sae bea.

無牛駛馬。

沒有牛只能用馬匹來替代。形容退而求其次，暫且代用的無奈。

Oexkux:
🗣 Zafkhie pwnlaai beq khiaa kichiaf khix bea zhaix, sviuxbexkaux kichiaf soaq be hoad, limsii“bøo guu sae bea”, voa khiaa khataqchiaf khix.

早起本來欲騎機車去買菜，想袂到機車煞袂發，臨時「無牛駛馬」，換騎跤踏車去。

🗣 Bøo hii, hee ma hør.

無魚，蝦嘛好。

捉不到魚，捉到蝦子也好。比喻退而求其次，聊勝於無。

Oexkux:
🗣 Sviuxbeq ciah kimkoef thngf, soaq kuy zhaechi'ar lorng bøo laang teq be kimkoef, “bøo hii, hee ma hør”, kinafjit sefng bea tangkoef tngr laikhix kuun paikud thngf.

想欲食金瓜湯，煞規菜市仔攏無人咧賣金瓜，「無魚，蝦嘛好」，今仔日先買冬瓜轉來去𤉙排骨湯。

🗣 Bøo hitlø khazhngf, sviuxbeq ciah hitlø siariøh.

無彼號尻川，想欲食彼號瀉藥。

沒有那種屁股，想吃那種瀉藥。形容人沒有那種能耐，卻妄想做那種事。比喻一個人自不量力。

Oexkux:
🗣 Lie`oq!“Bøo hitlø khazhngf, sviuxbeq ciah hitlø siariøh”, kviaa bøo svaf po tø phvexphvexzhoarn ee laang, ia beq zhafm laang khix pehsvoaf.

你喔！「無彼號尻川，想欲食彼號瀉藥」，行無三步就怦怦喘的人，也欲參人去𬦰山。

🗣 Bøo jit m zay taux, bøo chiw m zay lau.

無日毋知晝，無鬚毋知老。

沒出太陽，不知已經到中午了；沒留鬍子，不易察覺人已老邁。比喻光陰易逝，很容易在不知不覺中荒廢。

Oexkux:
🗣 “Bøo jit m zay taux, bøo chiw m zay lau”, siaolieen sii ee lysiorng lorng iawboe sidhien, bak cide niq larn tøf pvoax'lør'lau`aq.

「無日毋知晝，無鬚毋知老」，少年時的理想攏猶未實現，目一下𥍉咱都半老老矣。

🗣 Bøo kee giaa kau'ie.

無枷夯交椅。

沒有枷鎖等刑具可披枷帶鎖，竟然將太師椅扛在身上。比喻自找麻煩，庸人自擾。

Oexkux:
🗣 Yn sixtoaxlaang korng ee oe y tøf bøo teq sixn'tao`aq, lie hømykhor“bøo kee giaa kau'ie”, gve beq ka y khoafnkhngx.

𪜶序大人講的話伊都無咧信篤矣，你何乜苦「無枷夯交椅」，硬欲共伊款勸。

🗣 Bøkirmbøkhi, ciah pahji.

無禁無忌，食百二。

形容人百無禁忌，毫無忌諱，便能長壽活到一百二十歲。通常是觸碰禁忌者用來自我安慰的說法。

Oexkux:
🗣 Thiofngafpof beq khuilo, sae koaechiuo ee suky sefng zhoaan senglea paix høfhviati'ar, soax`soax`løh nar siøf ginzoar, zhuix køq nar liam:“Bøkirmbøkhi, ciah pahji.”

塚仔埔欲開路，駛怪手的司機先攢牲醴拜好兄弟仔，紲落去那燒銀紙，喙閣那唸：「無禁無忌，食百二。」

Oexkux:
🗣 Gynaflaang uxtang'ar kofng'oe khaq bøzaxmbøzad, sixtoaxlaang chiangzai tøf e tuiezhuix korng:“Bøkirmbøkhi, ciah pahji.”

囡仔人有當仔講話較無站無節，序大人常在都會對喙講：「無禁無忌，食百二。」

🗣 Bøo moo kef kea toaxkeq.

無毛雞假大格。

發育不良羽毛稀疏的雞假冒成體格高大。比喻一個人明明沒錢還裝闊；或指人明明沒有才能，還裝出很有本事的樣子。

Oexkux:
🗣 Ahoaa bengkii tøf paklai bøo køf, gve sie beq ti zernglaang bixnzeeng gimsy, giim kaq mxcviaa sviatiau, ho laang chiøx korng“bøo moo kef kea toaxkeq”.

阿華明其都腹內無膏，硬死欲佇眾人面前吟詩，吟甲毋成聲調，予人笑講「無毛雞假大格」。

🗣 Bøo thafng zhvef ciah, nar u thafng phagkvoaf.

無通生食，哪有通曝乾。

生吃都不夠，哪能晒成乾？比喻數量不足，不可能有多餘的留下來。也指個人或家計窘困，沒有餘錢作額外支出。

Oexkux:
🗣 Sitgiap kuinii, ciah svaf tngx tøf u bun'tee`aq, y tø ka texngzuun niar`niar`zhud, laang korng“bøo thafng zhvef ciah, nar u thafng phagkvoaf”, bagciuzeeng ee seng'oah khaq iaokirn, auxpae ee jidcie be'kox`tid`loq.

失業規年，食三頓都有問題矣，伊就共定存領出來，人講「無通生食，哪有通曝乾」，目睭前的生活較要緊，後擺的日子袂顧得囉。

Oexkux:
🗣 Goarn afng citzam'ar bøo thaulo, pøfhiarm kongsy ee giabbuxoaan soaq laai ciøf y jip pøfhiarm, y hiexnzhwsii tøf“bøo thafng zhvef ciah, nar u thafng phagkvoaf”, beq tør svef cvii laai taau'pør`leq?

阮翁這站仔無頭路，保險公司的業務員煞來招伊入保險，伊現此時都「無通生食，哪有通曝乾」，欲佗生錢來投保咧？

🗣 Borng thaxn khaq be saxn.

罔趁較袂散。

多少賺一點，才不致於陷入窮困。說明即使利潤非常小，也應積極賺取。

Oexkux:
🗣 Y citzun chiuo lao`tiøh, bøo zaitiau khix kangte zøx zhof'tang`ee, tø irn cidkoar khaq khinkhør ee sitthaau tngflaai zhux`lie zøx, “borng thaxn khaq be saxn”, ma khaq viaa kuikafng ti zhux`lie engsiensiefn.

伊這陣手扭著，無才調去工地做粗重的，就允一寡較輕可的穡頭轉來厝裡做，「罔趁較袂散」，嘛較贏規工佇厝裡閒仙仙。

🗣 Boftoaxcie, ze kym kau'ie.

某大姊，坐金交椅。

娶年長的妻子就像坐上太師椅。形容少夫老妻，丈夫很受寵、頗享福。

Oexkux:
🗣 Yn khafn`ee toa y peq hoex, tuix y uxkaux thefthiab, hviatiafphvoa tø ka khoef korng:“Boftoaxcie, ze kym kau'ie.”Hexnghog bøpycie.

𪜶牽的大伊八歲，對伊有夠體貼，兄弟仔伴就共詼講：「某大姊，坐金交椅。」幸福無比止。

🗣 Buu safm pud seeng lea.

無三不成禮。

送禮、致敬要一而再，再而三。比喻禮多人不怪。

Oexkux:
🗣 Y zørlaang cviaa khofngkhaix, nitanggoeqzeq lorng e khix saxng lea, siutiøh miqkvia ee peng'iuo na ka thesii, y lorng e korng“buu safm pud seeng lea”, au hoee ma køq keasiok saxng.

伊做人誠慷慨，年冬月節攏會去送禮，收著物件的朋友若共推辭，伊攏會講「無三不成禮」，後回嘛閣繼續送。

🗣 Boe ciah Goxjidzeq zaxng, phoax hiuu m kafm paxng.

未食五日節粽，破裘毋甘放。

還沒吃端午節粽子，破棉襖捨不得放。臺灣的氣候在端午節之前，都還可能有轉冷，所以還沒過端午節，冬衣不能收起來，是前人觀察天氣變化所得的經驗。

Oexkux:
🗣 Taioaan ti ajiedtaix, kuxlek svaf, siegoeqar uxsii cyn kvoaa, uxsii cyn joah, tiøqaix kaux go`goeh ciaq khaq be hoafnkvoaa, kofzaflaang mxciaq e korng“boe ciah Goxjidzeq zaxng, phoax hiuu mxkafm paxng”.

臺灣佇亞熱帶，舊曆三、四月仔有時真寒、有時真熱，著愛到五月才較袂反寒，古早人毋才會講「未食五日節粽，破裘毋甘放」。

🗣 Boexzeeng øh kviaa sefng øh poef, boexzeeng iaxzerng sviu barn koef.

未曾學行先學飛，未曾掖種想挽瓜。

還不會走路就想學飛，尚未播種竟妄想收成瓜果。指人要循序漸進的學習與按步就班的耕作才會有所收穫，絕無一步登天或不勞而獲的道理。

Oexkux:
🗣 Zøx baxnhang taixcix lorng aix khataqsidte, ciaokhykafng cidpo cidpo laai, mxthafng“boexzeeng øh kviaa sefng øh poef, boexzeeng iaxzerng sviu barn koef”, afnnef ciaq e sengkofng.

做萬項代誌攏愛跤踏實地，照起工一步一步來，毋通「未曾學行先學飛，未曾掖種想挽瓜」，按呢才會成功。

🗣 Exhiao thaw ciah, bexhiao chid zhuix.

會曉偷食，袂曉拭喙。

只知道要偷吃，卻不知道要把嘴巴擦乾淨。比喻做壞事後，不懂得湮滅證據，讓人發現。

Oexkux:
🗣 Giernthaau!Lie zef høxzøx“exhiao thaw ciah, bexhiao chid zhuix”, putsii theh hid tviw thaw thiaq ee too zhutlaai khvoax, citmar tagkef lorng zaiviar hid purn zheq si lie thiaq`phoax`ee`aq.

癮頭！你這號做「會曉偷食，袂曉拭喙」，不時提彼張偷拆的圖出來看，這馬逐家攏知影彼本冊是你拆破的矣。

🗣 E ka`laang ee kao be pui.

會咬人的狗袂吠。

會咬人的狗不會叫。比喻城府甚深之人少言，不易流露其情緒。

Oexkux:
🗣 Lie maix khvoax y kuikafng tiaxmtiam, tuix laang lorng cviaa khehkhix, “e ka`laang ee kao be pui”, goar bad ho y tiap kaq zao bølo thafng khix.

你莫看伊規工恬恬，對人攏誠客氣，「會咬人的狗袂吠」，我捌予伊揲甲走無路通去。

Oexkux:
🗣 Biefnkviaf y parngtiaw beq tuix lie putli, y si teq opeh pui niaxnia, lie bøo thviaf laang teq korng:“E ka`laang ee kao be pui.”

免驚伊放刁欲對你不利，伊是咧烏白吠爾爾，你無聽人咧講：「會咬人的狗袂吠。」

🗣 E poah ciaq e toa.

會跋才會大。

小孩學習走路時，要跌倒過才能順利成長。比喻人要經歷過失敗、挫折，才能成就事業。

Oexkux:
🗣 Sviaflaang m bad sid'pai`koex?Laang korng:“E poah ciaq e toa.”Zøx m'tiøh`khix ka torngzøx kenggiam, mxciaq saf e tiøh zøx khangkhoex ee mekag, ma ciaq e juo zøx juo segchiuo.

啥人毋捌失敗過？人講：「會跋才會大。」做毋著去共當做經驗，毋才捎會著做工課的鋩角，嘛才會愈做愈熟手。