會生得囝身，袂生得囝心。

能夠生出孩子的身體，卻不能生出孩子的心思。意為雖然兒女是父母所生，但也有自己的意志，父母不能任意左右；或指教育孩子很不容易，往往不能按照父母的期待。

Oexkux:
🗣 Hiexnsii siaxhoe zuntiong kørjiin, tøxsngx si pexkviar ma u bøo kaxngkhoarn ee sviuxhoad, laang korng “exsvetid kviar syn, bexsvetid kviar sym”, pexkviar bøo kang zongkaux, bøo kang zerngtorng, ma engkay hoxsiofng zuntiong.

現時社會尊重個人，就算是爸囝嘛有無仝款的想法，人講「會生得囝身，袂生得囝心」，爸囝無仝宗教、無仝政黨，嘛應該互相尊重。

Oexkux:
🗣 Pexbuo kaoiok sixsex si cidkvia cviaa kanlaan ee khangkhoex, “exsvetid kviar syn, bexsvetid kviar sym”, u ee gyn'ar putsiuxkaux, sixmcix gvofgek pexbuo, ho yn khix kaq m zay beq zvoafviu ciaq hør.

爸母教育序細是一件誠艱難的工課，「會生得囝身，袂生得囝心」，有的囡仔不受教，甚至忤逆爸母，予𪜶氣甲毋知欲怎樣才好。

🗣 Gii laang, m cviaa zhat.

疑人，毋成賊。

光憑懷疑，並無法認定某人就是賊。謂凡事都要講求證據，不能只因內心懷疑，便將人入罪。

Oexkux:
🗣 “Gii laang, m cviaa zhat”, na bøo zerngkix thafng zøx kanzexng, tø bextaxng opeh loa`laang.

「疑人，毋成賊」，若無證據通做干證，就袂當烏白賴人。

Oexkux:
🗣 Laang korng: “Gii laang, m cviaa zhat.”Kazaix kefnghofng u ka taixcix tiauzaf ho y zhengzhør, ciaq bøo oanofngtiøh høflaang.

人講：「疑人，毋成賊。」佳哉警方有共代誌調查予伊清楚，才無冤枉著好人。

🗣 Giaqthaau svaf chiøq u sinbeeng.

攑頭三尺有神明。

抬起頭三尺高處就有神明察看著。告誡人們做事前要三思，因為冥冥之中都有神在監督著我們的一言一行，千萬別做虧心事，否則將招致報應。

Oexkux:
🗣 Lie maix kiørsi korng lie zøx ee hiaee sitteg tai bøo laang zay, sioggie korng: “Giaqthaau svaf chiøq u sinbeeng.”Lie kynzoaqban e tittiøh pørexng.

你莫叫是講你做的遐的失德代無人知，俗語講：「攑頭三尺有神明。」你緊縒慢會得著報應。

🗣 Giaam kvoahuo zhud kau zhat;giaam pexbuo zhud alyputtat.

嚴官府出厚賊；嚴爸母出阿里不達。

過於嚴苛的官府，小偷反而更加猖狂；父母管教過嚴，小孩越是不成材。喻適當的律法及教育更為重要。

Oexkux:
🗣 Zernghuo iaqsi pexbuo koarn juo giaam, jinbiin iaqsi sixsex tø køhkhaq e khyzheq, gaau pviekuypviekoaix, bogkoaix laang teq korng, “Giaam kvoahuo zhud kau zhat;giaam pexbuo zhud alyputtat.”

政府抑是爸母管愈嚴，人民抑是序細就閣較會起慼，𠢕變鬼變怪，莫怪人咧講：「嚴官府出厚賊；嚴爸母出阿里不達。」

🗣 Gynaflaang khazhngf svaf tao hoea.

囡仔人尻川三斗火。

小孩屁股有三盆火。比喻小孩子血氣方盛，屁股好似有火般的熱度，此處用來形容孩子不怕冷。

Oexkux:
🗣 Hanliuu laai`aq, amar kvoaa kaq phiqphiqzhoaq, sun'ar iugoaan zheng tea'ngr`ee, bogkoaix laang korng: “Gynaflaang khazhngf svaf tao hoea.”

寒流來矣，阿媽寒甲咇咇掣，孫仔猶原穿短䘼的，莫怪人講：「囡仔人尻川三斗火。」

🗣 Gynaflaang uxhvixbøzhuix.

囡仔人有耳無喙。

小孩子有耳朵沒嘴巴。指叫小孩聽話就好，不要多問。通常使用於大人說話時，若小孩插嘴或發問，便會以這句話來阻止小孩開口。

Oexkux:
🗣 Sioggie korng, “Gynaflaang uxhvixbøzhuix.”Toaxlaang na teq kofng'oe, gynaflaang khaq m bad phangzhaux, sioxnghør maix opeh zhapzhuix, khaq bøo taixcix.

俗語講：「囡仔人有耳無喙。」大人若咧講話，囡仔人較毋捌芳臭，上好莫烏白插喙，較無代誌。

Oexkux:
🗣 Kofzaflaang kviakvix gyn'ar korng mxtiøh oe e korlang'oaxn, ciaq e korng “gynaflaang uxhvixbøzhuix”, citmar ee laang tientøx e kofle gyn'ar aix iofngkarm piawtat kaki ee sviuxhoad.

古早人驚見囡仔講毋著話會顧人怨，才會講「囡仔人有耳無喙」，這馬的人顛倒會鼓勵囡仔愛勇敢表達家己的想法。

🗣 Gong`ee ia u cidhang e.

戇的也有一項會。

笨的人也有一項他會的才能。比喻天生我才必有用。

Oexkux:
🗣 Y cit'ee laang u khaq tit, bexhiao piernkhiaux, mxkøq “gong`ee ia u cidhang e”, kautaix y zøx tit thaulo, y lorng e ciaokhykafng zøx, be thoasoaf, be kiuzuie, cyn khøfzhuo.

伊這个人有較直，袂曉變竅，毋過「戇的也有一項會」，交代伊做直頭路，伊攏會照起工做，袂拖沙、袂勼水，真可取。

🗣 Go ky zefngthauar zhwn`zhwn`zhud bøo pvee tngg.

五肢指頭仔伸出來無平長。

指五根手指頭伸出來不可能一樣長，必有所歧異。如同兄弟姊妹其聰明才智並非一致，仍舊有所不同。

Oexkux:
🗣 Pexbuo thviax kviar, tuix khaq u zhud'thoad`ee tø paxng khaq e løqsym, aq na thaxn khaq bøo ciah`ee tø e khaq ciaokox, laang korng: “Go ky zefngthauar zhwn`zhwn`zhud bøo pvee tngg.”Mxkøq thviax kviar ee sym lorng si kang'khoarn`ee, zoadtuix bøo toaxseasym ee tøxlie.

爸母疼囝，對較有出脫的就放較會落心，啊若趁較無食的就會較照顧，人講：「五肢指頭仔伸出來無平長。」毋過疼囝的心攏是仝款的，絕對無大細心的道理。

🗣 Gutiaulai tag gubør.

牛牢內觸牛母。

牛圈裡鬥母牛。比喻兄弟或同志只善內鬥、欺負弱小，卻不能抵禦外侮、克服強敵，反而被人看扁了。

Oexkux:
🗣 Lirn hviati'ar kannaf exhiao ti zhux`lie siøtag, zhutkhix kaux goaxkhao tø nar nngr'khaf'hee`leq, sioggie korng, “Gutiaulai tag gubør.”Si beq afnzvoar e hefng?

恁兄弟仔干焦會曉佇厝裡相觸，出去到外口就若軟跤蝦咧，俗語講：「牛牢內觸牛母。」是欲按怎會興？

Oexkux:
🗣 Kongsy ee giabbu kiafmthøfhoe si beq zhoexzhud buxntee, thekøf giabzeg, m si beq “gutiaulai tag gubør”, phahphvae tongsu ee kafmzeeng.

公司的業務檢討會是欲揣出問題，提高業績，毋是欲「牛牢內觸牛母」，拍歹同事的感情。

🗣 Guu tø si guu, khafn kaux Pakkviaf ia si guu.

牛就是牛，牽到北京也是牛。

把窮鄉僻壤的牛，牽到人文薈萃的京城，固執的牛脾氣還是依舊。形容人的個性不可能改變，縱使換了環境還是原來的樣子。

Oexkux:
🗣 Cit'ee laang zeeng seahaxn tø cviaa kipsexng, tvaf tøf ciah kaq go lak'zap`aq, zøx taixcix iawsi afnnef zhofngzhofngpoxngpong, cincviax si “guu tø si guu, khafn kaux Pakkviaf ia si guu”.

這个人從細漢就誠急性，今都食甲五六十矣，做代誌猶是按呢衝衝碰碰，真正是「牛就是牛，牽到北京也是牛」。

🗣 Goexsefng ciah bwku, chinchviu ciah tauxhu.

外甥食母舅，親像食豆腐。

外甥佔舅父的便宜，像是吃豆腐那樣簡單。喻外甥要倚靠舅父幫忙或讓舅父請客較為容易。

Oexkux:
🗣 Tefngjidar lie beq pvoazhux, lirn aku zoankafng zhefngkar laai ka lie taux pvoaf, lie mxna bøo karm'sia`y, køq hiaam y khachiuo ban, cviasit si “goexsefng ciah bwku, chinchviu ciah tauxhu”.

頂日仔你欲搬厝，恁阿舅專工請假來共你鬥搬，你毋但無感謝伊，閣嫌伊跤手慢，誠實是「外甥食母舅，親像食豆腐」。

🗣 Hauxtviuo kiafm koxng zefng.

校長兼摃鐘。

校長兼做敲鐘的工作。「摃鐘」指敲響學校上下課的鐘聲，以學校最高職務的校長，還需兼做敲鐘報時的工作，來形容一個人身兼數職，而且多半是指一手包攬整個單位、團體或專案的大小事。

Oexkux:
🗣 Phienphiaq texkhw ee haghau hagsefng ciør, kaocit'oaan ma ciør, haghau laixbin cidee laang tiøh kiafm kuyna ee khangkhoex, tø e chviu laang sor korng`ee “hauxtviuo kiafm koxng zefng”.

偏僻地區的學校學生少，教職員嘛少，學校內面一个人著兼幾若个工課，就會像人所講的「校長兼摃鐘」。

Oexkux:
🗣 Tiarmbin tuo khaitiofng bøgoaxkuo, senglie hør kaq, tiarmtviuo ma “hauxtviuo kiafm koxng zefng”, kaq hiaee sinløo kaxngkhoarn, bøeeng teq ernghux khuibo cittvoa kikafn ee langkheq.

店面拄開張無偌久，生理好甲，店長嘛「校長兼摃鐘」，佮遐的辛勞仝款，無閒咧應付開幕這段期間的人客。

🗣 Hekw be lurn tid saux.

痚呴袂忍得嗽。

氣喘忍不住要咳嗽。形容人忍無可忍，不吐不快。

Oexkux:
🗣 Bengbeeng si y mxtiøh køq kvar kaq laang toaxseasviaf, goar ti pvy`ar khvoax kaq “hekw be lurn tid saux”, tø khuizhuix kaq y lylun.

明明是伊毋著閣敢佮人大細聲，我佇邊仔看甲「痚呴袂忍得嗽」，就開喙佮伊理論。

🗣 Hiekoarn pvy ee tibør, be puun siaw ma e phahpheg.

戲館邊的豬母，袂歕簫嘛會拍拍。

戲館邊的母豬，戲聽多了，不會吹簫，也會打拍子。比喻常見無難事；或指人易受周圍環境影響。

Oexkux:
🗣 Sioggie korng, “Hiekoafnpvy ee tibør, be puun siaw ma e phahpheg.”Baxnhang kisut, ciap khvoax ciap bofng kekiarm ma exhiao.

俗語講：「戲館邊的豬母，袂歕簫嘛會拍拍。」萬項技術，捷看捷摸加減嘛會曉。

🗣 Hiepvee khaf khia kuo tø si lie ee.

戲棚跤徛久就是你的。

戲臺下站久了就是你的。勸人做事要有耐性，如能持之以恆，成功必屬於你的。

Oexkux:
🗣 Larn zøx taixcix aix u naixsym, mxthafng kviaf kankhor, laang korng “hiepvee khaf khia kuo tø si lie ee”, na extaxng kienchii kaotea, siongsixn larn itteng e sengkofng.

咱做代誌愛有耐心，毋通驚艱苦，人講「戲棚跤徛久就是你的」，若會當堅持到底，相信咱一定會成功。

🗣 Hiaam hoex ciahsi bea hoex laang.

嫌貨才是買貨人。

會挑貨物毛病的人，才是真正有意要買的人。意即客人會對貨物表示意見才是真正要購買的人。

Oexkux:
🗣 Langkheq na beq bea miqkvia, kekiafm'ar tøf e hiamtanghiamsay, mxkøq sioggie teq korng, “Hiaam hoex ciahsi bea hoex laang.”Larn tiøqaix naixsym thviaf langkheq korng, theh bøo kang ee safnphirn ho langkheq kerng, senglie ciaq zøx e seeng.

人客若欲買物件，加減仔都會嫌東嫌西，毋過俗語咧講：「嫌貨才是買貨人。」咱著愛耐心聽人客講，提無仝的產品予人客揀，生理才做會成。

🗣 Hviati na kang sym, othoo piernseeng kym.

兄弟若仝心，烏塗變成金。

兄弟若能同心，黑土也能變黃金。意謂兄弟同心耕作，可種出大量作物，賺足金錢，就像是把田裡烏黑的泥土變成黃金一樣。鼓勵手足之間應通力合作，便能得到耀眼的成果。

Oexkux:
🗣 Lirn na koatsym beq ciab lauxpe ee senglie, tø aix hoxsiofng thefliong, “hviati na kaxngsym, othoo piernseeng kym”, tangzee phahpviax ciaq e sengkofng.

恁若決心欲接老爸的生理，就愛互相體諒，「兄弟若仝心，烏塗變成金」，同齊拍拚才會成功。

🗣 Hiauhexngcvii, sitteg liao;oanofngcvii, poaqsw kiao.

僥倖錢，失德了；冤枉錢，跋輸筊。

不義之財，會因為做不道德的事而花光；冤屈人家所得到的橫財，也會賭博全輸光。誡人勿貪非分及不義之財，不義之財，怎麼來就怎麼去。

Oexkux:
🗣 Y zhoaxn tøf eng ka laang phiexn teq zoafnciah, køq tiern korng afnnef lorng biern purn, mxkøq “hiauhexngcvii, sitteg liao;oanofngcvii, poaqsw kiao”, kynban y e zay chizharm.

伊串都用共人騙咧賺食，閣展講按呢攏免本，毋過「僥倖錢，失德了；冤枉錢，跋輸筊」，緊慢伊會知悽慘。

🗣 Hvi'ar svef nng hiøh, kaki khvoax be tiøh.

耳仔生兩葉，家己看袂著。

耳朵雖然有兩片，但自己卻無法看見自己的耳朵。意指人看不見自己的缺點。或指人不會反省自己的缺點，卻偏要談論別人的缺失。

Oexkux:
🗣 Y tø si piauzurn ee “hvi'ar svef nng hiøh, kaki khvoax be tiøh”ee hid khoarn laang, kiøx y korng padlaang ee khoattiarm, suii tø korng kaq zhuiekag zoaan phøf, aq na kofngtiøh kaki tøfui aix kae, y tø lorng tiaxmtiam, nafchinchviu voa cidee laang ee khoarn.

伊就是標準的「耳仔生兩葉，家己看袂著」的彼款人，叫伊講別人的缺點，隨就講甲喙角全波，啊若講著家己佗位愛改，伊就攏恬恬，若親像換一个人的款。

🗣 Høfgiah mxtadtiøh e ciah, høfmia mxtadtiøh iofngkvia.

好額毋值著會食，好命毋值著勇健。

富有不如能享口福，命好不如身體健康。說明有食欲、身體健康比起財富或運勢都還更重要。

Oexkux:
🗣 Sioggie korng, “Høfgiah mxtadtiøh e ciah, høfmia mxtadtiøh iofngkvia.”Cvii zhwn køhkhaq ze, na bøo ciaqhog, sinthea køq bøo iofngkvia, ma bøloxeng.

俗語講：「好額毋值著會食，好命毋值著勇健。」錢賰閣較濟，若無食福，身體閣無勇健，嘛無路用。

Oexkux:
🗣 Y høfgiah si høfgiah, cidjit-kaoaxm lorng phoarpve tør ti binzhngterng, køq be kviaa be soar, bogkoaix zhuopvy e korng: “Høfgiah mxtadtiøh e ciah, høfmia mxtadtiøh iofngkvia.”

伊好額是好額，一日到暗攏破病倒佇眠床頂，閣袂行袂徙，莫怪厝邊會講：「好額毋值著會食，好命毋值著勇健。」