有喙講甲無瀾。

嘴巴說得口水都乾了。比喻費盡唇舌，還是沒辦法說服別人。

Oexkux:
🗣 Khørtviuo ciog kienchii y ee zwtviw, sviuxbeq kaypiexn y ee koatteng, zwnkorng lie “u zhuix korng kaq bøo noa”, ma si bøhau.

課長足堅持伊的主張，想欲改變伊的決定，準講你「有喙講甲無瀾」，嘛是無效。

🗣 U ciah køq u liah.

有食閣有掠。

有得吃還有得拿。比喻一件好事還另有其他附加價值。

Oexkux:
🗣 Sioggie korng, “U ciah køq u liah.” U laang khix ciah hyciuo, ciah kaq pafpafpar, køq ka zhaeboea paupaw`tngrkhix, sidzai si ciog hør khafng`ee.

俗語講：「有食閣有掠。」有人去食喜酒，食甲飽飽飽，閣共菜尾包包轉去，實在是足好空的。

Oexkux:
🗣 Laai ciaf khvoax piawiern, køq u tiafmsym thanghør ciah, u kieliaxmphirn thafng theh`theh`tngr, sidzai si “u ciah køq u liah”!

來遮看表演，閣有點心通好食，有紀念品通提轉去，實在是「有食閣有掠」！

🗣 U cioxnggoaan hagsefng, bøo cioxnggoaan siensvy.

有狀元學生，無狀元先生。

有狀元學生，沒有狀元老師。學生學成，可能考上狀元，卻沒有狀元回頭來當老師。比喻學生常比老師傑出。

Oexkux:
🗣 Y ti siøfhak karzheq svazabgoa tafng, hagsefng u ee zøx toaxkvoaf, u ee zøx kaosiu, y tviaxtvia chiøx korng, “U cioxnggoaan hagsefng, bøo cioxnggoaan siensvy.”

伊佇小學教冊三十外冬，學生有的做大官，有的做教授，伊定定笑講：「有狀元學生，無狀元先生。」

🗣 U cidhør, bøo nng hør.

有一好，無兩好。

世界上的事情有利必有弊，很難兩全其美，意即魚與熊掌不可兼得。

Oexkux:
🗣 Laang korng kamciax bøo siafng thaau tvy, lie bextaxng tak hang lorng beq bau kaq viaa, zorng`si aix zaiviar “u cidhør, bøo nng hør”ee tøxlie.

人講甘蔗無雙頭甜，你袂當逐項攏欲貿甲贏，總是愛知影「有一好，無兩好」的道理。

🗣 Oa hor oa phii laan oa kud, ty jiin ty bien pud ty sym.

畫虎畫皮難畫骨，知人知面不知心。

人只能畫出老虎外表的皮相，卻無法畫出老虎內在的骨相，光憑外表，無法真實了解人內心的想法。比喻人心難測。

Oexkux:
🗣 Y piexnna khvoartiøh goar, tø zhuiechiørbagchiøx, høflea siøciøhmng, mxkøq ti khaciah'au soaq ka goar korng kaq bøo cidtex hør, cincviax si “oa hor oa phii laan oa kud, ty jiin ty bien pud ty sym”.

伊便若看著我，就喙笑目笑，好禮相借問，毋過佇尻脊後煞共我講甲無一塊好，真正是「畫虎畫皮難畫骨，知人知面不知心」。

🗣 Oay zhuix kef ciah hør bie.

歪喙雞食好米。

歪嘴雞吃好米。「歪喙雞」比喻不健全、不健康的人或物，好米指完好無缺的米粒。比喻人有不符自己身份或能力的過度慾望；也指人條件不好，卻又愛挑剔。

Oexkux:
🗣 Siky bøo hør, thaulo øq zhoe, citmar na u laang beq chviax tø aix khix zøx, mxthafng “oay zhuix kef ciah hør bie”, køq sviuxbeq ti hiaf kefngtangkefngsay.

時機無好，頭路僫揣，這馬若有人欲倩就愛去做，毋通「歪喙雞食好米」，閣想欲佇遐揀東揀西。

🗣 Oankef piexn chinkef.

冤家變親家。

由仇人變成姻親。

Oexkux:
🗣 Yn nng ee tviaxtvia teq oankef, sviaflaang zay sixsex in'ui tviaxtvia kviebin, hoxsiofng ieaix, khix tengkix kiet'hwn, soaq “oankef piexn chinkef”.

伊兩个定定咧冤家，啥人知序細因為定定見面，互相意愛，去登記結婚，煞「冤家變親家」。

Oexkux:
🗣 Citnng ee thaukef pwncviaa uixtiøh chviuo senglie laai khyphuiebin, sviuxbexkaux citmar soaq“oankef piexn chinkef”, habkor zørsenglie.

這兩个頭家本成為著搶生理來起呸面，想袂到這馬煞「冤家變親家」，合股做生理。

🗣 Oarnsvef bøo oaxn sie

怨生無怨死
人死了，一了百了，前債恩怨都應一筆勾銷。勸人解除對往生之人的懷恨。

Oexkux:
🗣 Suijieen y iawkøq khiaxm lie cyn ze cvii, mxkøq laang tøf ykefng sie`aq, “oarnsvef bøo oaxn sie”, lie tø zurn'tuo'hør`khix`aq`laq!

雖然伊猶閣欠你真濟錢，毋過人都已經死矣，「怨生無怨死」，你就準拄好去矣啦！